Müğənni Rəqsanə: "Bunu özümə borc bilirəm"

Müğənni Rəqsanə müqəddəs Ramazan ayının buyurduğu əməllərə riayət edənlərdəndir.

Ötən gün sənətçi ilə telefon bağlantısı yaradanda, o, oruclu olduğunu  bildirdi. 

"10 ildir, sərasər orucumu tutur, xeyirxah əməllər görürəm. Ramazan ayı başlayandan orucluyam. Bütün ayı tutmağa çalışacam. Əgər səfər və ya hansısa səbəbdən dayandırsam, həmişəki kimi qəzasını tutacam. Bunu özümə borc bilirəm", - deyən sənətçi iş qrafikinin ağır olmasına baxmayaraq, müqavimətini itirmədiyini söylədi.

"İşlərim çox olur. Saat da uzundur. Oruc açılan saatlarda elə olur, iş başında oluram, amma buna baxmayaraq, əvvəlcədən orucumu batil eləmirəm", - deyən sənətçi xatırlatdı ki, bu gün uşaq evinin sakinlərini də sevindirəcək. Bildirdi ki, yaxın dostu olan vizajist Nigar İbrahimova ilə birlikdə uşaq evlərindən birinə yollanacaqlar. Onlara milli mətbəximizdən yeməklər və hədiyyə sovqatı aparacaqlar. Sənətçi bunu hər il həyata keçirdiyini xatırlatdı.

Müğənni Röya: "Əlacım olsa..."

"Onlardan ayrılmaq istəmirəm".

Məşhur müğənni Röya dikdaban ayaqqabıdan bezib. Səhnəyə hündür və narahat ayaqqabıda çıxmağa məcbur olan ulduz ayaqlarının ağrıdığından şikayət edir.

Konsert öncəsi ayağında idman ayaqqabısı olan müğənni  fotokameralara tuş gəldi. Dəbli və narahat ayaqqabılardan bezən Röya bəzi məsələləri etiraf etdi: "Əlacım olsa, səhnəyə elə bu "ket"lərimlə çıxaram. Bunları bir kənara qoyub, hündür, qaşlı və narahat ayaqqabını geyinmək sanki ölümə barəbərdir. İndi mən neçə saat bunların üstündə konsert verməliyəm. Amma idman ayaqqabılarım çox rahatdır. Onlardan ayrılmaq istəmirəm”, - deyən Röyanın təqdim etdiyimiz fotosessiyadakı simasına nəzər salsanız, ağlamağa belə hazır olduğunu görərsiniz.

Onu da bildirək ki, müğənninin son konsertində ayaqqabısı yarım ölçü balaca olub: “Geyimimə uyğun olan bu ayaqqabıdan iki ədəd qalmışdı. Biri 37,5 digəri isə 38,5 ölçüsündə idi. Mən də balacanı götürdüm. Konsert bitəndən sonra isə dikdabanı çıxardıb hara atdığım yadımda belə deyil”.

Onu da bildirək ki, bir neçə stilist və vizajistlə çalışan Röya bir tək dodaq boyasını heç kimə həvalə etmir. Ulduz dodaq boyasını özü çəkməyi üstün tutur.

Oksana Rəsulova teleaparıcı olmaq istəyir

O, iki televiziya layihəsi hazırlayıb və hər ikisinin reytinqli olacağını düşünür.

"Bu layihələri çoxdan hazırlamışam və ümid edirəm ki, heç olmasa, birini reallaşdıra biləcəm. Əminəm ki, həmin verilişlər tamaşaçıların qəlbini fəth edəcək. Lakin hər şey maliyyədən asılıdır. Misal üçün mənim layihələrimdən biri rəqslərlə bağlıdır və bunun üçün çoxlu maliyyə vəsaiti tələb olunur. Mən iki il teleaparıcı işləmişəm. Bu iş mənim çox xoşuma gəlib", - Oksana Rəsulova əlavə edib.