Bruno Alveş rəsmən "Fənərbaxça"da
"Fənərbağça" portuqaliyalı oyunçu Bruno Alveş ilə 3 illik müqavilə imzalayıb.
Klub ulduz futbolçuya 2,5 milyon avro ödəyəcək.
Sankt-Peterburqun "Zenit" komandasına isə ilkin olaraq 5,5 milyon avro ödəniləcək.
Beləliklə, Alveş 2013-2014, 2014-2015 və 2015-2016-cı il mövsümlərində "Fənərbağça"nın formasını geyinəcək.
Qeyd edək ki, Bruno Alveş karyerasına Portuqaliya "Porto"sunda başlayıb. O, 2010-cu ildə "Zenit"ə 22 milyon avro müqabilində transfer olunmuşdu. 32 yaşlı müdafiəçi Portuqaliya millisində 60 oyuna 8 qol vurub. Alveş millidə sonuncu qolunu martın 26-da 2014-cü il dünya çempionatının seçmə mərhələsində Azərbaycan yığmasının qapısından keçirmişdi. Oyun millimizin məğlubiyyəti ilə yekunlaşmışdı - 0:2.
“Monako” indi də Ronaldoya “elçi” düşdü
“Monako” daha bir səs-küylü transfer gerçəkləşdirə bilər. Qol.Az-ın İspaniya mətbuatına istinadən yaydığı xəbərə görə, Fransa yüksək liqasına vəsiqə qazanan klub “Real”ın hücumçusu Kriştiano Ronaldonun xidmətində maraqlıdır.
“Monako”da ümid edirlər ki, Ronaldo 2015-ci ildə “Real”la başa çatacaq müqavilənin müddətini uzatmayacaq. Onlar azad agent olacağı halda portuqaliyalı hücumçuya 60 milyon avro və illik 23 milyon avro təklif etmək fikrindədirlər.
Həmçinin qeyd edilir ki, bu cür təklifi Ronaldoya PSJ, “Mançester Yunayted” və “Mançester Siti” də irəli sürə bilər.
“Mourinyo “Real”da qalacaqdı”
“Real”ın prezidenti Florentino Peres sabiq baş məşqçiləri Joze Mourinyo haqda açıqlama verib. Qol.Az-ın İspaniya mətbuatına istinadən yaydığı xəbərə görə, o qeyd edib ki, əgər portuqaliyalı mütəxəssis bu mövsüm uğurlara nail olsaydı, komandada qalacaqdı.
Qeyd edək ki, “Real” 2012/13 mövsümündə bir dənə də olsun kubok qazana bilməyib. İspaniya kubokunun finalında isə “Atletiko”ya uduzub.
"Əgər Mourinyo Çempionlar Liqasını və İspaniya kubokunu qazansaydı, “Real”dan getməyəcəkdi”- deyə o vurğulayıb.
Klub prezidenti həmçinin müdafiəçiləri Pepeni transferə çıxarmayacaqlarını da bildirib.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.