Flora Kərimova: "Belə bir gündə ad günü qeyd edə bilmərəm" 

O yerli telekanallardan birinə açıqlamasında ad gününü qeyd etməyəcəyni deyib. Çünki həmin gün Ağdam rayonunun işğal olunduğu gündür. 

"Belə bir gündə şənlik etməyə mənəvi haqqım çatmır", - o qeyd edib.

EMİL BƏDƏLOVU BOŞATMAQ İSTƏYƏNLƏR TAPILDI 

Bu yaxınlarda yerli kanalların birində efirə start götürəcək yeni maqazin proqramlarından biri özünə reytinq qazanmaq xatirinə müğənni Emil Bədəlovla bağlı absurd və çirkin xəbəri anons etmək niyyətində olub. Müğənninin heysiyyatına toxunan proqramın yaradıcı heyəti onun haqda “Emil Bədəlov boşanır!” xəbərini anons etmək istəyib. Bundan xəbər tutan müğənni dərhal yaradıcı heyətlə əlaqə saxlayaraq yalan xəbərə görə iradlarını bildirib. “Mən xoşbəxt və gənc ailəyə sahibəm. Boşanmağımla bağlı yalan xəbəri camaata çatdıran adam gərək o qədər vicdansız olsun ki, bunu edə bilsin. Məni o verilişə çəkərkən bu sualı mənə verəndə, o dəqiqə anladım ki, özlərindən uydurub reytinq qazanmaq istəyirlər. Elə çəkiliş zamanı onlara bildirdim ki, belə bir xəbər yayılmayıb, özünüzdən uydurmusuz. Üstəlik, xahiş də etdim ki, bu yalan xəbər şişirdilməsin. Bir də eşidirəm ki, utanmadan verilişin anonsunda bu barədə xülasə vermək istəyirlər. Çox əsəbləşdim və həmən telefon açıb öz narazılığımı bildirdim. Verilişlərdə bu cür iftiraların tamaşaçılara ötürülməsi ordan irəli gəlir ki, bunu edən adamcıqlar özləri həm vicdansız, həm də işlərində naşıdırlar”. 

Röya duet ortaqlarıyla şou göstərəcək 

 Konsertin piar-meneceri Türkan Məmmədlinin verdiyi məlumatına görə, "Buta Palace"da keçiriləcək konsertdə Röya Aqutinlə birgə tamaşaçılara unudulmaz şou nümayiş etdirəcək. 

Konsertdə Röya səhnəni tək Aqutinlə deyil, bir neçə il öncə duet ifa etdiyi müğənnilərlə böləcək. Samira Allahverdi, Elşad Xose və Samir Cavadzadə kimi həmkarlarını səhnəyə dəvət edən Röya köhnə repertuarına da müraciət edəcək.

Saat 21:00-da başlayacaq konsertdə bir çox sürprizlər gözlənilir

   Azərbaycanın məşhur müğənnisi çox uzağa yollanır 

Azərbaycanın xalq artisti Nazpəri Dostəliyeva iyulun 23-də ailəsi ilə birlikdə Maldiv adalarına istirahətə gedəcək.

Bunu sənətçinin prodüseri Mikayıl Hüseynov deyib.

"İstirahət 10 günlükdür. Səfərdən qayıdan kimi Nazpəri xanım yeni mahnılarını sevənlərinə təqdim edəcək. Xalq artistini yeni imicdə görəcəksiniz. Sentyabrın 15-dən o, efirə çıxmağı planlaşdırır. İlk efiri isə 7 illik fasilədən sonra ən baxımlı və reytinqli verilişlərin birində olacaq. Eksklüziv olaraq Türkiyənin məşhur şairi Meliha xanımın yazdığı mahnısını da təqdim edəcək", - M.Hüceynov söylədi.

  Aygün Kazımova: "Məni iki yerə bölür..."

Aygün Kazımova etiraf edib ki, bir də heç vaxt ərə getməyəcək. Müğənni hesab edir ki, onun şəxsi həyatı yoxdur

 Azad.Az Day.Az saytına istinadən xəbər verir ki, Aygün Kazımova bu barədə yerli telekanallardan birinə bildirib.  

"Mən yalnız öz yaradıcılığımı sevirəm. Aşiq olanda sevgi məni iki yerə bölür. Bu zaman mənim üçün çox çətin olur. Tədricən hiss edirəm ki, şəxsi həyatıma görə səhnədən uzaqlaşıram. Buna görə də mənim şəxsi həyatm mənim yaradıcılığımdır", - o əlavə edib