Qoç - Çətinliklərlə savaş üçün qollarınızı çirmələmisiniz, hərdənbir etdiyiniz həmlələr hətta düşmənlərinizi zəiflədir də. Asan uğura ümid etməyin. Bu gün sizi ağır, uzun, yorucu, diqqət və inad tələb edən işlər gözləyir.
Xarici dilləri öyrənməyə başlamaq olar, bu gün yeni söz və ifadələri yaxşı yadda saxlayırsınız. Daha yaxşı olar ki, əcnəbi tanışınızla birlikdə vaxt keçirəsiniz. İnternasional məhəbbətin yaranması mümkündür. Münasibətlərin davamı internasional nikah da ola bilər.
Buğa - Asan, sevincli, xoş gündür. İstədiyinizi əldə etmək üçün dəridən-qabıqdan çıxmaq lazım gəlmir, sanki uğur özü sizə tərəf qaçır. Əgər hansısa çətinliyiniz yaranarsa, dostlarınız dərhal köməyinizə gələcəklər. Həm şəxsi, həm də işgüzar xarakterli maraqlı təklif ala bilərsiniz.
Liderlik xüsusiyyətinizi üzə çıxarmağın vaxtı gəldi. Sərfəli sövdələr bağlaya bilərsiniz. Faydalı işgüzar əlaqələr qurmaq şansınız var. Cazibədarsınız. Odur ki, diqqət sarıdan gün bol olacaq.
Əkizlər - Situasiya birmənalı deyil, hətta təzadlıdır. Siz vurnuxur, tarazlığı tuta bilmirsiniz. Sizə çoxlu yaxşı məsləhətlər verirlər, amma siz onları dinləmək niyyətində deyilsiniz. Tez-tez başqalarının işinə qarışır, sizə birbaşa aidiyyatı olmayan müzakirələrə qoşulursunuz.
Yaxınlarınızla nəzakətli davranmağa çalışın. Bu gün müəyyən situasiyalarda çox sərt iradlar bildirirsiniz. Qadınlarla ünsiyyət kefinizi açacaq, ancaq onlara tam etibar etməyin.
Xərçəng - Günün uğurlu olacağını elə səhər açılandan hiss edəcəksiniz, intuisiyanız sizi yanıltmayacaq. Bu gün məqsədinizə çatmaq üçün çox vurnuxmaq lazım deyil, asan yolları seçə bilərsiniz, onsuz da hər şey əla alınacaq. Əhvalınız əladır, ətrafınızda olanların da kefini açırsınız.
Şəxsi münasibətlərdə yaxşılığa doğru dəyişikliklər mümkündür. Sizin üçün əziz olanlarla bu gün səmimi ola bilərsiniz. Maraqlı təkliflər ala bilərsiniz. Çoxdan bəri davam edən fikir ayrılıqlarını aradan qaldıra bilərsiniz.
Şir - Mənfi tendensiyaların təsiri çox güclüdür və bu ilk növbədə əhvalınıza təsir edir. Qıcıq tutmaları, şıltaqlıqlar, sizi əhatə edənlərə həddən artıq tənqidi yanaşma sizi yaxşı həmsöhbət kateqoriyasından birmənalı şəkildə çıxarır. Həvəslə mübahisələrə qoşulur, hətta özünüz onları yaradırsınız.
Ailədə münaqişələr mümkündür. Əvvəlcədən verdiyiniz qərarlardan imtina edir, vədinizi unudursunuz. Qonaq qəbul etmək, həmçinin ziyafətlərə getmək məsləhət deyil.
Qız - Emosiyalarınızı nəzarətdə saxlaya bilsəniz, əsəb və qəzəbinizi boğsanız, gününüz uğurlu alınacaq. Müsbət tendensiyaların təsiri günün ortasında və axırına doğru daha güclü olacaq. Odur ki, vacib işlərinizi məhz bu vaxta saxlayın.
Ətrafınıza həmfikir ordusu yığa biləcəksiniz. Onların sayəsində uzun müddət baş sındırdığınız bir çox problemi həll edə biləcəksiniz. Gün xeyli romantik macəra vəd edir. Yalqız Qızlar başlarını itirməsələr, yaxşıdır.
Tərəzi - Uğursuz gündür. Daxilən gərginsiniz, özünüzə inamınız yoxdur, bu səbəbdən irəliyə getmək istəsəniz də, alınmır. Üstəlik, istənilən iş sizə çətin gəlir. İşgüzar aktivliyi azaldıb dincəlməyə başlasanız, ağıllı iş görürəsiniz. Alış-veriş etmək, evdə yorucu işlərlə məşğul olmaq məsləhət deyil.
Heç bir məna kəsb etməyən, sırf məişət problemləri üzündən evdə münaqişələr yarana bilər. Uzunmüddətli planları müzakirə etmək məsləhət deyil, onsuz da ümumi nəticəyə gəlmək alınmayacaq.
Əqrəb - Çətin gün olsa da, bir yaxşı cəhəti var - nikbinliyinizi itirmirsiniz. Yaranan problemlərə konstruktiv yanaşmağa çalışırsınız. İşgüzar ünsiyyətlərdə təmkinli olmanız məsləhətdir. Heç bir halda şəxsi və işgüzar münasibətləri qarışdırmaq olmaz.
Bir çox Əqrəblər özlərini eqoistcəsinə aparır və yaxınlarını çox kədərləndirirlər. Xərclərdə sərhəd tanıyın, əntiq, zinət əşyaları və incəsənət əsərləri almaq məsləhət deyil. pulu yalnız biznesinizin genişləndirilməsinə yatıra bilərsiniz.
Oxatan - Bu günü asan və uğurlu adlandırmaq çətindir, amma aradabir işıq ucu görünür. Maraqlı məsələlər meydana çıxır, onların həlli zamanı siz özünüzü yaxşı tərəfdən göstərə bilirsiniz. Hərdən dilinizi saxlaya bilmir, sərt sözlər işlədirsiniz, amma sizi bağışlayırlar: ideyalarınız parlaqdır, planlarınız çox şey vəd edir.
Hər şeyə rəğmən (hətta öz istəyinizə belə) həyatınızda vacib rol oynayan insanı valeh edəcəksiniz. Başlanan romantik münasibətlər ciddi məcraya yönələcək.
Oğlaq - Uğurlu, böyük nailiyyətlər vəd edən gündür. Hansı işə əl atırsınızsa, öhdəsindən əla surətdə gəlirsiniz. Konstruktiv, düşünülmüş hərəkətlər zamanıdır. Ən cəsur planlarınızı həyata keçirə bilərsiniz. Biznesmenlər ciddi proqressə nail olacaq, yaradıcı peşə sahibləri ilhamın yoxluğundan şikayət etməyəcəklər.
İdman, açıq havada istirahət üçün əla gündür. Enerjiniz çoxdur. Dostlarınızla ünsiyyətdən zövq alırsınız. Romantik görüşlər isə, əgər təşkil edərkən bir qədər fantaziyanızı işə salmasanız, iflasa uğraya bilər.
Dolça - Dağları aşıracağınıza əminsiniz. Günün birinci yarısı bu elə belə də olacaq. İşlərdə xeyli irəliləyə bilərsiniz. Bir çox Dolçaların qarşısında yeni peşəkar perspektivlər açılacaq. Amma tədricən müsbət tendensiyaların təsiri öləziyir, odur ki, vacib məsələləri axşama saxlamağın mənası yoxdur.
Günün ikinci yarısı ciddi xoşagəlməzliklər gətirməsə də, həddən artıq yorucu olacaq. Ətrafınızdakılarla münasibətləriniz gərilir. Havada tezliklə ildırım qoxusu duyan kimi siz ani olaraq taktikanı dəyişəcək və münaqişələrdən qaça biləcəksiniz.
Balıqlar - Çox çətin gündür. Tamamilə xoşunuza gəlməyən insanlarla işləməli olursunuz, bu isə emosional vəziyyətinizə ciddi təsir edir. Mənəvi yorğunluğunuz o qədər güclü ola bilər ki, səhhətinizə də təsir edə bilər. Baş ağrıları, yuxusuzluq mümkündür.
Sevdiyiniz şəxslə dil tapmaq çətindir. Sanki özünüz qəsdən münasibətlərinizin ahəngini pozmağa çalışırsınız. Həvəslərinizə yox deyə bilmir, düşüncəsiz hərəkətlər edirsiniz. Uzun müddət ən yaxşı dost hesab etdiyiniz adamla savaşa bilərsiniz.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
və ya öz adınz ilə sayta daxil olmağı məsləhət görürük.