Ajda Pekkan Bakıya gəlir
Türkiyənin tanınmış müğənnisi Ajda Pekkanın növbəti dəfə Azərbaycana gələcəyi haqqında xəbərlər yayılıb. SİA-nın verdiyi xəbərə görə, müğənni dekabr ayında Bakıya gəlməyi planlaşdırır.

Qeyd edək ki, Ajdanın Gəncə şəhərinə gələcəyi deyilir.

Bu dəfə Röya danışdı: "Kef edirəm"
Hazırda Amsterdamda səfərdə olan məşhur müğənni Röya Ayxan haqda xoşagəlməz xəbərlər yayılıb. Yayılan şayiələrdə deyilir ki, guya holland polisləri onu saxlayıblar.

Pərəstişkarlarının qarşısında çıxış edən müğənninin bu xəbərlərdən qəzəbləndiyini eşitdik. Məsələ ilə bağlı müğənni ilə telefon bağlantısı yaratdıq. Amsterdamdan SİA-ya eksklüziv açıqlama verən Röya emosiyalarını cilovlayaraq gülümsədi: "Tutulub? Gülməyim gəlir, vallah! Mən ingilis dilini bilirəm ki, buradakı polislərlə dava edim? Yoxsa ordakilər düşünür ki, mən holland dilinə yiyələnmişəm? Bunlar sadəcə boş söhbətlərdir. Mən hazırda Amsterdamda kef edirəm. Bu kimi xəbərlərlə kefimə soğan doğradığınızı düşünməyin. Mənim əhvalımı heç kim korlaya bilməz".

İşçi komandası ilə Amsterdamı gəzib dolaşan Röya getdiyi məkanlar haqda da danışdı: "Həm ziyarət həm də ticarət etdim. Konsertdən əlavə buraları gəzib dolaşdım. Amsterdam çox gözəldir".

Röya bir neçə günə sonra yenidən Türkiyəyə yollanacağını deyib: "İşlərimlə bağlı getməliyəm. Pərəstişkarlarım əmin olsun ki, mən lap əlayam".
Tanınmış müğənni Bakıya gələsi olmadı

Xəbər verdiyimiz kimi Türkiyənin məşhur müğənnisi Tarkanın dekabr ayında Azərbaycana səfəri nəzərdə tutulmuşdu. SİA-nın verdiyi xəbərə görə, sözügedən konsert yanvar ayına qədər təxirə düşüb.

Qeyd edək ki, konsert zamanı Tarkan sözləri Baba Vəziroğluna, musiqisi Kamala məxsus olan “Nigaranam” və sözləri Leyla Əliyevaya, musiqisi Kamala məxsus olan mahnıları təqdim edəcək.