“Çox narahat oluram...” - Ayan

Müğənni Ayan Babakişiyeva tacik mahnısı ifa edib.

Azad.Az xəbər verir ki, bu barədə ATV telekanalında yayımlanan “Gün keçir” verilişinə qonaq olan sənətçinin özü deyib:

“Yeni hazırladığım mahnı tacik xalq musiqisidir. Sözlərini Xanım İsmayılqızı yazıb. Skripkada məni Səlim müşayət edib. “Yar yar” adlanan bu bəstə çox çətin və məsuliyyət tələb edən bir işin nəticəsində yaranıb. Ümumiyyətlə, mən xalq mahnıları ifa edəndə çox narahat oluram. Onun üzərində elə çalışıram ki, heç bir səhv olmasın. Bunu da ciddi səylə hazırlamışam. Çox yaxşı alındığına inanırıq”.

Aygün Kazımova 18 yaşında - Video

 Hazırda Çingiz Mustafayevin də iştirak etdiyi Yurmala festivalında gənckən Azərbaycanı təmsil edən Aygün Kazımova bu müsabiqə barədə o zamanlar efirə gedən “Dalğa” verilişində danışıb.
Müğənni o zamanlar da aktual olan müsabiqədə 18 yaşında olmasına baxmayaraq, heç bir dəstək almadan iştirak etdiyini bildirib.
18 yaşlı Aygünün gənckən necə göründüyü də bir çoxlarına maralı gələ bilər.
Azad.az həmin görüntüləri təqdim edir.

Səyavuş Aslan Tiflisdə anılıb.

İyulun 29-da Gürcüstan paytaxtındakı Redisson mehmanxanasında Azərbaycan səfirliyinin, ARDNŞ-in Gürcüstan nümayəndəliyinin, AZEBİ təşkilatının və “Dialoq və İnkişaf Fondu”nun təşkilatçılığı ilə Azərbaycanın xalq artisti, görkəmli aktyor Səyavuş Aslanın xatirəsinə həsr olunan anım gecəsi keçirilib.

Azad.az-ın APA-nın Gürcüstan bürosuna istinadən məlumatına görə, tədbiri Heydər Əliyev adına Tiflis Azərbaycan Dövlət Dram Teatrının əməkdaşı Hidayət Hüseynov açaraq Səyavuş Aslanın aktyor yaradıcılığından, Azərbaycan kinematoqrafiya tarixində özünəməxsus dəst-xətti kimi məşhur olan sənətkarlığından və onunla bağlı xatirələrindən, Bakıda oynanılan tamaşalarda onunla dəfələrlə görüşdüyündən, Borçalıya səfərlərindən söhbət açıb, belə tədbirlərin iki dövlət arasında daha da möhkəmlənən mədəni körpü olduğunu bildirib.

“Yol əhvalatı” filmində Mustafa rolunda çəkilən gürcü artisti, Gürcüstanın “Teatr və Kino” teatrının aktyoru olan Vaxtanq Pançulidze Səyavuş Aslanın film çəkilişində ona dəfələrlə kömək etdiyini, təcrübəsini öyrətdiyini, sadə insan olduğunu, ailə vəziyyətinin çətin vaxtlarında ona kömək etdiyini, dünya kinematoqrafiya sahəsində böyük aktyor kimi yer tutduğunu, ailəsinin də onu sevdiyini bildirib.

Anım gecəsində ARDNŞ-in Gürcüstan nümayəndəliyinin rəsmisi Şövqi Mehdiyev Səyavuş Aslanın baş rolda çəkildiyi “Yol əhvalatı” filmində “Zümrüd” rolunda oynayan Həmidə Ömərova və gürcü aktyoru Vaxtanq Pançulidze ilə canlı bağlantı qurub.

“Mən çox xoşbəxtəm ki. 30 ildən sonra görüşdük. Biz onda gənc idik. Çox şadam ki, biz danışırıq. Film kinorejissor Temur Bəşirzadə tərəfindən çəkilib. Səyavuş Aslan aramızda yoxdur, lakin onun çəkildiyi film yaşayır. Bu gün demək olar ki, bu filmin yubileyidir. S Aslan elə bir sənətkardır ki, təmiz ürəkli, mehriban insan kimi həmişə bizimlə olacaq”, deyə H.Ömərova bildirib.

H.Ömərovaya cavab verən gürcü aktyoru V. Pançulidze Həmidə xanımın hələ də cavan qaldığını, yenə də birgə filmlərdə çəkiləcəklərini bildirib: “Mən bizim birgə filmə çəkildiyimiz günləri unutmayacağam. İnanıram ki, yenə yaradıcılıq sahəsində görüşəcəyik. İstər Azərbaycan, istərsə də gürcü filmlərində müxtəlif rollarda oynayacağıq. Mən Tiflisdə teatrda aktyor kimi çalışıram, əvvəllər kinoya çəkilirdim, amma indi nadir hallarda çəkilirəm”.

Sonra “Yol əhvalatı” filmi nümayiş etdirilib.

Gökhan Erol üçün Abbasın fikri önəmli olmadı

Azərbaycanəsilli müğənni Gökhan Erol show.az-a video müsahibə verib.
Gələcək planlarından danışan Gökhan Erol sentyabr ayında yeni mahnılarını təqdim edəcəyini bildirirb və bu ifalarının da hit olacağını iddia edib.
Son günlər Abbas Bağırovla yaşanan söz-söhbətə açıqlama verən müğənni bunu normal qarşıladığını desə də, hirsini gizlədə bilməyib. Video müsahibəni izləyə bilərsiniz.