Qoç - bu gün başladığınız və ya başlamaq niyyətində olduğunuz işin detallarına, təfərrüatlarına, xırdalıqlarına çox ciddi fikir verin.

Məhz bu cür yanaşma tərziniz ətrafınızdakı insanlar, tərəf-müqabillərinizlə normal əlaqələri şərtləndirəcək. İşdə, təhsildə, evdə kiçik münaqişələr istisna deyil. Unutmayın ki, yeni istiqamətdə fəal hərəkətlərin vaxtı hələ çatmayıb.

Ona görə də istənilən şəxsi təşəbbüsləri məhdudlaşdırın.

Buğa - kollektivdə iş, şərikli fəaliyyət bu gün xüsusi əhəmiyyət kəsb edir. İşdə müsbət dəyişikliklər istisna deyil.

Lakin bu gün yeni şanslardan tam yararlana bilməyəcəksiniz. Səbrli olun, çoxdan bəri aradan qaldırılmalı xırda problemləri həll edin. Sizə irəliləməyə mane olan maneələri çözün. Yaxınlarınızın sizə sürpriz edəcəyi istisna deyil. Yeni, genişmiqyaslı işə başlamaq dövrü deyil.

Əkizlər - günün ilk yarısında aktiv ünsiyyəti yeni təşəbbüslərə çevirməyin. Dostla təmaslar, yaxşı bələd olduğunuz mühitdə olmaqla kifayətlənin.

Fikirləriniz aydın və konkret olsa da, yetərincə mütəhərrik deyil. Bu səbəbdən ünsiyyət çətinlik yarada bilər. Axşam saatlarına yaxın pul qazanmaq imkanı yarana bilər. Amma gəlir əldə etmək yolu asan olmayacaq. Risk, qüvvələrin səfərbər edilməsi ehtiyacı yaranacaq.

İşin nəticəsini isə gözləməli olacaqsınız.

Xərçəng - hərəkətlərinizdə aqressivlik, sərtlikdən bu gün bilmərrə imtina edin. Çətin olacaq, amma çalışın. Şəxsi həyatınızda, ailə münasibətlərində xoşagəlməz problemlər yarana bilər. Dəyişikliklər olacaq. 

Onlar hətta müsbət olsalar da, uyğunaşmanız fiziki və mənəvi səylər tələb edəcək. Yeni təşəbbüslər, yeni işlər üçün çox uğursuz gündür.

Şir - günün ilk yarısında köklü, ciddi hadisələr və dəyişikliklər gözləməyin. Ümumi ideya üçün çalışan kollektivdə işləriniz alına bilər.

Bacarıq və peşəkarlığınızı göstərə bilərsiniz. Günün yerdə qalan hissəsi maddi və maliyyə məsələlərinin önəmini bir daha göstərəcək. Axşama yaxın işlə bağlı məsələlər və ailə maraqları arasında münaqişə yaranacaq. Ailədə də mübahisələr yarana bilər.

Təlaşa qapılmayın, problemləri həll etmək olar. Problemlər olacaq, əsəblərinizi qoruyun.

Qız - həyatınızın kritik şərtlərinə səhər saatlarında cəsarətlə baxacaqsınız. Lakin bununla qürrələnməyin, axı hər şey artıq arxadadır və indiki sərtliyiniz getmiş qatarın arxasınca yumruq silkələməkdir.

Günün ikinci yarısında ünsiyyət, səfər, informasiya, nəqliyyat və ya təhsillə bağlı görüləsi işlər yaranacaq. Həmin iş xərc tələb edəcək.

Səfər, səyahət, təhsil və ya maliyyə məsələləri hüquq, təhsil sahələrində çalışan adamlarla, habelə uzaqda yaşayan şəxslərlə təmasları şərtləndirəcək.

Tərəzi - pərdəarxası hadisələr həyatınızda düşündüyünüzdən də mühüm rol oynayacaq. Səhhətinizlə bağlı qəfil problemlər istisna deyil.

Çalışdığınız texnika və ya avadanlıqda nasazlıq yarana bilər. İşə və ya dərsə gecikmə də mümkündür. Daxili narahatlıq, təlaş özünüzə inamı zəiflədərək müdafiəsizlik hissi yarada bilər. Bütün bunlar uğura nail olmağa, sakit və rəvan həyatınıza mane olacaq.

Yaranmış problemlərin öhdəsindən gəlmək üçün intizamlı olun, bədxərclik etməyin.

Əqrəb - yeni təşəbbüsləri günün ikinci yarısına qədər təxirə salın. Səhər saatlarında rutin işin növbəti mərhələsini başa vurun.

İstəsəniz, iş və ya təhsildəki şərtlərlə ritmi dəyişməyə çalışın - bu, sizdə rahatlıq hissi yaradacaq. Daimi tərəfdaşlar və dostlar sizi görəcək, saat 13:00-dan sonra aktivliyinizi hiss edəcəklər. Şəraitlə, situasiyanın məntiqi ilə tam uyğun şəkildə hərəkət etməyinizə rəğmən addım və niyyətləriniz başqaları tərəfindən münasibətləri gərginləşdirmək cəhdləri kimi qəbul oluna bilər.

Səbrli olun: bu gün barışıq olmayacaq.

Oxatan - gün gərgin olacaq. Yeni planlar və layihələri həyata keçirməyə çalışmayın, rəhbərliyə inanmayın. Hər an hər şey dəyişə bilər.

Bununla belə, rəhbərliyin tapşırıqlarından qaçmayın, sizə tapşırılan işi tam yerinə yetirin. Şəraitin hər qəfil dəyişməsindən narahat olmayın.

Şəraitin məhz qəfil dəyişikliyi sizə köhnə problemi həll etməyə imkan verəcək. Borcu qaytarmaq, vədi yerinə yetirmək, barışmaq və ya dəstək, sayğı tapmaq mümkündür.

Oğlaq - məişətdə köklü dəyişikliklər etmək istəyirsiniz, amma yaşamın adət etdiyiniz elementləri ilə vidalaşmaq sizin üçün çətin idisə, səhər saatlarınız işinizi asanlaşdıra bilər.

Yaşam şəraitinin gərəksiz fraqmentlərindən qurtulmaq, ya da onlar üçün yeni tətbiq sahələri tapmaq mümkündür. Günün ikinci yarısında sizə yaxın, sevdiyiniz insanlarla münasibətlərin önəmi artacaq.

Daxili rahatlıq və razılıq hissləri yaradan işlərlə mşəğul olun. Ailədə əmlakla bağlı mübahisələr mümkündür. Siz nəyisə satmaq və ya almaq istəsəniz, etiraz eşidəcəksiniz.

Dolça - günün ilk yarısında ünsiyyət, səfər və ya məlumat axtarışı sizin üçün önəmli olacaq. Konkret adamla dil tapa bimədiyiniz məsələni kollektivdə həllə edə bilərsiniz.

Günün ikinci yarısında işlə bağlı məsələlər və ailə maraqları arasında münaqişə yaranacaq. Bu təbii ziddiyyətlər ağır, amma qaçılmazdır. Problemləri yalnız gecənin gec saatlarında həll edə biləcəksiniz.

Ailə münasibətləri və iş məsələləri sizin üçün mühümdür. Hər iki sahədə sizin üçün uğurlu məqamlar var.

Balıqlar - gün bir qədər gərgin keçəcək. İkindi vaxtına qədər gərginlikdən hətta həzz alacaq, maliyyə durumundan razı qalacaqsınız. Günün ikinci yarısında ətrafınızdakı insanlarla təmaslar sizə gəlir verəcək.

Səfər, təhsil, nəqliyyat vasitəsi və ya telefonla bağlı xərclər mümkündür. Amma az sonra həmin xərclərin effektini görəcəksiniz.

Tanışlarınızın sizə verdikləri məlumatlara tam inanmayın, təxəyyülünüzə tam bel bağlamayın.