BMT-nin Ərzaq və Kənd Təsərrüfatı Təşkilatı, çəyirtkələr, qarışqalar və böcəklər aləminin digər üzvlərini insanlar, ferma və ev heyvanları üçün alternativ qida vasitəsi ola biləcəyini açıqlayıb.
İtalyanın paytaxtı Romada təşkil edilən mətbuat konfransında təqdim edilən 200 səhifəlik "Yenilə bilən Böcəklər: Qida və Yem Təhlükəsizliyinin Gələcəyi üçün Təkliflər" adlı hesabatda məlumat verilib. Hesabatda qeyd edilir ki, dünyanın müxtəlif bölgələrində 2 milyarda yaxın insan süfrələrində zülala və minerallarla zəngin olan böcəklərdən istifadə edirlər. Yazılı sənəddə o da vurğulanır ki, 1 kiloqram ət əldə etmək üçün böyük baş heyvanlar 8 kiloqram, böcəklər isə 2 kiloqram yem istifadə edir.
Ətraf mühitə elə də böyük zərəri olmayan böcəklərin, insan və heyvan tullantıları ilə qidalandığı bildirilir. Hesabatda, eyni zamanda böcəklərin zəngin dəmir, maqnezium, manqan, fosfor, selenyum və sink tərkibli olduğu bildirilir.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.