Müğənni Elnur "Gangnam style" mahnısını belə oynadı - VİDEO

Dünyanı öz təsiri altına salan məşhur hit müğənnilərimizi də ovsunladı

Qısa müddət ərzində dünyanı öz təsiri altına salmağı bacaran məşhur "Gangnam style" hiti bizim şou-biznes nümayəndələrini də ovsunladı.

ANS PRESS-in məlumatına görə, populyar müğənni Elnur Məmmədov tədbirlərin birində cənubi koreyalı repçinin musiqisi sədaları altında rəqs edərkən kameralara yaxalanıb.

Videonu Buradan izləyin

Rəqsanə Həccə gedir

Yaxın günlərdə Məhərrəmlik ayı başlayır.

Publika.Az-ın məlumatına görə, Rəqsanə toyların olmamasından istifadə edərək Səudiyyə Ərəbistanına gedib. Müxbirimizlə söhbətində müğənni müqəddəs yerlərdən birini ziyarət edəcəyini söyləyib:

“Gedəcəyim yer Məkkəyə yaxındır. Ziyarətgahlardan biridir. Amma Hacı xanım olmağa tələsmirəm. Arzu edirəm. Amma indi spirtli içki olan məclislərə gedirəm. Hacı olmağın qaydaları budur ki, haram işlərdən çəkinəsən. Səhnə geyimlərim, getdiyim məclislər bu qaydalara bəzən zidd ola bilər. Ona görə də, özümə məcburən Hacı adını qazandırmaq istəmirəm” – deyən sənətçi bildirir ki, nə zamansa bu adı daşımağı arzu edir.

“O zaman Hacı xanım olaram ki, səhnədən uzaqlaşım, bilim ki, namazımı qılıram, haram buyurulanlardan uzağam. Bu ziyarətə isə yaxın dostlarımla gedirəm. Ümid edirəm davamlı olacaq” – deyə sənətçi bildirib.

Xalq artistləri qırğına çıxdı

Xalq artisti Səməd Səmədovla müğənni Nadir Qafarzadənin itlərinə toy edib, guya quda olacaqları xəbəri şou-biznesdə qalmaqala səbəb olub.

Artıq xəbərlərlə bağlı müğənni Əli Mirəliyev öz sərt açıqlamasını verib. Bununla yanaşı bir qrup xalq artistləri Səməd Səmədova qarşı çıxıblar. Onlar ölkə başçısına Səməd Səmədovun adının geri alınması üçün müraciət ediblər.

Məsələ ilə bağlı Publika.Az portalına danışan Səməd Səmədov bu hadisənin bir neçə nəfər tərəfindən suni şəkildə şişirdildiyini söyləyib:

"Bu sirr deyil ki, mən xalq artisti adına layiq görüləndə çoxlarının yuxusu qaçmışdı. İndi də itimlə bağlı yayılan xəbərlərdən sonra onların əlinə fürsət keçib. Məndən şikayət edən xalq artistləri kimlərdir? Adlarını açıqlasınlar. Əslində mən bilirəm onlardan birincisi kimdi. Səməddən şikayət etməyə düzəməlli səbəb belə tapa bilmirlər. Görürsünüz ki, itim də onlara maraqlı gəlir. Belələrinə söz tapa bilmirəm"