Qoç - İş üçün bu gün tamamilə yararsızdır. Əgər təsadüfən işdən yayınıb özünüz üçün istirahət günü təşkil edə bilsəniz, o zaman vacib işləri bir kənara qoyub məhz istirahət etməyə cəhd göstərin. Amma işləmək lazımdırsa, o zaman danışıqları təxirə salın. Nəbadə rəhbərliyin və sizin karyeranızın asılı olduğu insanların gözünə görünəsiniz.
Yaxınlarınızla dil tapmaq çox çətindir, çünki heç siz özünüz özünüzü başa düşmürsünüz. Vacib məsələləri müzakirə etməyin. Ümumiyyətlə, bütün bu cür işləri daha yaxşı vaxta qədər təxirə salın.

Buğa - Kommersiya fəaliyyəti üçün münasib gündür. Demək olar ki, bütün sövdələşmələr uğurlu olacaq. Əcnəbilərlə görüşlər yaxşı keçəcək. Xaricə səfər ümidlərinizi doğruldacaq. Sahibkar Buğalar öz bizneslərini beynəlxalq miqyasda genişləndirə biləcəklər.
Yaxınlarınızda aranızda gərginlik yaranır. Yerində deyilməyən istənilən sözdə, zarafatda incimək üçün bir bəhanə tapırsınız. Yaxınlarınızla pul və ya uzaq gələcək barədə planları müzakirə etməyin, vahid fikrə gələ bilməyəcəksiniz.

Əkizlər - Yaşayış şəraitinizin yaxşılaşdırılması planında istənilən fəaliyyət üçün uğurlu gündür. Əgər yeni mənzilə köçmək niyyətiniz yoxdursa, heç olmazsa, köhnəni qaydaya salın. Gün həmçinin qonaq qəbulu, ailə bayramları, müxtəlif kulinariya eksperimentləri üçün də münasibdir.
Enerjilisiniz, yorulmaq bilmirsiniz. İşgüzar aktivliyiniz artır. Odur ki, işdə də yaxşı nəticələr əldə edə bilərsiniz. Əhatənizdə olanlar sizinlə ayaqlaşa bilmədiklərindən əsəbləşirlər. Ancaq ciddi münaqişə üçün heç bir əsas yaranmır.

Xərçəng - Evdəki problemləri evdə qoyun, bütün fikrinizi işə yönəldin, o zaman uğurlu ola bilərsiniz. Şəxsi və işgüzar münasibətləri bir-birinə qatmayın. İşdə məhəbbət macərası nədir, hətta kiməsə isti nəzərlərlə baxmağı da unudun!
Gərəksiz xərclər mümkündür. Hansısa maliyyə fırıldağında iştirakınıza görə sonra çox peşman olacaqsınız. Avtomobil almaq və ona minib uzaq səfərlərə çıxmaq qətiyyən məsləhət deyil. Səfər etmək həvəsiniz böyükdürsə, dənizdə (çayda, göldə) gəzintiyə çıxın.

Şir - Asan gün deyil, amma siz dözümlüsünüz, istənilən zərbəyə sinə gərirsiniz, bu səbəbdən də uğurlarınız çoxdur. Əks cəbhənin dostları sizə öz köməklərini təklif edə bilərlər. Sizə təklif olunandan yararlanın, amma ehtiyatı əldən verməyin.
İşdə və evdə münaqişələr ola bilər, əsas məsələ odur ki, siz bunları şişirtməyəsiniz. Xırda alış-veriş, istirahət əhvalınızı yüksəldəcək. Alkoqoldan imtina edin.

Qız - Kütlə qarşısında çıxışlar, işgüzar danışıqların aparılması, ziyafətlərdə iştirak üçün əla gündür. Effektiv görünürsünüz, inandırmaq qabiliyyətiniz güclüdür, sizin arqumentləriniz güclü təsir göstərir, məlahətiniz isə demək olar ki, hamını yoldan çıxarır. Bir şeyi unutmayın: bu gün sizdən xoşlanan uzun zaman kölgəniz olacaq.
Vacib məsələləri həll edə, sənədləri hazırlaya, müqavilələr imzalaya bilərsiniz. Enerjiniz çoxdur, özünüzü yaxşı hiss edəcəksiniz.

Tərəzi - Sizi asanlıqla yoldan çıxarmaq, nəyəsə təhrik etmək, tələyə salmaq mümkündür. Ətrafınızdakılar çox təcrübəli manipulyatorlardır, sizin zəif yerlərinizdən xəbərdardırlar. Kimə inanmaq olar? - Yalnız sizə öz hisslərinin həqiqiliyini sübut etmiş insanlara. Yeni tanışlarınız gözünüzə nə qədər xoş görünsələr də, ehtiyatlı olun.
Böyükmiqyaslı və mürəkkəb layihənin gerçəkləşdirilməsinə başlamaq, maraqlı, gəlir vəd edən iş təklifini qəbul etmək, daha vacib və məsuliyyətli bir işə keçmək olar. Günün ikinci yarısında maraqlı ideyalarınız olacaq. Bunların reallaşdırılması qarşınızda yeni üfüqlər açacaq.

Əqrəb - Mənəvi tarazlığınızı asanlıqla itirirsiniz. Bu səbəbdən çox dəyər verdikləriniz də əlinizdən çıxır. Dağıdıcı qüvvələr bu gün xüsusilə güclüdür. Sizin üçün vacib olan münasibətləri qoruyub saxlamaq üçün demək olar ki, heç nə etmirsiniz. Analoji tendensiya işgüzar sahədə də özünü göstərir - razılaşmaları pozur, əməkdaşlıqdan imtina edir, faydalı əlaqələri qırırsınız.
Öz problemlərinizi bir kənara itələyib ətrafınızdakıların qayğısına qalmağa çalışın. Ehtiyacı olanlara kömək sakitləşmək üçün əla vasitə olacaq.

Oxatan - İş və şəxsi münasibətləri bir-birindən ayırmaq bu gün sizə çətin olacaq. Bu, bir çox işgüzar məsələnin həllini gecikdirəcək. Şəxsi simpatiya və antipatiyanız, qərəzli yanaşmanız sizə düzgün tərəfdar seçməyə imkan vermir. Rəhbərliklə münaqişə mümkündür. Bəzi Oxatanlar bu səbəbdən işlərini atıb, daha perspektivsiz başqa bir işə keçəcəklər.
Şəxsi münasibətlərdə də sakitlik deyil. Yaxınlarınız sizi mənfəət güdməkdə, başqalarının hisslərini diqqətə almamaqda günahlandıracaqlar. Sizə yaxın bir adamın mənəvi rahatlığı üçün hansısa dəyərli bir şeydən keçməli olacaqsınız.

Oğlaq - Yeni işgüzar vəzifələriniz var. Bunları həll etsəniz, əla, çox şey vəd edən perspektivlər açılacaq. Ancaq şəxsi məsələləriniz sizi işinizdən ayırır, diqqətinizi cəmləşdirməyə imkan vermir, siz bir-birinin ardınca yaxşı imkanları əldən verirsiniz. Bu, nə sizə, nə ətrafınızdakılara xoş gəlir.
Ciddi dəyişikliklər mümkündür, elə hadisələr baş verəcək ki, həyatınıza təsiri uzunmüddətli olacaq. İstənilən qərara ciddiyyət və məsuliyyətlə yanaşın. Lazımi nəticəni əldə etmək üçün təsadüflərə bel bağlamayın.

Dolça - Günün emosional fonu yaxşı deyil. Çalışın, özünüzün və yaxınlarınızın rahatlığını təmin edə biləsiniz. Çoxdan arzusunda olduğunuz əşyaları əldə etməyə, əyləncələrdə iştirak etməyə çalışın. Özünüzü gözəl əşyalarla əhatə edin. Gözə xoş gələn qəlbə də rahatlıq verir (bu, sizin güzgüdəki əksinizə də aiddir).
Qadınlar aktiv surətdə həyatınıza qarışırlar, bu sizi dəhşətli dərəcədə qıcıqlandırır. Siz aqressiv davranışa meyllisiniz, bu səbəbdən xırda bir mübahisə tezliklə böyük bir qalmaqala çevrilə bilər. Enerjiniz çox deyil, istirahətə ehtiyacınız var.

Balıqlar - İşdəki vəzifənizin yerinə yetirilməsi asan deyil. Müxalifət cəbhəsinə düşmək, həmkarlarınız və iş ortaqlarınız arasında özünüzə düşmən qazanmaq riski böyükdür. Müştərək layihələrdə iştirak edərkən, çalışın, kölgədə qalın, liderliyi müvəqqəti olaraq unudun. Təşəbbüskarlıq məsləhət deyil.
Bu yaxınlarda verdiyiniz qərarların doğruluğuna şübhə yaranır, keçmişə qayıdıb nəyisə dəyişmək istəyirsiniz, bunun mümkünsüzlüyü isə emosional vəziyyətinizi daha da ağırlaşdırır. Kefinizi açan, sizə təsəlli verməyi bacaran birini tapın.