Qoç - Bu günün əksər hissəsini öz qorxu və zəifliklərinizi yenməyə sərf edir, bir çox fürsətləri əldən qaçırırsınız. Bir çox Qoçlar bu günü daxili vurnuxma, əzablar, narahatlıq içində keçirəcəklər. Ən pisi də odur ki, bunların səbəbini də bilmirsiniz.
Amma hamı bir deyil. Bəzi Qoçlar özlərini ələ ala biləcəklər. Onlar üçün gün yaxşı keçəcək, həm dostları, həm həmkarları və rəhbərlik, həm də ailə üzvləri ilə yola gedəcəklər.
Buğa - Uğursuz gündür, hər addımda bir problem yaranır. Rəhbərlik və iş ortaqlarınızla münasibətlər o qədər qeyri-sabitdir ki, peşəkar gələcəyinizin uğuruna şübhə etməyə başlayırsınız. Şəxsi simpatiya və antipatiyanız işləri gərəkdiyi qaydada aparmağınıza mane olur.
Yaxın dostlarınızdan hərəkətlərinizi təqdir etmələrini gözləyirsiniz. Onların öz rəyi olduğu barədə isə düşünmürsünüz. Nəticədə yeni-yeni münaqişələr yaranır. Bunların öhdəsindən gəlmək isə asan deyil.
Əkizlər - Gün çox şey vəd edir. İşgüzar aktivliyiniz çox yüksəkdir. Qeyd etmək yerinə düşər ki, Əkizlərin çoxu bu gün şəxsi problemlərinin əlindən baş götürüb işə qaçırlar. Bu səbəbdən işdə böyük entuziazm göstərməyinizi anlamaq asandır. İri sövdələşmələr bağlamaq olar.
Daxili narahatlıq, gərginlik və şübhələrin artmasına imkan verməyin. Pis fikirləri başınızdan qovmaq üçün idmanla, aktiv istirahətlə, açıq havada fiziki işlə məşğul olun. Səfərlər yaxşı keçəcək.
Xərçəng - Birmənalı gün deyil. Emosional cəhətdən o qədər dayanıqsızsınız ki, az qala başınız gicəllənir. Nikbinliklə dolu dəqiqələr, həvəs, ruh düşkünlüyü və qanqaraçılıq ani anda bir-birini əvəz edir. Siz bəzən şən, bəzən qaraqabaq olursunuz. Yaxşı olar ki, insanlardan uzaq qaçasınız, texnika ilə işlə və sənədlərin hazırlanması ilə məşğul olasınız.
Şəxsi həyatınızda rəqabətə meyl artır, hakimiyyəti ələ almaq niyyətindəsiniz. Əlçatmaz olanı əldə etməyə çalışarkən əlinizdə olanı da itirməyəsiniz!
Şir - Sizi yaxşı gün gözləyir. Düzgün fikirləşir, gələcəyə nikbinliklə baxır, təbii cazibədarlığınızdan ustalıqla istifadə edirsiniz. Odur ki, həyatın müxtəlif sahələrində uğura ümid edə bilərsiniz. Maliyyə vəziyyətiniz yaxşıdır. Pul, yaxud maraqlı iş təklifi ala bilərsiniz.
Şəxsi həyatınızda xırda anlaşılmazlıqları nəzərə almasaq, elə də ciddi problem yoxdur. Fikir ayrılıqlarına asanlıqla son qoyacaqsınız. Sevdiyinizə hədiyyə etməyin əsl vaxtıdır.
Qız - Nəinki enerjilisiniz, eyni zamanda ixtiraçılıq qabiliyyətləriniz də güclüdür. Bu, rəqiblərinizə üstün gəlməkdə sizə kömək edir. Riskli layihələrdə uğur qazana, hamının «ölü variant» saydığı işlərdə müvəffəqiyyət əldə edə bilərsiniz. Nə vaxtsa gördüyünüz işə görə yaxşı pul ala bilərsiniz.
İnsanlarla yaxşı dil tapır, mübahisələrdən qalib ayrılırsınız. Bu zaman qalib gəldikləriniz sizdən incimirlər. Yeni münasibətlərə başlamaq olar: bunların işgüzar, romantik və ya dost xarakterli olması isə yalnız sizdən asılıdır.
Tərəzi - Başqalarının problemlərinin həllinə köklənib, özünüzünküləri isə başına buraxsanız, daha yaxşı olar. Hər halda, günün birinci yarısını belə keçirməyə cəhd göstərin. Xeyriyyə tədbirlərində iştirak, ictimai faydalı fəaliyyət təqdir olunur. Eyni zamanda maliyyə məsələlərini də həll edə bilərsiniz.
Yaxınlarınızla qarşılıqlı anlaşmaya nail ola bilərsiniz. İdeya və planlarınız hərtərəfli bəyəniləcək. Uzunmüddətli planlar qura, nikaha girə bilərsiniz, uğurlu olacaq.
Əqrəb - Mürəkkəb gündür. Bircə dəqiqəlik fikriniz yayınsa, fəndgir birinin əlində oyuncaq olacaqsınız. Odur ki, şəraitə nəzarəti əldən buraxmayın, ətrafınızı diqqətlə gözdən keçirin, kimsəyə hisslərinizlə oynamağa icazə verməyin, təhriklərə uymayın. Asan olmayacaq, ancaq siz nəyə qadir olduğunuzu göstərəcəksiniz.
Həm özünüzün, həm də sizə dəyərli olanların qayğısına qalırsınız. Bu, yaxşı münasibətləri saxlamağa, anlaşılmazlıqları aradan qaldırmağa kömək edir. Axşam ziyafətə dəvət alsanız, imtina etməyin. Köhnə tanışlarınız qəfildən evinizə gəlsələr, təəccüblənməyin.
Oxatan - Tələyə düşmüsünüz. Günahkar kimdir? Siz, yoxsa başqaları? Maraqlı sualdır. Amma onun cavabını axtarmağa vaxt da yoxdur. İndi emosiyaları bir kənara qoyaraq yaranan çətinlikləri aradan qaldırmaq lazımdır. Situasiyaya sakit, rasional yanaşma onu öz lehinizə istifadə etməyinizə imkan yaradacaq.
Həyatınızın bütün sahələrində liderliyə can atırdınız. İşdə hamıdan öndə olmağa obyektiv səbəblər mane olursa, şəxsi münasibətlərinizdə heç bir maneə yoxdur. Amma unutmayın: əgər əzizlərinizin rəyini nəzərə almasanız, münaqişədən qaça bilməyəcəksiniz.
Oğlaq - Sizi, demək olar ki, hər şey qıcıqlandırır. Yaxınlarınız nə qədər sizi inandırmağa çalışsalar da, sizi boş şeylərə görə narahat olmaqdan çəkindirə bilmirlər. Həm evdə, həm işdə qovğalar mümkündür. Ətrafınızdakılar sizinlə dil tapmağa nə qədər can atsalar da, sizin neqativ emosiyalarınızla qarşılaşırlar.
Müdrik, nüfuzlu və hörmət sahibi bir adamla söhbət edib, onun məsləhətlərini dinləsəniz, pis olmaz. Bu, çox şeyi dəyişər, uğursuzluğa son qoyar. Ancaq çox az Oğlaq belə «qəhrəmanlığa» hazırdır. Çünki əksəriyyət yalnız özünü dinləyir.
Dolça - Uğur qazanmağınıza heç nə mane olmur. Yalnız özünüz elə problemlər yaradırsınız ki, onları həll etmək heç cür mümkün olmur. Bir başqasına (təbii ki, inandığınız birinə) həyatınızı idarə etməyə, müəyyən məsələləri yoluna qoymağa imkan verin. Sərbəstlik və müstəqillik bu gün sizin düşməninizdir.
Qadınlarla aranızda ciddi fikir ayrılıqları yaranır. Öz nöqteyi-nəzərinizi müdafiə edərkən tez-tez nəzakətsizliyə yol verirsiniz. Maliyyə və əmlak bölgüsü məsələlərini həll etmək məsləhət deyil.
Balıqlar - Ünsiyyət üçün münasib gün deyil. Planlaşdırdığınız görüşləri ya ləğv edin, ya da təxirə salın. Özünüzü tez-tez aqressiv aparır, başqalarının istək və maraqlarına nümayişkaranə laqeydlik göstərirsiniz. Bir çox Balıqlar yaxınlarına qarşı təəccübləndirici dərəcədə sərt və qəddar davranırlar.
Başqa bir çətinlik isə sağlam düşüncəni unudaraq istəklərinizə yenilməyiniz, yalnız intuisiya ilə hərəkət etməyinizlə bağlıdır. Bu səbəbdən təsadüfi və arzuolunmaz əlaqələr qurmağınız mümkündür.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
və ya öz adınz ilə sayta daxil olmağı məsləhət görürük.