Bakının mərkəzində bahalı maşın kül oldu - VİDEO
Milli.Az bildirir ki, oxuculardan biri Day.Az-a saytına Bakının mərkəzində, Axundov bağının yanında avtomobilin yanması barədə xəbər verib.
Hadisə bu gün, təxminən 22:30 radələrində Bakının Səbail rayonunda, M.F.Axundov bağının yanında baş verib.
Bakı Şəhər Səbail Rayon Polis İdarəsinin 9-cu şöbəsindən faktı Day.Az-a təsdiqləyiblər.
Məlumata görə, yanan maşın Toyota Prado markalıdır. Yanmanın səbəbləri barədə məlumat verilmir.
Hazırda hadisə yerində operativ qrup araşdırma aparır.
Videonu buradan izləyin
Əsgər ölümü ilə bağlı həbs edilən hərbçilərin adları açıqlanıb
Əsgər Ceyhun Qubadovun ölümü ilə bağlı həbs edilən hərbçilərin adları açıqlanıb. Gəncə Hərbi Məhkəməsindən APA-ya verilən məlumata görə, əsgərin ölümü ilə bağlı həbs edilən hərbçilər müddətdən artıq xidmət edən hərbi qulluqçu Müqəddəs Qurbanov və mərhum əsgərin bölük komandiri olmuş baş leytenant Veysəl Ağayevdir. Hər iki şəxs təqsirləndirilən şəxs qismində cəlb edilməklə barələrində məhkəmənin qərarı ilə həbs qətimkan tədbiri seçilib.
Qeyd edək ki, Müdafiə Nazirliyinin Daşkəsən rayonunda yerləşən N saylı hərbi hissəsində xidmət edən, Abşeron rayoNundan həqiqi hərbi xidmətə çağırılmış Ceyhun Zaman oğlu Qubadovun yanvarın 7-də qəflətən vəfat edib. Ailəsi onun döyülərək öldüyünü iddia edir.
Hadisə ilə bağlı Respublika Hərbi Prokurorluğunda cinayət işi başlanıb, istintaq tədbirləri davam etdirilir.
*** 16.52
Müdafiə Nazirliyinin Daşkəsən rayonundakı "N" saylı hərbi hissəsində əsgər Ceyhun Qubadovun ölümü ilə bağlı daha iki nəfər saxlanılıb. Bu barədə Trend-ə hüquq-mühafizə orqanlarındakı mənbədən məlumat verilib.
Məlumata görə, Ceyhun Qubadovun ölüm faktı ilə bağlı açılan cinayət işinin maddəsi başqa maddə ilə tövsif olunub.
Cümə axşam yayılan rəsmi məlumatda bu faktla bağlı Azərbaycan Hərbi Prokurorluğunda Cinayət Məcəlləsinin 342.2-ci (Qulluğa səhlənkar yanaşma ağır nəticələrə səbəb olduqda) maddəsi ilə cinayət işinin başlandığı bildirilmişdi.
Qeyd edək ki, daha əvvəl Ceyhun Qubadovun ölümü ilə bağlı iki nəfər saxlanılmişdı. Onlardan biri əsgər, digəri isə zabitdir.
Xatırladaq ki, Daşkəsən rayonunda yerləşən "N" saylı hərbi hissədə xidmət edən Abşeron rayonundan həqiqi hərbi xidmətə çağırılmış 1994-cü il təvəllüdlü Ceyhun Zaman oğlu Qubadov bir neçə gün əvvəl dünyasını dəyişib.
Bəzi KİV-lər əsgərin meyitinin fotolarını yayıb, fotolarda onun xəsarətlər aldığı əks olunub.
***16.02
Azərbaycan Ordusunun əsgəri Ceyhun Qubadovun ölümü ilə əlaqədar onun xidmət etdiyi hərbi birləşmənin cəzalandırılmış zabit heyətinin tam siyahısı məlum olub.
Müdafiə Nazirliyinin mətbuat xidmətinin rəisi, polkovnik Eldar Sabiroğlu əsgərin ölümünə görə kimlərin cəzalandırılması ilə bağlı APA-nın sorğusunu cavablandırıb: “Xəbər verildiyi kimi, əsgər Ceyhun Qubadovun ölümü ilə əlaqədar müdafiə naziri, general-polkovnik Səfər Əbiyev bir neçə yüksək rütbəli zabit barəsində vəzifə səlahiyyətlərini lazımı səviyyədə yerinə yetirmədiklərinə görə təsirli tədbirlər görüb. Nazirin əmri ilə korpus rəhbərliyi ciddi cəzalandırılıb. Bundan başqa, briqada komandirinin rütbəsi bir pillə endirilib. Briqadanın qərargah rəisi tutduğu vəzifədən azad edilib. Tabor komandiri, taborun qərargah rəisi və bölük komandirinin rütbələri də bir pillə aşağı salınıb”.
Qeyd edək ki, əsgərin ölÜmü ilə bağlı artıq iki nəfər həbs edilib.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.