Azərbaycanda dəhşətli qəza: 2 nəfər öldü, 3 nəfər yaralandı

 Daxili İşlər Nazirliyinin rəsmi saytına istinadən verdiyi məlumata görə, noyabrın 14-də saat 18:00 radələrində Ağcabədi rayonunun Aşağı Avşar kəndi ərazisində Ağdam rayon sakini Şükür Şükürovun idarə etdiyi "VAZ-21011", Şuşa şəhər sakiniBakir Hüseynovun idarə etdiyi "VAZ-21099" və Xocavənd kənd sakini Novruz Kərimovun idarə etdiyi "VAZ-21099" markalı avtomaşınlar toqquşub.

Nəticədə xəsarət almış Hüseynov və sərnişinləri - arvadı Sədaqət, oğlu Emin, habelə Şükürov və onun sərnişini Rövşən Quliyev xəstəxanaya yerləşdiriliblər. Bakir Hüseynov və Rövşən Quliyev orada ölüblər, digərlərinin vəziyyətləri isə orta-ağırdır.

Azərbaycanda həkim və müəllimlərin maaşı qaldırılacaq

Samir Şərifov cümə axşamı Milli Məclisdə 2013-cü il və sonrakı üç il üçün dövlət büdcəsinin müzakirəsi zamanı deyib.

"2004-cü ildən minimum aylıq əməkhaqlarının baza hissəsinin on dəfədən çox artımı baş verib, həkim və müəllimlərin əməkhaqları 11 dəfə artırılıb. Gələn il də bu ənənə davam etdiriləcək və maaşlar qaldırılacaq", - Şərifov bildirib.

Nazirin sözlərinə görə, sosial müdafiə bununla bitmir. "Azərbaycanda möhtəşəm sosial layihələr həyata keçirilir, həyat keyfiyyətinin yaxşılaşdırılması istiqamətində addımlar atılır, iş şəraitinin yaxşılaşdırılması ilə bağlı tədbirlər görülür", - Şərifov qeyd edib.

Onun sözlərinə görə, növbəti illərdə dünyadakı vəziyyət izləniləcək və dövlət büdcəsinə neftin qiymətinə dair dəyişikliklər edilə bilər.

"Lakin bizim hesablamalarımızla, dövlət büdcəsinin gəlirlər hissəsinə dəyişikliklər gözlənilmir", - Şərifov deyib.

Nazir qeyd edib ki, son illər dövlət büdcəsi daha çox investisiya yönümlü büdcə olub. "Artıq 2013-cü il büdcəsində əsaslı xərclər 45,8 faiz təşkil edir. Bununla belə, sosial xərclərdə heç bir azalma baş verməyib, əksinə artım görünür", - Şərifov bildirib və əlavə edib ki, uşaq baxçalarında ərzaq xərcləri də artırılıb.

"Tək Bakı şəhərində deyil, ölkənin bölgələrində də bu xərclər artırılacaq. Bununla yanaşı, ayrılan vəsaitin istifadəsinə nəzarət gücləndirilməlidir", - maliyyə naziri deyib.

Şərifov ölkədə şagird-müəllim nisbətinə də toxunub və bildirib ki, Azərbaycanda 8 şagirdə 1 müəllim, Avropa ölkələrində isə 15 şagirdə 1 müəllim düşür.

"Bu səbəbdən müəllim sayının azaldılması vacibdir. Bu problem səhiyyə sahəsində də mövcuddur. Buna görə də struktur islahatları aparmalıyıq ki, vəsaitlər daha səmərəli istifadə olunsun", - nazir əlavə edib.

Onun sözlərinə görə, dövlət büdcəsində ali təhsil xərclərinin artması nəzərdə tutulub, çünki Nazirlər Kabineti dövlət sifarişi ilə təhsil alan tələbələrin adambaşına maliyyələşmə xərclərinin artırılması ilə bağlı qərar qəbul edib.

Azərbaycanda gənc ana 3 yaşlı balası ilə birlikdə öldü -YENİLƏNİB

13:30

Şəmkir rayonunda ana və 3 yaşlı qızı hamam otağında dəm qazından boğularaq ölüblər. 

Hadisəyə səbəb kimi qeyri- standart su qızdırıcısından istifadə göstərilir. Şəmkir Rayon Prokurorluğundan Publika.Az-ın bölgə müxbirinə verilən məlumata görə, hadisə ötən gün baş verib.

Belə ki, Şəmkir şəhər sakini 24 yaşlı Xanım Kamran qızı Məmmədova 3 yaşlı qızı Firuzə Elşən qızı Məmmədova ilə hamamda dəm qazından boğularaq ölüblər. Hadisədən xəbərsiz olan qonşular bir qədər sonra ana və övladının cəsədini aşkarlayıblar.

Şəmkir QİS-in baş mühəndisi Ələddin Hüseynovun verdiyi məlumata görə isə hadisə yerində ilkin baxış keçirilib:

“Müəyyən edilib ki, boğulma hamamda istifadə olunan qeyri-standart sobadan baş verib. Hamam otağında heç bir qaz sızması aşkarlanmadı. Baş vermiş hadisəyə səbəb abonent tərəfindən qeyri-standart su qızdırıcısından istifadə edilməsidir. Biz abonentlərə dəfələrlə xəbərdarlıq etməyimizə baxmayaraq, yenidən bu hallar təkrarlanır”. 

Qohumların bildirdiyinə görə, Firuzə Məmmədovanın sabah doğum günü idi.

Bildirək ki, son bir həftə ərzində Şəmkir rayonunda 3 nəfər dəm qazından boğulub.

 

Faktal bağlı Şəmkir rayon Prokurorluğunda araşdırma aparılır. 

10:34

Şəmkir rayonunda ailə faciəsi olub.

Rayon Prokurorluğundan Milli.Az-a verilən məlumata görə, şəhər sakini 24 yaşlı Xanım Məmmədova və 3 yaşlı qızı Firuzə faciəvi şəkildə ölüblər. Onların meyiti dünən yaşadıqları evin hamamında aşkarlanıb. 

Ana və balanın ölümünə səbəb dəm qazından boğulma ehtimal olunsa da, dəqiq məlumat ekspert rəyindən sonra məlum olacaq. 

Hava isinəcək