Son günlər yerli şou-biznesdə geniş müzakirə mövzusuna çevrilən məsələ Röya Ayxanın ölkəni tərk etməsdir.

Müğənninin Azərbaycandan qonşu ölkəyə, Türkiyəyə köçəcəyi ilə bağlı söhbətlər dolaşır.

Ötən gün ATV telekanalının aparıcısı Zaur Baxşəliyev Röya ilə canlı telefon bağlantısı quraraq gəzən şayiələrə aydınlıq gətirməsini istəyib.

Müğənni Türkiyəyə köçməsini təsdiqləyib. Bildirib ki, buna səbəb yaradıcılıq işlərini Azərbaycandan kənarda davam etdirməklə yanaşı, haqqında gəzən xoşagəlməz şaiyələrə də son qoymaqdır.

“Mənim düşmənlərim çoxdur. Balaca bir səsimlə düşmənlərimi ortaya çıxarıram. Məni Röya edən insanlara qarşı bunu etməyə ixtiyarın yoxdur. Mən Vətənimi tərk edirəm və başqa yerə köçürəm. Bu da mənim işlərimlə, həyatımla bağlıdır.

Gələn il inşallah başqa ölkədə olacağam. 10 il bundan öncə sıfırdan başladım. Röya olana qədər həm yaxşı, həm də pis nələrisə qazandım. Mənim düşmənlərimə, məni arxadan vuranlarla mübarizənin bir yolunu tapdım.

Düşündüm ki, qoy mən buradan çıxım gedim, onlar burada rahat yaşasınlar. Getdiyim ölkədə anam, qardaşım yaşayır. Türkiyədə yaşamaq üçün hazırda ev axtarıram ki, alım”.

Röya söhbət əsnasına Türkiyəyə tək yollanacağını deyib.

“Türkiyəyə getməklə bağlı yalnız onu deyə bilərəm ki, ora tək gedirəm. Mən İstanbulu çox sevirəm. Bəlkə də dinimiz, dilimiz bir olduğu üçün mən oranı seçdim. Yaşamaq istəyirəm, rahat olmaq istəyirəm. Bu qədər qalmaqalın, söz-söhbətin içində olmaq istəmirəm. Axı nə qədər olar?! Sən sadəsən, yaxşısan, amma haqqında pis sözlər danışırlar”.