Qoç - bu gün aktiv və işgüzar olacasqınız. Cəsarətli əməllərin əksəriyyətinin kökündə emosionallıq, izafi hissiyat duracaq. Yaxınlarınıza yardım etmək və bu zaman ön planda olmamağa can atacaqsınız. Şəfqət hissi sizi radikal addımlar atmağa sövq edə bilər. Yaranmış situasiyada ayıq başla hərəkət edin, problemləri əvvəlcədən duymağa çalışın. Həmişəki kimi açıq və konkret danışa bilərsiniz. Çətin vəziyyətdə valideynlər və ailə üzvləri sizə həyan ola bilərlər. Ailə həyatında diqqətli olun, qəlb qırmayın.
Buğa - ətrafdakılarla münasibətlərdə təhtəlşüur, hissiyata güvənciniz, etimadınız artacaq. Hissləri və əhvalı sizə uyğun insanlarla asanlıqla dil tapacaqsınız. Əgər sizi yeni tanışlıqlarda avantüra, bir qədər də müəmma cəlb edirsə, gün uğurlu alınacaq. Bəzi anlaşmaların nəticələrini açqılamamağa çalışacaq, ətrafdakı adamları bütün təfərrüatlardan hali etməyəcəksiniz. Ümidlərinizi tələbləriniz, habelə daimi tərəfdaşın istəkləri ilə uyğunlaşdıra biləcəksiniz. Həmkarlarınızla münasibətlərdə problemlər olmayacaq. Ailə həyatında kiçik problemlər yarana bilər.
Əkizlər - maliyyə çətinlikləri qarşısında geri çəkilməyin. Yaşanan problem mütləq həllini tapacaq. Bu gün ən etibarlı dayanığınz ev, ailə, valideynlərin sevgisi, ailə ənənələri və tərbiyəniz olacaq. İşlə bağlı məsələlərdə sizə təcrübə, əldə etdiyiniz biliklər kömək edəcək. Ailə üzvlərinin konkret və əməli yardımı bu gün olmayacaq. Yaxın adamların maraqları arasında seçim etməli olacaqsınız.
Xərçəng - sizə rahat olan ritmdə hərəkət üçün uğurlu vaxtdır. İntuisiyanız sizə davranış stilini deməklə yanaşı, tələb olunan istiqamətlə səhvsiz irəliləməyinizə kömək edəcək. Tələbatınızı daha aktiv, qətiyyət və cəsarətlə təmin etməyə çalışacaqsınız. Ailə məsələlərində ötkəm olun. Eyni zamanda, atacağınız addımların mövqeyinizə zidd olmasına imkan verməyin. Uzaqdakı dostlar, qohumlar və ya tanışlarla əlaqə saxlamağa çalışın.
Şir - məxfi saxlamaq istədiyiniz işlərdə ehtiyatlı olun. Yaxşıca götür-qoy etmədən sirlərinizi açmayın. Əks halda yaxınlarınızı və sizə əziz olan insanları zərbə altında qoya bilərsiniz. Səfərə çıxacaqsınızsa, maliyyəyə qənaət etməyin. Çətin və şübhəli vəziyyətə düşsəniz, çaşqınlıq içində vurnuxmayın, azacıq düşünüb çıxış yolu tapın. Axşam saatlarına qədər avantüra ilə məşğul olmayın. Günün ikinci yarısında vəziyyət yüngülləşəcək, situasiya aydınlaşacaq. İşlər asanlaşacaq.
Qız - gün sizə əlavə və izafi söhbətlərə ehtiyac olmadan tərəfdaşlar, yoldaşlarla dil tapmağa imkan verəcək. Dostlara etibar, normal ab-hava sizə yeni anlaşmalar və sövdələşmələr üçün təkan verəcək. Yeni planlarınızı reallaşdırmaq üçün məlumatları təhlil edin, səfərə çıxın, görüşlər və danışıqlarda iştirak edin. Çətin məsələni həll etmək və ya dostlara yardım göstərmək üçün riskli işə qoşula bilərsiniz. Sözləriniz dəqiq olmasa da, danışığınız qətiyyətli və emosional olsun.
Tərəzi - qarşınıza qoyduğunuz məqsəd, şəxsi ambisiyalar və ya ailə münasibətləri ilə bağlı bu gün qərar qəbul edə biləcəyiniz istisna deyil. Dostoluq münasibətləri və ailə məsələlərində ambisiyalar savaşı, təşəbbüslər toqquşması və ya təşəbbüslərin mübarizəsi istisna deyil. İşdə rəhbərliklə münaqişə, planlara yenidən baxılması, rolların dəyişməsi mümküdür. Əmlak məsələlərində dəyişikliklər ola bilər. Düşünülmüş davranış və soyuqqanlı hərəkətlər olarsa, günün sonuna yaxın problemlərin rasional həlli tapıla bilər.
Əqrəb - uzaqda yaşayan dostunuz, qohumunuz və ya yaxın tanışınızla əlaqə saxlayaraq ona yardım edə bilərsiniz. Bu yardım sizə xoş gələcək. Balaca uşaqlarla ünsiyyət üçün yaxşı gündür. Tanrı bu gün sizi bəlalardan və pis işlərdən hifz edəcək. Ailə münasibətlərində, sevdiyiniz adamla əlaqələrdə çox uğurlu olacaqsınız. Fəallıq və hissləriniz sayəsində romantik anlar yaşaya bilərsiniz. Sevimli insanın istəklərini yerinə yetirin, onun istəklərini ilk baxışdan anlayın.
Oxatan - yaxşı tanışlıqlar, həmfikirlərin vasitəçiliyi ilə bağlı yaranmış əla perspektivlər bu gün təhlükə ilə qarşılaşa bilər. Xaricə səfər varsa, ev işləri maneələr yaradacaq. Gün ərzində yaranan sədləri aşmaq, inkişaf və irəliləyiş üçün orijinal imkanlar əldə etmək üçün qeyri-adi, sizə xas olmayan addımlar atın. Məişət rifahı və sağlamlığınızı riskə atmaq məcburiyyətinə qala biləcəyiniz istisna olunmur. Çətin anlarda dostun, işdə isə rəhbərliyin yardımlarından imtina etməyin.
Oğlaq - qısa səfərlər, görüşlərin keçirilməsi, əlaqələrin yaradılması ilə bağlı qərarları sürətlə və tez qəbul edəcəksiniz. Yaşana biləcək çətinliklər və mümkün, proqnozlaşdırılmayan dəyişikliklər sizi qorxutmayacaq. Ağıl və rasionallıqla müqayisədə hisslər daha güclü olacaq. Əminsizlik və şübhə məqamlarında dostunuz sizə yardım olacaq. Yaxın ətrafınızdakı insanlarla dil tapmağa çalışın, ümumi işlə məşğul olun. Etiraf etmək çətin də olsa, başqalarının uğurunu tərifləyin.
Dolça - bu gün səfərə çıxmayın, yeni əməkdaşlıqlara başlamayın. İşdə və ailədə problemlər yarana bilər. Maliyyə məsələləri, sağlıq durumu ilə bağlı çətinliklər də istisna deyil. Təlaşa düşməyin - sadəcə, ikiqat əzmlə çalışın. Günün sonuna yaxın bütün problemlər həllini tapacaq. Xaricə səfər varsa, səhhətinizə başdansovdu münasibət bəsləməyin. Biznesdə çətin danışıqlar ola bilər. Maliyyə məsələlərində qətiyyətli olun.
Balıqlar - bu gün hisslər, həyacanlar, qayğılar və problemlər günüdür. Ailə münasibətlərində çətinliklər yaranırsa, günahkar sizsiniz. Lakin məqsədinizə çatmaq istəyirsinizsə, ruhdan düşməyin və bədbinliyə qapılmayın. Emosional baxımdan ruh yüksəkliyi günün ikinci yarısında olacaq. Bir çox məsələlərə fərqli baxışlarınız olduğundan, geri çəkilməyin. Yaxın qohumlar və dostların yardımlarına bel bağlaya bilərsiniz.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.