13
noyabr
Bu günə olan son xəbərlər [hadisə]
Məhərrəm ayının başlanması ilə bağlı fətva verildi
Qafqaz Müsəlmanları İdarəsinin (QMİ) Qazılar Şurası (QŞ) Məhərrəm ayının başlanması və Aşura mərasimləri ilə bağlı fətva verib.
APA-nın xəbərinə görə, QŞ-nın bu gün keçirilən iclasında qəbul olunan fətvada bildirilib ki, Hicri-qəməri təqvimi ilə 1433-cü il başa çatır. Yeni ilin - 1434-cü ilin başlanğıcı – Məhərrəm ayının 1-i Miladi təqvimi ilə 2012-ci il noyabrın 16-na, Aşura isə Məhərrəm ayının 10-cu günü noyabrın 25-nə təsadüf edir. Fətvada bununla bağlı dindarlara başsağlığı verilib və İmam Hüseyn Əleyhissəlamın və onunla birgə şəhid olan müsəlmanların əzadarlığını İmamın şəninə layiq şəkildə keçirmək tövsiyə olunub. Qeyd olunub ki, mərasimlərdə Kərbəla şəhidlərinin şəninə xütbələr oxunmalı, Vətən uğrunda şəhid olanların xatirəsi yad edilməlidir. Müqəddəs məkanlarda nizam-intizam gözlənməli, qurşağa qədər soyunub, zəncir vurmaqla qan çıxarmaq kimi qınağa səbəb olacaq hərəkətlərə yol verilməməlidir. Əzadarlar özlərinə xəsarət yetirməməli, bunu digərlərinə təlqin etməlidirlər.
Fətvada o da bildirilib ki, son illər təziyə günlərində QMİ-nin təşəbbüsü ilə tibbi ehtiyaclar üçün gerçəkləşən qanvermə aksiyalarının təşkili ən münasib əzadarlıq nümunəsi kimi örnək olmalıdır.
Bakıda məktəbli qız anasını Facebook-a görə tərk edib? - YENİLƏNİB
10:16
Rayon Polis İdarəsindən Milli.Az-a bildirildi ki, 13 yaşlı G.Ə. artıq tapılıb. Azyaşlı polisə bildirib ki, evdən getməsinə səbəb anası ilə dava etməsi olub. Anasından qorxduğundan evdən qaçıb. İki gün qonşuda və həyətlərindəki avtomobil dayanacağında gecələyib. Polis onu dünən taparaq ailəsinə təhvil verib.
Onu da əlavə edək ki, azyaşlının anası polisə şikayətində qızının evdən getməsini Facebook sosial şəbəkəsində apardığı danışıqlarla əsaslandırmışdı.
----------
09:58
Rayon Polis İdarəsindən Milli.Az-a verilən məlumata görə, Aynur Adil qızı Zeynalova 8-ci sinifdə oxuyan qızının evdən getdiyini bildirib.
Binəqədi Rayon Polis İdarəsinin 7-ci polis bölməsinə müraciət edən ana qızının Bakı şəhəri 267 saylı orta məktəbdə oxuduğunu və Moskvada dünyaya gəldiyini bildirib. O, həmçinin qızın gedişinə Facebook sosial şəbəkəsində apardığı danışıqların səbəb olduğunu deyib.
Hazırda faktla bağlı araşdırma aparılır.
Bakıda tələbə qız faciəvi şəkildə öldü - YENİLƏNİB
11:24
Bakının Sabunçu rayonunda baş vermiş bədbəxt hadisə ilə bağlı bəzi təfərrüatlar məlum olub. Rayon Prokurorluğundan Milli.Az-a bildirildi ki, Lalə Əsədova dünən gecə saat 23 radələrində hamamda çimməyə girib. Valideynləri onun hamamdan çıxmamasından şübhələnərək qapını sındırıb və Laləni yerdə huşsuz vəziyyətdə görüblər. Təcili yardım çağırılsa da, artıq gec olub.
L.Əliyeva Bakı Kompüter Kollecinin 2-ci kurs tələbəsi olub.
----------
09:56
Sabunçu Rayon Prokurorluğundan Trend-ə verilən məlumata görə, Zabrat qəsəbəsi, 34 saylı evdə yaşayan 1995-ci il təvəllüdlü Lalə Əsədovanın meyiti hamamda tapılıb.
Onun dəm qazından öldüyü ehtimal olunur.
Faktla bağlı rayon prokurorluğunda araşdırma aparılır.
Bakıda ağır yol qəzası, ölənlər var - YENİLƏNİB
13.11.2012
13:48
Dünən gecə saatlarında baş vermiş ağır yol qəzasının detalları məlum olub. Daxili İşlər Nazirliyinin mətbuat xidmətindən Milli.Az-a verilən məlumata görə, noyabrın 12-də saat 17.00 radələrində Abşeron rayonu ərazisində, Bakı şəhər sakinləri Xosrov Yusifovun idarə etdiyi "QAZ-3110" və Sərdar Bəyməmmədovun idarə etdiyi "VAZ-21074" markalı avtomaşınlar toqquşub.
Nəticədə S.Bəyməmmədov və sərnişini Tural Qasımov hadisə yerində ölüb, xəsarət almış X.Yusifov və sərnişini xəstəxanaya yerləşdiriliblər, vəziyyətləri orta-ağırdır.
----------------
12.11.2012
21:20
Milli.Az-a hadisə şahidlərinin verdiyi məlumata görə, bu gün saat 20 radələrində Sovxoz adlanan ərazidə "VAZ-2107" və "QAZ-21031" markalı avtomobillər toqquşub. Qəza zamanı "07"də olan sürücü və sərnişin dünyasını dəyişib.
Sabunçu Rayon Polis İdarəsi Milli.Az-a faktı təsdiqləyib.
Bildirilib ki, araşdırma aparılır
Azərbaycanda yağış yağacaq, temperatur enəcək
Ekologiya və Təbii Sərvətlər Nazirliyi Milli Hidrometeorologiya Departamentindən Trend-ə bildiriblər ki, Bakıda və Abşeron yarımadasında noyabrın 14-də buludlu hava şəraitinin üstünlük təşkil edəcəyi, arabir yağış yağacağı gözlənilir. Cənub-şərq küləyi axşam mülayim şimal-qərb küləyi ilə əvəz olunacaq.
Havanın temperaturu gecə 7-10, gündüz 11-14 dərəcə isti təşkil edəcək.
Azərbaycanın rayonlarında noyabrın 14-də arabir yağış yağacağı, ayrı-ayrı rayonlarda intensiv olacağı, dağlıq ərazilərdə yağıntıların qara keçəcəyi ehtimalı var. Qərb küləyi əsəcək, gündüz arabir güclənəcək.
Havanın temperaturu gecə 7-10, gündüz 11-15, dağlarda gecə 2 dərəcə şaxtadan 3 dərəcəyədək isti, gündüz 4-9 dərəcə isti olacağı gözlənilir.
Noyabrın 14-ü axşam və 15-i xəzri küləyinin yenidən güclənməsi gözlənilir. Havanın temperaturu iqlim normasına yaxın olacaq.
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.
| Müəllif - VseleNNaya, Baxılıb - 2691, Rəy sayı - 10 , Tarix: 13-11-2012, 15:56 |
Oxşar Xəbərlər:
- Məhərrəm ayı başladı
- Azərbaycana qar yağacaq
- Sabah Bakıda güclü külək əsəcək, yağış yağacaq
- Azərbaycana Qar Gəlir
- Bu günə olan son xəbərlər [Maraqlı]
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Forumda son mövzu | Baxış | Cavab | Müəllif | Sonuncu |
Naviqator
Populyar Xəbərlər
Online
İzləyicilər | (0): |
Ziyarətçilər | (48): |
Botlar | (1): |
Hal-hazırda saytda: 49 |
Xoş Gəlmisiz...(Son Qeydiyyat)
Facebookda biz
Reklam
Son Rəylər
-
Yazan: WilliamVodia
-
Yazan: ZaineaBus
-
Yazan: ZaineaBus
-
Yazan: Raymondabali
-
Yazan: ZaineaBus
-
Yazan: ZaineaBus
-
Yazan: ZaineaBus
-
Yazan: ZaineaBus
-
Yazan: ZaineaBus
-
Yazan: ZaineaBus
Reklam
Sorğu
Azad olunmamış Azərbaycan
Xəbər Müəllifləri
Şərh Müəllifləri
|
Sayğac