Gəncədə xüsusi qayğıya ehtiyacı olan uşaqların iştirakı ilə tamaşa nümayiş olunacaq

Kəpəz TV xəbər verir ki, Azərbaycana Birgə Yardım Təşkilatı Gəncə UAFA- İcma Əsaslı Reablitasiya Mərkəzindən bəhrələnən uşaqların cəmiyyətə inteqrasiyası məqsədilə tamaşa hazırlanır. 3 dekabr Beynəlxalq Əlillər Günündə nümayiş etdiriləcək tamaşanı tipik, əqli və fiziki cəhətdən qüsurlu uşaqlar nümayiş etdirəcək. Xeyriyyəçiliklə məşğul olan qurumların maliyyə dəstəyi ilə hazırlanan “Tık-tık xanım” tamaşasından sonra dram dərnəyinin üzvləri daha bir neçə səhnə əsəri üzərində çalışacaq. Tamaşalar hazır olduqdan sonra isə şəhər tədbirlərində və bir sıra rayonlarda nümayiş etdiriləcək. Mərkəzin hədəflərindən biri də “Həyat tamaşa kimi” adlı insanların inteqrativ tamaşalarının milli festivalına qatılmaqdır.

Azərbaycana Birgə Yardım Təşkilatı Gəncə UAFA- İcma Əsaslı Reablitasiya Mərkəzinin Valideyn Birliyinin koordinatoru Zülfiyyə Abdullayeva: “Bu tamaşada xüsusi qayğıya ehtiyacı olan uşaqlarla birgə tipik uşaqlar da iştirak edəcək. Bu gün “Tık-tık xanım” tamaşası hazırlanır. Bu teatr truppası məktəblərdə, dövlət müəssisələrində tamaşalar göstərəcəklər”.

İcma Əsaslı Reablitasiya Mərkəzində xüsusi qayğıya ehtiyacı olan uşaqlara bu ildən kompüter dərsləri də keçilir. Hazırda mərkəzdə 103 uşağın aktiv terapiyası ilə 3 nəfər uşaq inkişaf müəllimi, loqoped, idman və kompüter müəllimləri məşğul olur.
İcma Əsaslı Reablitasiya Mərkəzindən bəhrələnən uşaqların milli festivalda iştirakı planlaşdırılır. Həmin festivalda Nizami Gəncəvinin əsərlərindən kiçik səhnəciklərin nümayişi düşünülür.

Hər kəsin dərdi: qripdən necə qorunaq?

İnstitutun qrip laboratoriyasının müdiri Almaz Əsədova Trend-ə deyib ki, Azərbaycanda insanlar qrip peyvəndinə maraq göstərmirlər və onun təsirinin effektli olacağına inanmırlar. Amma mövsümün əvvəlində edilən bir peyvənd insanları payız-qış dövründə qripdən qoruya bilər. Peyvənd vurduran insanlar mövsüm ərzində ya qripə yoluxmurlar, ya da yoluxarlarsa, bu xəstəliyi çox yüngül keçirirlər.

Əsədova deyib ki, bəzi insanlar qripə yoluxduğunu güman etsələr də, əslində, bu, qrip deyil, soyuqdəymə olur. Hazırda ölkədə qrip virusu yoxdur. Amma havaların soyuması ilə əlaqədar insanlar arasında A virusunun törətdiyi qrip yayıla bilər.

Mütəxəssisin sözlərinə görə, qripin 3 növü - A, B, C virusu növləri var. Onlardan ən təhlükəli olanı A virusu qripidir.

"A virusu qripi epidemiya, pandemiya yaradır. O, qriplərin ən kəskinidir. A virusu qripi digər növlərdən fərqli olaraq, öz strukturunu tez-tez dəyişir, bir tipdən digərinə keçir. Amma B virusuna yoluxarkən qrip nisbətən sabit keçir. C isə ən yüngül qripdir və epidemiya yaratmır", - Əsədova deyib.

O qeyd edib ki, insanların qripdən qorunması üçün əsas vacib şərt immunitetin qaldırılması və geyimlərin mövsümə uyğun geyinilməsi, xüsusilə sinənin açıq saxlanılmamasıdır. İmmuniteti qaldırmaq üçün insanlar çoxlu miqdarda göyərti, xüsusilə göy soğan, kahı, nar, qızıləhmədi alması yeməli, limonlu çay içməlidirlər. Bunun üçün insanlar apteklərdə satılan "jenşen" siropundan da istifadə edə bilərlər.

Məhəmməd Əli “Boks kralı” elan olunacaq

Ümumdünya Boks Şurası (WBC) təntənəli mərasimə hazırlıq işlərini yekunlaşdırır

Tədbirdə Məhəmməd Əli “Boks kralı” elan olunacaq. Bu barədə qurumun prezidenti Xose Süleyman bildirib. O deyib ki, Əlinin alacağı tac, hökmdar əsası və çiyinlik hazırdır. Mərasim isə dekabrda Meksikanın kurort şəhəri Kankunda qurumun 50-ci sessiyası çərçivəsində baş tutacaq. Əfsanəvi boksçu müstəsna xidmətləri qarşılığında fəxri ada layiq görüləcək. Tacqoymada WBC versiyası üzrə keçmiş və hazırkı dünya çempionlarının, habelə ağır çəkidə çempionluq kəmərinin sahibi Vitali Kliçkonun iştirakı gözlənilir. Əli Kankunda olduğu vaxt qurum onun sərəncamına xüsusi iqamətgah və yaxta verəcək. 70 yaşlı boksçu Karib hövzəsində səyahətə çıxacaq.

X.Süleyman veteran idmançının tək, yoxsa qızı Leyla ilə birgə gələcəyinə hələ qərar vermədiyini də əlavə edib.

BlackBerry Messenger 7 vasitəsilə pulsuz danışın

BlackBerry Messenger, yeni versiyası ilə artıq pulsuz danışmaq xüsusiyyəti də təqdim edir.Artıq BlackBerry-si olanlar öz aralarında pulsuz danışa biləcəklər.

BlackBerry Messenger 7 (BBM 7), BlackBerry 6 əməliyyat sistemi və daha yüksək versiyasını istifadə edən ağıllı telefonlara pulsuz olaraq yenilənmə nəşr olundu.

BlackBerry Messenger 7-nin hələlik beta versiyası nəşr olundu və bu xüsusiyyət Wi-Fi vasitəsilə pulsuz danışmaq imkanı təmin edir. Bu yeni xüsusiyyət BBM Voice olaraq adlandırılır və dinamik yaxud qulaqlıq vasitəsilə də istifadə xüsusiyyətinə sahibdir.

Hazırkı pulsuz mesajlaşma tətbiqində, interfeysi heç dəyişmədən yalnız sağ üst küncə axtarış düyməsi əlavə edəcəklər. Həm də istifadəçilər siyahılarındakı şəxslərin vəziyyətlərini də görə biləcəklər. Dörd fərqli vəziyyət olacaq tətbiqdə BBM səsli chat yoxdur, Offline, Online və ya Səsli Chat Edir kimi variantlar var.//texnopress.com

Hamiləlik zamanı alkoqollu içkilər uşağın intellektual əmsalına təsir göstərir

Araşdırmalara görə, hamilə qadının həftə ərzində hətta bir neçə qədəh şərab içməsi körpənin əqli inkişafına mənfi təsir göstərir. 
Oksford və Bristol universitetlərinin alimləri 4 min uşağın intellektual əmsal (İƏ) göstəricilərini, habelə onların analarının hamiləlik dövründə içdikləri alkoqollu içkilərin miqdarı barədə məlumatı təhlil edərək müəyyənləşdirmişlər ki, az miqdarda alkoqollu içki İƏ göstəricisinə pis təsir göstərir. Mütəxəssislər təsirin güclü olmadığını bildirsələr də, alkoqolun bütünlüklə hamilə qadının rasionundan çıxarılmasını israr edirlər. 
Araşdırmalar göstərib ki, İƏ dəyişiklikləri həftədə 1-6 qədəh içmiş qadınların uşaqlarında müşahidə olunmuş, lakin hamiləlik dövründə tünd içkilərdən bütünlüklə imtina etmiş qadınların uşaqlarına toxunmayıb. 
Araşdırma qrupunun rəhbəri doktor Ron Qreyin sözlərinə görə, dəyişiklik əhəmiyyətli olmasa da, hər halda sosial bərabərsizliyə, sağlamlıq durumunun zəif olmasına və hətta erkən ölümə gətirib çıxara bilər: “Hamiləlik dövründə alkoqol qəbul edib-etməyəcəyini qadın özü həll etməlidir. Biz yalnız alkoqolun ziyanını sübut etmək istəmişik. Mən alkoqoldan imtina eyməyi məsləhət görərdim, riskə getməyə ehtiyac varmı?”.