Suriya münaqişəsi başlayandan bəri kimyəvi silahların istifadəsi nəticəsində çoxlu sayda dinc sakin qırılıb. Qurbanların əksəriyyəti isə təəssüf ki, qadınlar və uşaqlardır . İstifadəsi qadağan olunan silahın atılmasında müxaliflər, ordu qüvvələrini günahkar saysa da, inkaredilməz faktlar bu hadisənin elə silahlı qruplaşma üzvləri tərəfindən törədildiyini üzə çıxarıb.
Suriyada kimyəvi silahın necə istifadə olunduğu və bunun media tərəfindən hansı üsulla yayımlandığı barədə çox dolğun və ətraflı animasiya hazırlanıb. Kadrlardan görünür ki, iki terrorçu qumbaranı kustar üsulla kimyəvi maddə ilə doldurmaq istəyir. Qeyd edək ki, bu işdə onların səriştəsizliyi xüsusi vurğulanıb.
Kənardan bunu lentə almaq istəyən qərbli jurnalist isə həm ölkəsinin, həm də öz maraqlarından ötrü ona kimyəvi silahı hazırlamaqdan tutmuş, bayraqlarını, geyimlərini dəyişərək Suriya hərbçiləri kimi görünmələrinə, uşaqların üstündə qadın paltarı geyərək necə ağlamalarına qədər göstərişlər verir. Sonda uşaqlar ölür. Jurnalist «dəhşətli» kadrlar alır, müxalif adı altında fəaliyyət göstərən silahlı qruplaşmalar isə dünyaya öz istədiklərini nümayiş edirlər. Digər tərəfdən aşağıda qurulan tamaşanı lentə alan və dünyaya çatdırmaq istəyən həqiqi jurnalist isə alnından vurulur.
Yeri gəlmişkən, Rusiyanın BMT-dəki nümayəndəsi Vitaliy Çurkin 2013-cü ilin yazında Hələb yaxınlığında gedən döyüşlərdə müxaliflər tərəfindən əldəqayırma üsulla hazırlanan və tərkibində sarin maddəsi olan silahlardan istifadə olunduğunu demişdi: «Baş Katibə verdiyim hesabatda təkcə nəticələr deyil, bizim sözlərimizi təsdiqləyən 80 səhifə fotoşəkil, formul və qrafiklər var». Onu da qeyd edək ki, kimyəvi silahların kustar üsulla hazırlanması bu qadağan olunmuş maddələrin müxaliflər tərəfindən istifadəsinin ən bariz nümunəsidir.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.