Qoç - Günün əvvəlində sizə elə gələcək ki, uğur üzünüzə gülür və tezliklə nailiyyət qazanacaqsınız. Ancaq bir müddət sonra aydın olacaq ki, işlər, düşünüldüyü qədər də yaxşı deyil. Sizə birbaşa aid olmayan xeyli problemi həll etməli olacaqsınız. İrimiqyaslı layihələr üzərində işə başlamaq əvəzinə, cari işlərlə məşğul olun.
Gün&¨n ikinci yarısında kefiniz pozulacaq: yaxınlarınızın halına acımaq gərək. Sizin mənfi emosiyalarınızın qurbanları ən çox sevdiyiniz insanlardır. Düşünmədən dediyiniz sözlərə görə üzr istəməli olacaqsınız.

Buğa - Ciddi və məsuliyyətli iş görmək üçün elə də münasib olmayan, çətin gündür. Günün ilk yarısı diqqətinizi toplaya bilməyəcəksiniz. Heç nə alınmır, böyük səhvlər edir və bu səbəbdən əsəbləşirsiniz. Üstəlik, Buğalar vacib qərarları təkbaşına verə bilmirlər, yaranmış şəraitlə bağlı yaxşı məsləhət verə biləcək insanlar isə yaxınlıqda gözə dəymir.
Maliyyə çətinlikləri mümkündür: bunların öhdəsindən gəlmək olar, sadəcə, məsələyə düzgün yanaşmaq lazımdır. Bir çox Buğalar bu gün bəzi ailə problemlərini yoluna qoya, qohumları ilə münasibətləri düzəldə bilərlər.

Əkizlər - İşdə problemlər sizin öz günahınız ucbatından yaranır, çünki işdən başqa hər şey barədə fikirləşirsiniz. Hesablarda səhv etməniz mümkündür, danışıqlarda pərtlik yarana bilər, həmçinin yerinə yetirə bilməyəcəyiniz vədlər verə bilərsiniz. Kütlə qarşısında çıxışlardan çəkinin.
Gün sizi əsl mənəvi bağların birləşdirdiyi insanlarla ünsiyyət üçün daha münasibdir. Səmimi etiraflar edə, sizi çoxdan narahat edən problemlərdən danışa bilərsiniz. Alış-verişə çıxmaq məsləhət deyil, pul sizə hələ lazım olacaq.

Xərçəng - Günün birinci yarısı işləmək üçün yaxşı vaxtdır və sizə böyük uğurlar vəd edir. Vaxtında qəbul edilmiş düzgün qərar rəqiblərinizi qabaqlayaraq karyera pillələri ilə irəliləməyinizə imkan yaradacaq. Uzun müddət sizdən öz məqsədləri naminə istifadə edən şəxsi ifşa edə biləcəksiniz.
Axşam özüylə həm fiziki, həm emosional yorğunluq gətirəcək. Bəllidir ki, nə şücaətlərə, nə də bu yaxınlarda qurduğunuz planların gerçəkləşdirilməsinə gücünüz yoxdur. Özünüzü topamağa çalışmayın, sadəcə, istirahət edin.

Şir - Çətin, amma məhsuldar gündür. Bəzən mənfi tendensiyaların təsiri özünü göstərir, amma siz onlarla mübarizə üçün qüvvənizi əsirgəmir və pis vəziyyətdən çıxış yolunu tez tapırsınız. İşdə uğurlar, karyera pillələri ilə qalxmağınız mümkündür. Bunun üçün təkcə müvəffəqiyyətlərinizi deyil, həmçinin cazibənizi də nümayiş etdirməli olacaqsınız.
Çətinliklər məhz sizin onları heç gözləmədiyiniz yerdə yaranır. Məsələn, dəstəyinə və anlayışına güvəndiyiniz adam özünü tamamilə başqa cür apararaq sizi incidə bilər.

Qız - Xırda, amma yersiz anlaşılmazlıqlar çox olacaq, irəliləməyinizə maneçilik törədəcək. Ətrafınızdakılarla dil tapmaq çox çətindir - başqalarının özünə hədsiz inamı sizi qıcıqlandırır. Bu arada, elə siz özünüz də özünüzə çox güvənirsiniz. Uzunmüddətli biznes-plan qurmaq məsləhət deyil, çox güman ki, səhvlərə yol verəcəksiniz.
Əhəmiyyətsiz məişət problemlərini də gərəksiz yerə ürəyinizə salırsınız. Mənəvi tarazlığınızı bərpa etmək üçün təklikdə sakit bir məşğuliyyətlə başınızı qatmaq gərəkdir. Enerjiniz azdır, halsızlıq mümkündür.

Tərəzi - Maliyyə məsələlərinin həlli və kommersiya fəaliyyəti uğurlu olacaq. Tərəzilər çətin situasiyalarda düzgün qərarlar qəbul edir, rəqiblərinə (hətta onlar hiyləgər metodlardan istifadə etsələr belə) üstün gəlirlər.
Şəxsi həyatınızda da müsbət tendensiyaların təsiri güclüdür: yaxşılığa doğru dəyişiklik mümkündür. Təşəbbüs göstərə, hisslərinizi etiraf edə, nəyi istəyirsinizsə, məhz onu edə bilərsiniz. Dəyərli hədiyyələr, yaxınlarınızdan xoş sürprizlər ala bilərsiniz.

Əqrəb - Səhər uğursuz başlanır, bunun günahkarı təkcə şərait deyil, elə siz özünüzsünüz. Düzgün qərar vermək çox çətindir. Hərdən doğru yolu tapmaq üçün saatlarla fikirləşirsiniz. Şəxsi və məişət problemləri sizi işinizdən ayırır, elə səhvlər edirsiniz ki, müstəqil olaraq onları düzəltməyiniz mümkün olmur.
Hərdən müsbət tendensiyalar özünü göstərir, sizin də əsas vəzifəniz yaxşı məqamlardan vaxtında və düzgün istifadə etməkdir. Bunun üçün bəzi vərdişlərinizdən əl çəkmək lazım gələcək, amma peşman da olmayacaqsınız.

Oxatan - Səhər çağı hər bir işdə ehtiyatlı olun. Qətiyyətli hərəkətlərdən çəkinin, işgüzar və şəxsi həyatınızda köklü dəyişikliklər etməyə cəhd göstərməyin. Hesablardakı səhvlər maliyyə itkilərinə səbəb ola bilər.
Axşama doğru şərait dəyişəcək, həmçinin faydalı məlumat ala bilərsiniz. Nüfuzlu adamların dəstəyini qazanacaqsınız, bu, məqsədinizə doğru yolunuzu asanlaşdıracaq.

Oğlaq - Xoş gün deyil. Nə özünüzdən, nə ətrafınızdakılardan baş tapırsınız. Uğur şkalası aşağı enməkdədir. Mənfi emosiyalarınız sağlam düşüncəyə üstün gəlir. Sonradan əsəblərinizi cilovlamadığınız, həddən artıq sərt iradlar bildirdiyiniz, aqressiv davrandığınız üçün özünüzü qınayacaqsınız.
Maliyyə məsələlərini həll etmək, iri alış-veriş, biznesə yatırım, əmlak bölgüsünün müzakirəsi məsləhət deyil. Uşaqlarla aranızda mübahisə yaranacaq, yaşlı nəslin nümayəndələrilə isə münasibətləriniz yaxşıdır.

Dolça - Bu günün gətirdiyi problemlərin hamısının öhdəsindən gələcəksiniz. İşgüzar ünsiyyət, peşəkar perspektivlərin müzakirəsi, sövdələr bağlamaq üçün münasib gündür. İşlə bağlı vacib məlumat ala bilərsiniz. Yeni iş ortaqları ilə yeni əməkdaşlıq mümkündür.
Sevdiyinizlə aranızda xırda anlaşılmazlıq yarana bilər, çıxış yolunu tez tapacaqsınız. Maraqlı tanışlıqlar və romantik macəralar mümkündür. Axşam ziyafətə getmək olar.

Balıqlar - Mürəkkəb gündür. Təmkinini pozmayan, emosiyalarını "söndürən" Balıqlar uğurlu olacaqlar. İş ortaqlarınızla aranızda fikir ayrılıqları yarana bilər. Üstəlik, konstruktiv diskussiya uzun-uzadı münaqişəyə çevrilə bilər. Maliyyə problemləri mümkündür.
Yaxınlarınız sizin proritetlərinizlə barışmırlar, sizdən küsə bilərlər. Problemlərin üstündən susaraq keçməyin, bunları zarafatla müzakirə etməyə çalışmayın - açıq və ciddi danışmaq lazımdır. Təhsildə problem yarana bilər, yeni məlumatı qavramaq çətindir.