“Kolanın içində böcək var” söz-söhbətləri illərdir davam edir. Dünyada kolaya rəng verən böcək olaraq əfsanəvi bir şöhrət qazanan “cochineal” qidadan kosmetikaya qədər bir çox sektorun canı-qanıdır. O olmasa nə sosislərin rəngi çəhrayı, nə pomadalar rəngarəng, nə də kolaların hazırkı rəngi olmazdı. Bu böcəklərdən eyni zamanda tekstil və kosmetik boyası istehsalında da istifadə edilir.
İlk olaraq Aztecs tərəfindən kök boyasına rəng əlavə etmədə istifadə edilən bu böcəklər Cənubi Amerika və Meksikada yaşayır. Cochineal böcəyi Boliviya, Çili, Kanarya adaları və Peruda tikanlı kaktusların üzərində yaşayır. Təbii mühitdə çoxaldığı kimi mədəni olaraq da yetişdirilə bilər. Böcəklərin istehsalı üçün böyük fermalar var. Onlar əvvəlcə gigiyenik hala gətirilir. Daha sonra isə toz halına gətirilərək satışa təqdim edilir.
Amerikan Qida və Dərman Dairəsinin (FDA) istifadəsinə icazə verdiyi maddə, qədim zamanlardan bəri qırmızı rəng əldə etmək üçün Cochineal böcəyindən əldə edilir.
Bir çox məhsulda istifadə edilən bu maddənin hələki bilinən tək zərəri allergik reaksiyalara gətirib çıxarmasıdır.Hollandiyada Vageningen Universitetinin Entomoloji Professoru Marcel Dicke keçən il verdiyi açıqlamada hər kəsin bir miqdar böcək yediyini deyib: “Dünyanın hər hansı bir yerində işlənmiş qida maddəsi yeyənlər onsuz da böcək yeyiblər. Bunun miqdarı da ildə təxminən 500 qramdır. Pomidor sousu, fıstıq əzməsi və ya çörək kimi işlənmiş bütün qidalarda böcək var”.
Meyvəli süd, qatıq, biskvit, dondurma, cem, souslar, meyvə şirələri, ət məhsulları, şirniyyat və saqqız kimi yüzlərlə məhsulun içində olan maddəyə hər hansı qanuni qadağa qoyulmayıb.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.