Günəşə ən yaxın planet olan Merkuridə su var.
Amerika Birləşmiş Ştatlarının "Messencer" kosmik apparatı planetin şimal qütbündəki dərin kraterlərdə açıq buz sahələrinin olduğunu təsdiqləyib. Merkurinin bu hissəsi kölgədə qalır və orada orta illik temperatur təxminən mənfi 170 dərəcə selsidir. Buna görə də buz qatı heç vaxt ərimir. Alimlərin hesablamalarına görə, Merkurinin kraterləri özündə 20 milyarddan 2 trilyon tona qədər donmuş su saxlayır. Bəzi ehtimallara görə, buz qatı Merkuriyə Günəş sisteminin əvvəlki dövründə komet və meteoritlərin axını zamanı gələ bilər.
Prezident İlham Əliyev Məhərrəm Əliyevə general-leytenant hərbi rütbəsinin verilməsi haqqında sərəncam imzalayıb.
Sərəncamda bildirilir ki, Məhərrəm Abış oğlu Əliyevə general-leytenant hərbi rütbəsi verilməklə həqiqi hərbi xidmətə qəbul edilsin". Dövlət başçısının digər bir sərəncamı ilə Məhərrəm Əliyev Azərbaycan Prezidentinin Müdafiə məsələləri üzrə köməkçisi xidmətinin Müdafiə məsələləri şöbəsinin müdiri vəzifəsinə təyin edilib.
Rusiyanın Kamçatka əyalətində 35 il yatmış vəziyyətdə olan Tolbaçik vulkanı oyanıb.
Ətrafa səpələnən lava bir neçə kilometr aralıda yerləşən "Leninqradskaya" və "Tolbaçinskaya" adlı turizm bazalarını, həmçinin vulkanı tədqiq edən alimlərin evlərini yer üzündən silib. Vulkanın püskürməsi və lavanın tikilləri məhv etməsi barədə xəbəri də elə alimlər verib. Bu görüntüləri də onlar lentə alıb. Mütəxəssislər bildirir ki, "Tolbaçik" vulkanı yaxın vaxtlarda sakitləşməyəcək.
Ermənistan hərbçiləri tərəfindən girov götürülən Qazax rayonu Alpout kənd sakini Telman Əliyevin bu saatlarda Azərbaycana qaytarılıb.
Qazaxda olan əməkdaşımız Mədinə Nik Necatın məlumatına görə, proses Qazax rayonunun Bala Cəfərli kəndi istiqamətində həyata keçirilib. Qeyd edək ki, Ermənistan Müdafiə Nazirliyi Qazax rayon sakini 41 yaşlı Telman Cavanşir oğlu Əliyevin noyabrın 12-də səhər 07.45 radələrində Tavuş vilayəti istiqamətində sərhədi keçdiyini bildirib.
Məşhur fransız aktyor Jerar Depardye yenə polis nəzarətindədir.
Bu dəfə o, motosikletini sərxoş halda sürdüyünə görə saxlanılıb. Daha doğrusu, o o qədər sərxoş olub ki, Parisin ortasında motosikletindən yerə yıxılıb. Aktyorun yerdə qaldığını görən şahidlər dərhal polisi çağırıb. Asayiş keşikçiləri hadisə yerinə gələndə, Depardye artıq özünə gəlib. Lakin polisin alkoqol testindən keçmək tələbinə o əvvəljə rədd javabı verib. Lakin qısa sürən mübahisədən sonra o qanından analiz götürülməsinə razılıq verib.
Müayinə zamanı məlum olub ki, aktyorun qanındakı alkoqolun miqdarı normadan 4 dəfə çoxdur. Nətijədə Depardye polis məntəqəsinə aparılıb və barəsində protokol tərtib edilib. Qeyd edək ki, bu hal fransız aktyorun qanunla bağlı ilk problemi deyil. Jəmi 4 ay əvvəl o, əlbəyaxa savaşa görə polisə aparılmışdı.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.