Əvvəllər uşağın təfəkkürünü inkişaf etdirmək üçün xüsusi vasitələrdən istifadə edilməzdi. Çünki əvvəllər təfəkkür genetik bir amil kimi qəbul edilirdi. Ancaq bu gün bu amillə yanaşı, uşağı əhatə edən mühit, hətta ananın hamilə ikən qəbul etdiyi qidalar da təsiredici bir meyar kimi qəbul edilir. Aparılan araşdırmaların nəticələrinə görə valideynin uşağın təfəkkürünün formalaşmasında təsiri böyükdür. Valideynin də uşağın hərtərəfli inkişaf etməsindəki rolu böyükdür. Məsələn, valideyn uşağın təfəkkürünü qaldırmaq üçün uşağa müxtəlif oyunlar öyrədir.

Genetik amillərlə yanaşı, uşağın yaşadığı mühit və fəza, qidalanma keyfiyyəti və.s onun sağlam olmasında rolu böyükdür. Körpənin necə qidalanması ilk aylarda daha mühümdür.

Köprənin ilk illərində onun tərbiyəsini dəqiq proqrama salmaq lazımdır. Bundan başqa valideynin uşağın müxtəlif hərəkət və əməllərinə diqqət etməsi də təfəkkürünün artmasında təsiredici amildir. Bunun üçün çətin və qarışıq yollardan istifadə etmək lazım deyil. Saədə oyunlar oynayaraq da uşaq təfəkkürünü artırmaq olar. Düşündürən və məntiqli oyunlar uşağın zehnini artıran faktorlardan biridir. Valideyn bu tərbiyəyə hamiləlik zamanından başlayaraq, 6 yaşına qədər aparmalıdır. Bu mərhələ başa çatandan sonra isə uşağın zehni daha yaxşı inkişaf etmiş olur.

Adətən uşağın 10-18 aylarında beyin bağları formalaşır. Sizin uşağa qoyduğunuz təsir nəticəsində beyində olan aparıcı maddə azad olur və beynin inkişafına gətirib çıxarır. Sizin uşağa qarşı laqeydliyiniz isə bu bağların qırılmasına və hüceyrələrin arasında olan rabitələrin kəsilməsinə səbəb ola bilər. Onu yeni işlər görməyə soyudar.

Uşağın ilk mərəhələdə tərbiyəsində valideynin diqqətli olması çox mühümdür. Belə ki, uşağın hər rəftarına və hərəkətinə reaksiya verməlidir. Məsələn, körpə ilk dəfə olaraq, hansısa kəlməni deyirsə, ola bilsin ki, anası həyəcanlanaraq, qışqırsın. Ancaq bu planlaşdırılmamış bir hərəkətdir, lakin körpənin sevinməyinə gətirib çıxarar. Ona görə valideynlər bilməlidirlər ki, körpələrinə verdikləri şey nə qədər mühüm və təsiredicidir. Onu nəzərə almalıyıq ki, uşağın həyatının ilk altı ili onun gələcək həyatı üçün çox mühümdür. Xüsusilə də 2 yaşına qədər körpənin beynində miyardlarla rabitə yaranmış olur. Əgər bu rabitələrin sayı az olarsa, gələcəkdə ondan istifadə etmək qeyri-mümkün olar.

Körpənin təfəkkürünün inkişaf etdirilməsi elə də çətin bir iş deyildir. Xüsusi qarışıq qaydalara ehtiyac yoxdur. Uşağın gözünə diqqətlə baxmaq, ona mehribanlıq göstərmək, sevgini hiss etdirmək, uşaqla danışmaq və onu dinləmək, uşağın rəftarındakı kiçik dəyişikliklərə diqqət etmək – bütün bu sadə üsullar uşağın zehni inkişafında aparıcı rol oynaya bilər.

Uşaqla söhbət etmək də mühüm bir amildir. Dil uşağın zehninə təsir edən ən aparıcı qüvvələrdən biridir. Bu, o deməkdir ki, dil və danışıq vasitəsilə uşağa düzgün danışmaq öyrədilir və onun danışıq istedadları inkişaf etdirilir. Siz körpə ilə söhbət edərək, ilk aylarından onun danışımaq təfəkkürünü inkişaf etdirə bilərsiniz.