Röyanın Yeni HiTi

Röyanın növbəti hiti gözlənilir. Müğənninin “Göndər” mahnısından sonra növbəti hiti “Gəmicilər” adlanır. Türk dilində olan bu mahnının da böyük maraq doğuracağı və seviləcəyi gözlənilir. Hal-hazırda mahnı üzərində işlər gedir. Mahnıda dəlisov, dünya aləm vecinə olmayan qız obrazı var. Yaxın günlərdə Röyanın növbəti hiti Azad.Az`da olacaq...

  Elçin Cəfərovun Yeni Klipi

Müğənni Elçin Cəfərov yeni klip üzərində işləyir. “Yadına sal” albomundan növbəti mahnının klipi çəkilişlərinə hazırlıq gedir. Mahnı “Yalanmış” adlanır. Bəstənin sözləri Elməddin Həmidova, musiqisi isə Elçin Cəfərova və Tərlan Məmmədhüseynova aiddir. “Yalanmış” mahnısına klipi Nail Naiboğlu çəkəcək. Elçinin klipində bir çox tanınmış aktyorlar da rol alacaq.

Aygün Kazımovanın yeni lirik mahnısı

Xalq artisti Aygün Kazımova 2013-cü ildə ilk lirik mahnısını lentə aldırıb və artıq mahnı dinləyicilər tərəfindən sevilir. Müğənni ağır lirika ifa edib. “Nə vaxtsa” adlanan mahnı artıq “10lar” verilişində təqdim edilib. Ayrılıqdan bəhs edən mahnının sözləri Leyli İsrafilovaya, bəstə və aranjman isə Hakan Erola məxsusdur. Kövrək mahnıya üz tutan Aygün Kazımova “Bu ayrılıq hər kəsin həyatında yaşana bilər. Amma mahnıda bəhs edən hadisə mənim həyatımda yaşanmayıb çünki mahnıda dünyaya uşaq gəlib üçüncü qəhrəman olaraq”. Xatırladaq ki, Aygün xanımın ifasında hitə çevrilən "Səssiz sinema", "Sən artıq mənimsən" mahnısının müəllifləri də Hakan Erol və Leylidir. Yeni rep ortağı Snop Dogg ilə çalışmağı planlaşdıran xalq artısti bir çox ilklərə imza atmağa hazırlaşır. Hal-hazırda işlə bağlı Türkiyədə olan müğənnidən yeni xəbər var. Ad gününün ayın 26-da olmağına və Bakıdada qeyd etməyinə baxmayaraq, bu gün də özü üçün doğum günü qeyd edib. Bundan başqa, xalq artisti Türkiyə mediasına da dünya layihəsi barədə müsahibə verib.

Röya Bizim “Maqazinləri” Bəyənmədi

Hal-hazırda Bakıda ailəsinin yanında olan Röya Ayxan Türkiyəyə növbəti gedişində Türk maqazinlərinə çıxacaq. Müğənni “10LAR” verilişinə müsahibəsində bildirib ki, “Maqazin verilişləri orda tam fərqlidir, qalmaqalsız keçir. Yoxsa burdakı kimi deyil. Gedirəm ora dincəlirəm, gəlirəm bura, hamı yenə məndən danışıb”.