Qoç - Ailə imkanlarını və yaşam şərtlərini yaxşılaşdırmaq bu gün xüsusi maraq dairənizdədir. Lakin bəhs etdiyimiz istiqamətlərdə hansısa konrkret addımlar atmaq istəyində uğursuzluğa düçar olmaq ehtimalı böyükdür. Kiçik problemlər və öhdəliklər sizə mane olacaq, dəqiqləşdirmə və təxirə salmalar tələb edəcək. Ailə üzvləri ilə danışmaqdan, ağıllı bildiyiniz insanlardan məsləhət almaqdan çəkinməyin. Təkrar müzakirə sizə ilkin planlara dəyişikliklər etməyə imkan verər.

Buğa - Aramlı davranış və düşüncə tərzini müvəqqəti də olsa, unudun. Operativ, çevik, cəsur olun, istək və arzularınızdan çəkinməyin. Yaxın qohumların yardımlarına tam bel bağlamağa dəyməz: belə hərəkətlər uğur gətirsə də, başağrısı yaradacaq. Özünüzə inam, yüngül avantür əhval-ruhiyyə bu gün sizə uğur qazandıra bilər. Karyera inkişafında da şans var. O şansı reallaşdırmaq üçün riskdən çəkinməyin. Ola bilər ki, bəzi adamlarla əməkdaşlığı dayandıracaqsınız.

Əkizlər - Valideynləriniz və ailə üzvlərinizlə mübahisələr mümkündür. Prinsipial məsələlərdə razılığa rəğmən, xırda məqamlarda onlar sizi anlamırlar. Ola bilər ki, mübahisələr ciddiləşsin. Maliyyə işlərində problemlər mümkündür. Əgər maliyyə problemlərinizi düşünürsünüzsə, borc aldığınız pulları unutmayın. Ailə üzvləriniz etiraz etsələr də, borcu qaytarmağa can atın.

Xərçəng - Gündəlik işləri yerinə yetirəndə onlardan bəzilərini orijinal şəkildə gerçəkləşdirmək istəyəcəksiniz. İstəklərinizi realaşdıranda anlaşılmazlıq və inadkarlıqla qarşılaşmağa hazır olun. Ünsiyyətdə etiraz, cədvəldə dəyişiklik, yollarda problemlər kimi maneələr yarana bilər. Çalışdığınız adamlar tələblərinizi anlamayacaqlar. Ətrafdakı insanların sizi sıxışdırmağa çalışdıqlarını düşünəcəksiniz. Səhhətinizdə, müalicədə, həkimlərlə söhbətlərdə problemlər yarana bilər.

Şir - Uzaqdakı aldamlarla əlaqələr yaratmaq, təhsil və imkanları artırmaq günüdür. Biznesdə etibarlı və nüfuzlu müttəfiqlər qazanmağa çalışın. Ətrafdakı insanlara, o cümlədən uşaqlara təsir imkanlarını artırmağa səy göstərəcəksiniz. Demokratik və açıq olun. Təşəxxüs, lovğalıq və mənəm-mənəmlikdən uzaq qaçın. Bütün bunlar ünsiyyətə mane olacaq. Dostlar, tərəfdaşlar, müəllimlərin dediklərinə diqqətlə qulaq asın.

Qız - İşlər üçün uğurlu gündür. Çalışdığınız kollektiv və təşkilatı uğurla təmsil edə bilərsiniz. Maliyyə əməliyyatlarından çəkinməyin. İşlə bağlı risk və həyəcan mümkündür. Qatıldığınız iş və ya layihə sizə avantüra təsiri bağışlaya bilər, amma son nəticə yaxşı olacaq, kim olduğunuzu da tez başa düşəcəklər. Nüfuzlu adamlar və etibarlı dostları bu gün yada salın.

Tərəzi - İdeya və planları götür-qoy etmək üçün əlverişli gündür. Sizə maraqlı məlumatlar, təhlil üçün bilgi verə biləcək adamlarla əlaqə saxlayın. Doğrudur, gərəkli adamlarla əlaqə saxlaya bilməyəcəksiniz, çünki onlar bu gün sizinlə danışa bilməyəcəklər. Valideynləriniz sizin qohumlarınızla görüşməyinizə mane olmağa çalışacaqlar. Bəzi tanışlıqlarınız da onları təlaşlandıracaq.
Qısa səfərlərdə maneələr və problemlər ola bilər, amma onlar tez həllini tapacaq.

Əqrəb - Bu gün ən mühüm məsələ maliyyə və pulla bağlıdır. Başqa adamları cəlb etdiyiniz işə görə məsuliyyət daşıdığınızı yaddan çıxarmayın. Həyatınızın bu sahəsindəki mürəkkəb anlara xüsusi diqqət verin. Məhduiyyətlər və ciddi dəyişikliklər ola bilər. Dostlarınız arasında sizə sədaqətlilər bu gün bilinəcək.
Müvəqqəti qorxular, təlaşlar, şübhələr istisna deyil. Təkbaşına düşünmək faydalı, rəhbərliyin yardımı sizə dəstək olacaq.

Oxatan - Gün yetərincə uğurlu olacaq. Şən istirahət pis deyil, amma belə istirahətin həddini aşmasına yol verməyin. Xoş xəbərlər alacaqsınız. Qısa səfər və ya görüş sizə həzz verə bilərə. Diqqət, səmimi münasibət sizdən xali olmayacaq. Dostlar və tanışlar arasında hörmətinizin olduğunu görəcəksiniz. Tanışlar və iş yoldaşları ilə əlaqələri möhkəmləndirin. Ailə üzvlərindən birinə və ya sevdiyiniz insana verdiyiniz vədi bu gün yerinə yetirə bilərsiniz.

Oğlaq - Bu günün psixoloji fonu yetərincə gərgin olacaq. Dini, dünyagörüşüylə bağlı, ideoloji məsələlərdə tənhalıqla qarşılaşacaqsınız. Əksər hallarda ətrafdakı insanlar sizi tam anlamayacaqlar. Bu gün özünüzü az tənqid edin. Zəifliklərinizi, nöqsanlarınızı nəzərə alaraq onları qabartmasanız, konstruktiv qərarlar əldə oluna bilər. Məqsəd və planlarınızı reallaşdırmaq üçün yaxşıca işləyin. Sabiq müdir, şirkət rəhbəriniz, müştəriniz, dostunuz bu gün sizi yada sala bilər.

Dolça - Ən yaxın dostlarınız və həmfikirləriniz belə, sizi anlamaya bilərlər. Onlar iş metodlarınızla güclə razılaşacaqlar. Bəzi detallara münasibətinizi ifrat dərəcədə ciddi sayacaq, vərdişlərinizi hesaba almayacaqlar. Hirslənməyin, bütün bunlar prinsipial münaqişələr yox, kiçik anlaşılmazlıqlardır. Bu gün bir adamın sizə ən yaxın şəxs olduğunu anlayacaqsınız. İnsanların çox olduğu yerləri tərk edin. Sayğı bəslədiyiniz adamla söhbət sizi sakitləşdirəcək.

Balıqlar - Bu gün gəliriniz arta bilər. Pul naməlum mənbədən, uzaq adamlardan, himayədardan və ya "əlavə iş" saydığınız mənbədən gələ bilər. Lakin uğurdan ifrat dərəcədə sevinməyin. Pul artımının yaratdığı ilk sevinc hissi çəkiləndən sonra bu məbləğin yetərli olmadığını anlayacaqsınız. Əslində bu pullar sizə çatardı, amma başqalarını, müəyyən məbləğ xərcləməli olduğunuz məsələləri də xatırlayacaqsınız.