RƏQSANƏ ƏRƏ GEDİR

Rəqsanə İsmayılova yenidən ərə gedir. Müğənninin "ATV Maqazin" verilişində dediyinə görə toy, fevral ayında gözlənilir. Sevgilisini çox sevdiyini, etibar etdiyini və xöşbəxt olduğunu deyən Rəqsanə, nəhayət arzuladığı insan ilə birlikdə olduğunu bildirib

İbrahim Tatlısəs Bakıdadır

 Türk musiqisinin imperatorunu Nuridə Küskün müalicə edəcək. Türkiyənin məşhur müğənnisi İbrahim Tatlısəs Bakıdadır. Bu barədə Lent.az-a tanınmış ekstrasens Nuridə Küskün məlumat verib. Onun sözlərinə görə, bu gündən etibarən müğənnini müalicə edəcək: “Mən uzun müddət Rusiyada işləmişəm. Tanınmış bir insan var idi. O, mənim xəstəm idi. Sağaldıqdan sonra İbrahim bəyə mənim haqqımda danışıb. Daha sonra isə mənə Amerikan xəstəxanasından zəng vurdular. Bildirdilər ki, sizin haqqınızda bilgilərimiz var. Çalışdığınız xəstələr hamısı tam sağalıb. Biz Tanrının köməyi ilə İbrahim bəyi həyata qaytardıq, onun tam sağalması üçün bizə kömək edə bilərsinizmi? Mən də dedim ki, qoy bir az fikirləşim, cavab deyərəm. Sonra isə qərarımı bildirdim. Razılaşdığımı söylədim”. Nuridə Küskün bildirib ki, o, müalicəni təmənnasız həyata keçirəcək: “Bu yaxınlarda İstanbuldan çəkiliş üçün gəlmişdilər. Onlar da bunu məndən soruşdular. Bildirdim ki, mən bu işi təmənnasız həyata keçirəcəyəm. Onlara bildirdim ki, İbrahim Tatlısəs həm Türkiyənin, həm də bizim əzizimizdir. Birinci Tanrı kömək edəcək, sonra isə biz. Mən İbrahim Tatlısəsə sözümü demişəm. Mən hörmət, para, savabın kimdən gəldiyini bölüşdürməyi bacarıram. Tanrı qarşısında söz verdim ki, ona kömək edəcəyəm. Mənə gələn səslər heç vaxt məni aldatmayıb”. Nuridə Küskün bildirib ki, müğənni hazırda qaldığı mehmanxanada istirahət edir: “İbrahim bəy bildirdi ki, hələlik 3-4 gün dincəlmək istəyir. O, çox gərgindir, həm də çox duyğusal olub. Müalicələrimiz elə müğənninin qaldığı mehmanxanada həyata keçiriləcək”.

Emre Aydının Bakı konserti aparıcıları bir-birinə qatdı

 AzNews.az-ın məlumatına görə, bu günlərdə türk müğənnisi Emre Aydının “Buta Palace”da keçirilən konserti aparıcılar arasında yaşanan gərginliklə yadda qalıb. Belə ki, əvvəlcədən bütün afişalarda, reklam çarxlarında konserti teleaparıcı Murad Əzimzadənin təqdimatında keçiriləcəyi qeyd olunsa da, adıçəkilən şəxs konsertə gəlməyib. Əvvəl buna səbəb bəzi saytlarda M.Əzimzadənin təşkilatçılarla maddi problemin olması göstərilib. Bu gün isə aparıcı SİA-ya verdiyi müsahibədə başqa səbəblər göstərib: