Bu da “Adanalı Ronaldo” – VİDEO 
Türkiyənin Adana şəhərində yaşayan Gökmen Akdoğan Kriştiano Ronaldoya bənzərliyi ilə hamını heyran qoyub. Fanat.az xəbər verir ki, bir məktəbdə işləyən Hakan Akdoğan və ev xanımı Hacerin 3 uşağından biri olan 23 yaşlı Gökmen “Real”ın ulduz futbolçusunun əkizinə bənzəyir.
Kiçik yaşlarından futbola başlayan Akdoğanın Ronaldoya bənzədiyini ilk dəfə böyük qardaşı müəyyənləşdirib. Daha sonra həm oğlunun, həm də ulduz futbolçunun şəkilinə baxan onların anası da bunu təsdiqləyib.

Həmin gündən Ronaldo kimi geyinən, onun kimi futbol oynayıb, hərəkətlərini təkrarlayan, portuqaliyalı ulduz kimi cərimə zərbələri vurmağa çalışan Gökmen bu bənzərliyi səbəbindən hamının marağına səbəb olub. O, hazırda həvəskarlar liqasında çıxış edən “Seyhanspor”un formasını geyinir. Yayda isə Kuşadasına gedərək barlarda çalışır.

Akdoğan Ronaldoya oxşadığı üçün Kuşadasında çalışdığı yerin sahibinin onu barın önündə dayandırdığını bildirib: “Məni görən qızlar yanıma gəlir. Ronaldoya bənzədiyim üçün şəkil çəkdirib, söhbət edirlər. Məndən avtoqraf alan turistlər çaş-baş qalır. Elə bilirlər ki, həqiqətən Ronaldoyam. İş yerimin sahibi mənim sayəmdə daha çoz pul qazanır”.

Yolda gedərkən insanların onunla şəkil çəkdirməyə can atdığını deyən Gökmen Çempionlar Liqasının “Qalatasaray”la oyunu üçün İstanbula gələcək Ronaldo ilə görüşmək istəyir: “Bütün imkanlardan istifadə edib, ora getmək istəyirəm. Arzum Ronaldo ilə tanış olmaqdı”.

“Barselona” üçün alman futbolçu
“Barselona” “Borussiya”nın (Dortmund) alman futbolçusu Mats Xummelsi heyətinə qatmaq istəyir.

Qol.Az-ın məlumatına görə, bu barədə “Bild” qəzeti xəbər yayıb. Bildirib ki, artıq katalon klubu futbolçunun transferi üçün danışıqlara başlayıb.

“Barsa”nın 2017-ci ildə alman klubu ilə müqaviləsi bitıcək futbolçuya təzminat kimi 37 milyon ödəmək istədiyi bildirilir.

Droqba Mourinyo haqqında danışdı
“Mən ən böyük gücü Mourinyodan almışam”
“Qalatasaray”ın Fildişi Sahilli futbolçusu Didye Droqba UEFA-nın Çempionlar Liqasının 1/4 finalı üçün çıxardığı dərgiyə müsahibə verib.Həmin müsahibənin tərcüməsini təqdim edirik.

- Çempionlar Liqasına qayıdışın haqda nə deyə bilərsən?

- Düzü, ÇL-də yenidən oynacayağımı heç düşünmürdüm. “Marsel” və “Çelsi” forması ilə doqquz dəfə bu turnirə qatılmışam. Keçən mövsüm kuboku qazanmaq isə karyeramın pik nöqtəsi idi.

- İstanbuldakı yeni həyatına uyğunlaşa bilmisən?

- Burada hər şey gözəldir. Çox kosmopolit bir şəhərdəyəm. Ailəmin də yaşaya biləcəyə yerdir. Bir sözlə, çox yaxşı seçim etmişəm.

- Niyə məhz “Qalatasaray”da oynamaq istədin?

- “Qalatasaray” Avropada tanınmış klublardan biridir. Unutmayaq ki, UEFA kubokunu qazanıb. Buna görə də bu addımı atdım.

- Sənin və Sneyder kimi futbolçusunun olduğu “Qalatasaray” Çempionlar Liqasının 1/4 finalında oynayacaq. “Real”la oyunlardan nə gözləyirsiniz?

- Bizim gəlişimiz klubda bir coşqu yaratdı. Düzdür, Sneyder altı aydır futbol oynamayıb, fiziki cəhətdən çətinliklər çəkir. Mən isə bir neçə ay oynamadıqdan sonra bura gəlmişəm. Ona görə bütün gücümlə oynadığımı söyləməyim doğru olmaz. Ancaq klubum üçün ən yaxşısını etməyə çalışacağam.

- “Qalatasaray”ın ÇL-i qazana biləcəyinə inanırsan?

- Biz addım-addım irəliləyirik. Əgər bir necə pillədə irəli getsək, bunu bacara bilərik.

- Karyeranda ən çox kimin rolu olub?

- Bütün baş məşqçiləri deyə bilərəm. Amma məni həm futbolçu, həm də insan olaraq ən böyük gücü Joze Mourinyodan almışam.

-Bir hücumçu kimi bu qədər qol vurmağa necə öyrəşə bildin?

- Buna öyrəşə bilmərsən. Çünki bir neçə matç qol vurmaya da bilərsən. Ancaq hər dəfə bunun üçün çalışmalısan, istədiyini əldə etdikdə isə bundan zövq almalısan. Mən belə edirəm.