Rəqsanə də oruc tutur – Foto

Ramazan ayında oruc tutub, ibadətlə məşğul olan Rəqsanə İsmayılova yaradıcılıq işləri ilə də məşğul olur.

Mügənni bildirib ki Sentyabrın 11-12-də konserti zamanı solo çıxış edəcək. R.İsmayılova konsertlə yanaşı yeni klipi haqqında da danışıb:

“Ramazan ayı başa çatandan sonra Bakıdan İstanbula qayıdacağam. Orada konsertin məşqləri başlayacaq. Hazırda isə çəkiləcək klipin geyimləri tikilir. İki klip çəkiləcək.

Heyətlə müqaviləmiz olub. Qərara gəldik ki, klipin biri konsertimdə yeni albomumla birlikdə təqdim olunsun. Başqa sürprizlər də gözlənilir. Digər klipin yayımı sentyabrın sonuna nəzərdə tutulub. Klipin rejissoru Murat Küçükdür”.

Rəqsanə onu da deyib ki, Bakıda nəzərdə tutulan yaradıcılıq planlarının həllində prodüser Tolik onun yanında olacaq.

“Bir-birimizə aşiq olmuşuq” - Könül

Müğənni Könül Kərimova yeni duet ortağı tapıb. 

Azad.Az ~ xəbər verirki sənətçi “Xəzər” telekanalında yayımlanan “Star life” verilişinə açıqlamasında uzun müddətdir arzuladığı həmkarı ilə mahnı ifa etdiyini deyib: 

“Eldar Ələkbərovun ifasına heyran idim. Onu tanıyan gündən istəyirdim ki, birlikdə duet oxuyaq. Biz bir-birimizə aşiq olmuşuq. Mahnı çox gözəl alınıb. Bəyəniləcəyinə inanıram”. 

Eldar Ələkbərov da öz növbəsində Könül Kərimovanın səsinə vurğun olduğunu deyib: 

“Könül xanımın səsini bəyənirəm. Əhvalım olmayanda həmişə onun mahnılarına qulaq asırdım. “Xəbərin yoxmu” adlı mahnıya ifa etdiyimiz duet çox yaxşı alınıb. Sentyabrda klip də çəkdirəcəyik. Bu, son işimiz olmayacaq”

Türklər Aygün Kazımovaya tərif yağdırdı

Türkiyənin tanınmış musiqiçisi Murat Yetər xalq artisti Aygün Kazımovanın ünvanına tərif yağdırıb. 

Axşam.az-ın məlumatına görə, ötən həftə sənətçinin konsertində onu müşayiət edən Murat təəssüratlarını “Onlar” verilişi ilə bölüşüb: 

“Çox gözəl bir konsert baş tutdu. Qürur hissi keçirirəm ki, bu cür sənətkarla eyni səhnəni paylaşdım. İnana bilməyəcəyiniz qədər ləzzət aldım. Aygün Kazımova dünya ulduzudur”. 

“Doqquz-səkkiz” musiqi şirkətinin rəhbəri Əhməd Çəlik də ilk dəfə media qarşısında müsahibə verib və xalq artisti haqda xoş sözlər deyib: 

“Aygün Kazımova çox dəyərli musiqiçidir. Tanrı onu bir ulduz olaraq dünyaya gətirib. O, sözün əsl mənasında istedadlıdır. Bu cür önəmli musiqiçi ilə işləməkdən qürur duyuram”.

Elza oğlunu evləndirməyə qız tapdı

“Oğlumu evləndirmək istəyirəm. İndidən gəlinim üçün xonça hazırlamağa başlamışam. Namizədim də var. Əgər alınarsa, bu il toy edəcəm”. 

Bu sözləri öz açıqlamasında əməkdar artist Elza Seyidcahan deyib. 

Müğənni sonuncu konsertində aldığı hədiyyələrin əksəriyyətini gəlin xonçasına yığdığını deyib: 

“Konsertimdə çoxlu hədiyyələr aldım. Onlardan biri də Brilliant Dadaşovanın bağışladığı kosmetik vasitə idi. Çox xoşuma gəldi, qoydum gəlin xonçasına”.

“Su şousu”ndan danışan Elza Seyidcahan həmkarlarının konsertə gələ bilməməsinə sevinib:  “Gecədə çox qonaq var idi. Bu da məni sevindirirdi. Sənətçi dostlarımın bəziləri gələ bilmədi, amma məyus olmadım. Hətta deyirəm ki, nə yaxşı gəlməyiblər, oturmağa yer tapmayacaqdılar, mən də narahat qalacaqdım”.