Türkiyənin ATV telekanalında yayımlanan “Veliaht” musiqi yarışmasında maraqlı anlar yaşanıb.

Axşam.az xəbər verir ki, verilişin iştirakçılarından olan türkiyəli ifaçı Deniz Seki özünə duet ortağı kimi həmyerlimiz Ezonu seçib. 

Cütlük müsabiqədə D.Sekinin “Kop gel günahlarından” mahnısını səsləndirib. 

Türkiyəli müğənni tərəf müqabili kimi Ezoya üstünlük verməsini belə izah edib: 

“Bundan əvvəl müsabiqədə Didəmlə oxuyurdum. Amma o, qəfildən yarışmanı tərk etdi. Özümə “Veliaht” axtarmaq məcburiyyətində qaldım. Üç gün içində bunu tapmaq heç də asan deyildi. Ağlımdan Rafet El Roman keçdi. Ondan məni Ezoyla tanış etməsini istədim. Ezo ilə görüşdük, danışdıq və bu cür maraqlı iş ortaya qoyduq. Özü balaca olsa da, səsi böyükdür”.  

Müsabiqənin digər sənətçi iştirakçıları da Ezonun ifasını bəyənərək, onun özünəməxsus səsi olduğunu bildiriblər. Ezo gecədə münsiflərdən yüksək xallar alıb