Qoç - Mənfi tendensiyaların güclü təsirinə baxmayaraq, səhər çağı müəyyən nailiyyətlər əldə edə bilərsiniz. Enerjiniz və sağlam düşüncəniz bütün işlərdə köməkçinizdir. Bunların sayəsində çətinlikləri aşa, səhvlərdən qurtula bilərsiniz. Ən çətin anlarınızda dostlarınız köməyinizə gələcəklər.

Axşam isə bir qədər gərgin keçəcək. Mənəvi tarazlığınızı itirir, mənfi emosiyalarınızın təsiri altına düşürsünüz. Üstəlik, bu dövrdə sizi idarə etmək asanlaşır və çox güman ki, düşmənləriniz bundan istifadə etməyə çalışacaqlar.

Buğa - Bu mürəkkəb gün hətta ən enerjili Buğaları da yoracaq. Nəinki, öz problemlərinizi həll etməli, üstəlik qohumlarınızın arasında yaranan fikir ayrılıqlarını da aradan qaldırmalı olursunuz - bu isə həddən artıq bezdirici işdir. Sizin üçün xoş olmayan etiraflar mümkündür. Elə bir məlumat alacaqsınız ki, onunla nə etməyi bilməyəcəksiniz.
Əvvəlcədən qurduğunuz planları reallaşdırmaq imkanı yaranmır və siz pərt olursunuz. Münasibətlərdə ehtiyatlı olun, başqasının təsiri altına düşə bilərsiniz.

Əkizlər - Gün ürəyinizcə keçmir: əhvalınız «bir qədər pis» və «murdar» kateqoriyaları arasında «var-gəl» edir. Odur ki, çoxlarının sizdən yan gəzdiklərinə heç də təəccüb etməyin. Münasibətlərdə çox dəyər verdiyiniz bir insanla əlaqəni poza bilərsiniz, səbəbi isə çox əhəmiyyətsiz ola bilər.

Yaxşılığa doğru dəyişiklikləri günün ikinci yarısında gözləyin. Emosional cəhətdən boşalma olacaq, bu sizin xeyrinizədir. Yeni ideyalarınız olacaq, həyatınızı yaxşılaşdırmağın yolunu tapacaqsınız. Alış-verişə çıxmaq olar.

Xərçəng - İntellektual potensialınız çox yüksəkdir. Bu da o deməkdir ki, öhdəsindən gələ bilməyəcəyiniz problem yoxdur. Eksperimentlərə hazırsınız və onlar dedikcə əla nəticələr verir. Maraqlı tanıqşlıqlar mümkündür. Ola bilsin ki, dostlarınızdan biri sizi doğrudan da gözəl bir insanla tanış etsinlər.

Təhsil və dünyagörüşünün artırılmasına xidmət edən məşğuliyyətlərə üstünlük verin. Ən adi vərdişlərdə özünüz üçün yenilik tapa bilərsiniz. Uzaqdan vacib xəbərlər ala bilərsiniz.

Şir - Gün yaxşı başlayır. Əhvalınız əladır, nə istədiyinizi yaxşı bilirsiniz və buna necə nail olmaq barədə təsəvvürünz də aydındır. Yalnız bir məqamı diqqətdən qaçırırsınız: ətrafınızdakı insanların da istəkləri, arzuları, prioritetləri və həyatda maraqları var. Bunlarla hesablaşmayınca yerinizdən tərpənə bilməyəcəksiniz.

Günün ikinci yarısı planlarınızı dəyişməli, improvizə etməli, yaranan şəraitə alışmalı olacaqsınız. Heç də bütün Şirlər belə vəziyyətdə özlərini yaxşı hiss etmirlər.

Qız - Sürprizlərlə dolu gündür. Hətta arzulamağa belə cəsarət etmədiyiniz işlər baş verir. Öz gücünüzə inanın - uğur qazanmaq üçün bu çox vacibdir. Darıxmağa imkan olmayacaq: işləriniz çox və hər biri özlüyündlə maraqlıdır. Qonaq qəbulu, təntənəli mərasimlərin təşkili üçün uğurlu gündür.

Nəzərə almaq lazımdır ki, bu gün müstəqil hərəkət etməli, kimdənsə kömək gözləməməlisiniz. Yaşlı qohumlarınızdan birilə aranızda münaqişə yarana bilər. Əgər bu gün təmkinli olmasanız, kinayəli iradlar bildirsəniz, sonra peşman olacaqsınız.

Tərəzi - Gün gözlənilməzliklər gətirir - hərdən xoş, hərdən də dərdə salan. Bilirsiniz ki, baş verənləri götür-qoy etmək lazımdır, ancaq heç cür sakitləşə bilmirsiniz. Üstəlik, heç düşünməyə vaxtınız da yoxdur. Yaxşı olar ki, kənardan verilən məsləhətlərə deyil, intuisiyanın səsinə qulaq asasınız.

Evdə özünüzü daha rahat hiss edirsiniz. Uzaq səfərlərə getmək, ekzotik əyləncə mərkəzlərində yeni təəssüratlar axtarmaq məsləhət deyil. İnsanların çox olduğu yerlərə getməyin, kütlə qarşısında çıxışlardan çəkinin.

Əqrəb - Xırda, amma gözlənilməz hadisələr çoxluq təşkil edəcək. Bunlar planlarınızı korlaya bilər. Amma sözün düzü, bu, sizi elə də kədərləndirməyəcək - nəinki yeni şəraitə alışacaq, həmçinin ondan öz mənafeyiniz üçün istifadə edə biləcəksiniz.
Pul ala bilərsiniz. Eyni zamanda aldığınız pulu yaxşıca yerbəyer də edə biləcəksiniz. Qohumlarla ünsiyyət, ailə tədbirlərinin təşkili, həmçinin istənilən müştərək fəaliyyət üçün əla gündür. Enerjiniz çoxdur, əhvalınız yaxşı olacaq.

Oxatan - Bu gün şəxsi işləriniz arxa plana keçir. Sizin üçün qiymətli olan insanlara kömək etməli olacaqsınız. Müştərək işlər, ümumi məqsədə çatmaq üçün səylərin birləşdirilməsi üçün əla gündür. İdeya və təklifləriniz dəstəklənir, ətrafınızdakılar sizin məsləhətlərinizi dinləyirlər.

Ancaq diqqətli olun! Bəzən siz (təbii ki, yaxşı niyyətlə) yaxınlarınıza qədərindən artıq təzyiq göstərirsiniz. Nəzakətli olun, bu, bir çox problemin qarşısını alar.

Oğlaq - Sakit və xoş günd&¨r. Ürəyiniz istəyən işlə məşğul ola bilərsiniz. Əlavə problem yaranmayacaq. Köhnə dostlarınızla ünsiyyət xoş keçəcək. Sizi qonaqlığa və yaxud ziyafətə dəvət etsələr, imtina etməyin.

Nəinki, özünüzün, həmçinin başqlarının da problemlərinin öhdəsindən gəlirsiniz. Ancaq ehtiyatlı olun! Sizin mərhəmətinizdən sui-istifadə edə bilərlər. Tez-tez özünüzə xatırladın ki, bəzi xahişlərə "yox" demək lazımdır.

Dolça - Uğurlu gündür, ciddi problemlər gözlənilmir. Enerjiniz çoxdur, xeyli işləməli olsanız da, yorulmaq bilmirsiniz. Tikinti ilə məşğul ola, köçməyə hazırlaşa bilərsiniz.
Şəxsi məsələlərə aid qərar verməyə tələsməyin. İndi hər şeyi sakitcə düşünüb, götür-qoy etmək lazımdır. Müdrik qadınların məsləhətləri işinizə yarayacaq. Xırda alış-veriş edə, qarderobunuzu yeniləyə, imicinizdə dəyişiklik edə bilərsiniz. Romantik tanışlıq mümkündür.

Balıqlar - Bu gün aktiv fəaliyyətdən daha çox düşüncəyə dalmaq daha məsləhətli olacaq. Verdiyiniz qərarları dərhal həyata keçirməyə çalışmayın. Yüz ölçüb, bir biçin. Maraqlı görüşlər mümkündür, amma xoş tanışlığın tezliklə romantik məcrada davam edəcəyinə ümid etməyin.

Axşamı yaxşı olar ki, evdə keçirəsiniz, ziyafətlərə getmək məsləhət deyil. Qonaq qəbulu yorucu olacaq. Məişət texnikasının sınması, xırda zədələr mümkündür.

¨