Qoç - Sizi çətin və gərgin gün gözləyir. İstirahət üçün çox az vaxtınız var. Öz işiniz az deyilmiş kimi, qıraqdakılar da sizi öz qayğılarıyla bezdirirlər. Odur ki, adəti həyatsevərliyinizin tezliklə buxarlanmasına təəccüblənmək lazım deyil. Həmçinin enerjiniz də azdır. Bu səbəbdən yorğunluq və halsızlıq çoxalır.
Sağlam düşüncəni əldən buraxmayın, fantaziya və illüziyalarınıza qapılmayın. Xəyal qanadlarında uçursunuz - özünüzü hər işdə qalib görürsünüz, amma çox güman ki, bu gün düşmənlərinizə məğlub olacaqsınız.

Buğa - Müsbət tendensiyaların təsiri çoxluq təşkil edir. Yaranan problemləri tez həll edir, sualların cavabını dərhal tapırsınız. Köməyə ehtiyac duymur, əksinə, özünüz çətin situasiyaya düşənlərə yardım edirsiniz. Belə günlərdə etibarlı dost və tərəfdaş qazana bilərsiniz.
Ziyafətlərə, yaxud mitinq və ya digər ictimai toplantıya qatıla bilərsiniz. Maraqlı tanışlıq mümkündür, bunun davamı romantik macəraya çevrilə bilər.

Əkizlər - Təzadlı və gərgin gündür. Mənəvi tarazlığınızı saxlamaq çox çətin olacaq. Halbuki bu, ən çox ehtiyacınız olan şeydir. Çünki münaqişələr zənciri sizi dərin depressiyaya sala bilər. Münasibətləri aydınlaşdırmaq, aktual olmayan və təcili həllini tələb etməyən problemləri müzakirə etmək məsləhət deyil.
İri alış-veriş, sövdələr bağlamaq, kommersiya fəaliyyəti üçün münasib gün deyil. faydalı tanışlıqlar qura, nüfuzlu bir şəxsin dəstəyini qazana bilərsiniz.

Xərçəng - Gününü hansısa faydalı bir fəaliyyətə həsr edən Xərçənglər uğur qazanacaqlar. Yaxşı olar ki, bu iş tək sizə yox, başqalarına da faydalı olsun. Ailə tədbirləri və dost görüşləri yaxşı keçəcək, amma nəzərə alın ki, bütün təşkilati məsələləri öz üzərinizə götürməli olacaqsınız.
Yaradıcı potensialınız yüksəkdir, bu gün fantaziya və qeyri-standart yanaşma tələb edən işlərlə məşğul ola bilərsiniz. Maraqlı bir məlumat ala bilərsiniz.

Şir - Özünüz bu günü məhv edirsiniz. Üstəlik, bunu elə bir inad və ciddi-cəhdlə edirsiniz ki, başqa bir sahəyə yönəltsəniz, böyük uğurlar qazanardınız. Elə gəlir ki, problemlərin həlli əl altındadır, amma bu, yalnız illüziyadır. Əsəbilik tutmaları mümkündür, bəzən özünüzü çox sərt, hətta aqressiv aparırsınız.
İşdə vacib olan qətiyyət və məqsədyönlülük ailədə keçərli deyil. Nə qədər anlayış və nəzakət göstərsəniz, ciddi münaqişələrdən qaçmaq o qədər asan olacaq.

Qız - Ətrafınızdakılar sizi təmkininizi qorumağa və təhriklərə uymamağa çağırırlar. Amma bu o qədər də asan deyil. Çox hissiyyatlı, həddən artıq emosionalsınız, ətrafınızda baş verənlərə kəskin reaksiya verirsiniz. Bu səbəbdən sizinlə dil tapmaq çətindir. Yaxınlarınız özlərini bir qədər soyuq aparırlar. Sizə də elə gəlir ki, dəstəkdən məhrum olmusunuz.
Maliyyə problemləri ortaya çıxa bilər. Bəzi Qızların gözləmədikləri halda pula ehtiyacları yarana bilər. Borc götürməyin, yaxşı olar ki, xərclərinizi azaldasınız.

Tərəzi - Bu günün hadisələrindən baş tapmaq, olanları düzgün qiymətləndirmək çətindir. Gah səbəbsiz optimizmə qapılırsınız, gah da qanınız qaralır. Günü təklikdə keçirmək məsləhət deyil. Yanınızda narahatlığınızı dağıda biləcək bir adamın olması yaxşıdır.
Alış-veriş üçün yaxşı gündür. Bu gün qohumlarınızın problemlərini həll edə, yaxşı məsləhətlər verə bilərsiniz. Hansısa xeyriyyə tədbirlərində iştirakınız təqdir olunacaq.

Əqrəb - Günün birinci yarısı neqativ emosiyalarınızla mübarizə aparmaq çətin olacaq. Əqrəblərin əksəriyyətinin kefi yoxdur, bu nə onların özlərinin, nə də ətrafdakılarının xoşuna gəlmir. İş görməyə çalışmayın, uğur qazanmaq şansınız minimumdur.
Ancaq tədricən əhvalınız yüksələcək, işlər düzələcək. Bu yaxınlarda yaranmış bəzi problemləri həll etmək imkanı yaranacaq, uzunmüddətli planlar qura bilərsiniz. İri məsrəflərdən çəkinin. Maliyyə işləri xeyli ehtiyat tələb edəcək.

Oxatan - Bu gün böyük nailiyyətlər əldə edə bilərsiniz. Ancaq bunun üçün situasiyaya nəzarət etməli olacaqsınız. Axına qoşulub, onun sizi lazım olan yerə aparacağına heç ümid etməyin, ola bilər ki, tamamilə yanlış və xoşagəlməz bir yerə gedib çıxasınız. İşgüzar təmaslar ehtiyatlılıq tələb edir. Asanlıqla vəd verən insanlara aldanmayın. Özünüz də ağzınızdan çıxan sözlərə diqqət edin.
Tənbəlliyə meyliniz çox olsa da, işlər barədə unutmaq olmaz. Yalnız intizamlı, prioritetləri düzgün yerləşdirməyi bacaran Oxatanlar problemlərdən qaça biləcəklər.

Oğlaq - Enerjili, işgüzarsınız, arada fantaziyanıza güc verirsiniz. Bunlar gününüzü uğurlu və məhsuldar edə bilərdi, amma təəssüf ki, bəzən neqativ tendensiyaların güclü təsiri ilə üzbəüz qalırsınız. Belə anlarda özünüzü itirir, bağışlanmaz səhvlər edir, düşmənlərinizin əlinə oynayırsınız. Təkbaşına verdiyiniz qərarlar daha doğrudur.
İri alış-verişdən və uzaq səfərlərdən çəkinin. İstənilən eksperimentlər ehtiyat tələb edir. Zədə almaq riski böyükdür, ekstremal idman növləri ilə məşğul olmaq məsləhət deyil.

Dolça - Qətiyyətli hərəkətlər, təşəbbüskarlıq tələb olunur. Risk edə, təcrübələr apara, yenilikləri sınaya bilərsiniz. Öz gücünüzə inam nikbinliyinizi artırır. Özünə güvəni olmayan insanlar sizə doğru can atırlar - yorulunca onlara dəstək ola bilərsiniz.
Yaradıcı potensialınız böyükdür. Fantaziya, qeyri-standart yanaşma tələb edən işlər sizi cəlb edir. Yəni hətta adi, rutin işlərdə belə maraqlı məqamlar tapırsınız. İdmanla, açıq havada fiziki işlə məşğul olmaq faydalıdır.

Balıqlar - Asan uğur gözləməyin. Qələbə qazana bilərsiniz, amma gərək bunun üçün xeyli zəhmət çəkəsiniz. Ətrafınızdakılarla aranızda ciddi fikir ayrılığı yarana, ailədə münaqişələr ortaya çıxa bilər. Hətta vacibliyini bilsəniz belə, güzəştə getmək niyyətiniz yoxdur.
Xırda uğursuzluqlar, maraqlandıran suallara vaxtında cavab almamağınız sizi özünüzdən çıxarır. Romantik münasibətlərdə gərginlik yaranır. Balıqlar sevdikləri ilə mübahisə edirlər. Dəyərli bir şeyi itirə bilərsiniz.