İtalyan mətbəxinə sonsuz sevgim, bu dəfə çox dadlı Tiramisu tortu ilə sizlərlə bolüşəcəm.. İlk tövsiyəm restoranda olanda dadın daha sonra hazırlaya bilərsiniz evdə.. Ən sevdiyim tortdu.. Sərin marojna kimi tamı var =))

Tərkibi:
Yumurta sarısı 2 ədəd
Şəkər kirşanı 6 x.q
Maskarponi pendiri 500 qr
Qaymaq 500 qr
Dəmlənmiş kofe 200 qr
"Barmaq" peçenye 400 qr
Kakao 30qr
Ətirləndirmək üçün vanil
və bəzək üçün nanə

Hazırlanması:
1.Təzə yumurta sarısı 4x.q şəkər kirşanı ilə mikserlə ağarana qədər çalınır. Sonra isə qatı qaymağı da əlavə edib yenidən çalınır..
2. Ayrı qabda isə maskarponi pendirinin üzərinə 2 x.q qaşığı şəkər kirşanı əlavə edib,mikserlə iki qat artana qədər çalınır..
3. Hər iki krem birləşdirilib çalınır..
4. Sonra peçenyeləri bir-bir soyuq kofeyə tez salıb-çıxardmaq şərtilə kremlənmiş qaba sırayla düzülür.
5. Bir lay düzdükdən sonra qalın lay krem çəkilir, ikinci lay üçün eyni üsulla peçenyelər düzülür..
6. Beləliklə üst kremi çəkildikdən sonra kakao ələnir.
7. Kakao ələdikdən sonra isə heç olmasa 24 saat soyuducuda saxlanılır ki,istənilən dad alınsın.
8. Bir gün soyuducuda saxladıqdan sonra Tiramisu tortu doğranır,bu reseptdən 12 nəfərlik pay alınır.

Nuş olsun! Bon appetit!