Zülfiyyə: “Röya mənə sübut etdi ki...”

Xalq artisti Zülfiyyə Xanbabayeva müğənni Röyanın ünvanına təriflər yağdırıb. 

 Müğənni ATV telekanalında yayımlanan “Onlar” verilişinə açıqlamasında Röyanın əsl dost olduğunu deyib: 

“Sənət aləmində tək-tük dostlar var. Bunlardan biri də Röyadır. O bunu sübut etdi. Mən onun yaxşı dostluğunun şahidi oldum”. 

106.3 FM-də yayımlanan “Muleyli” şousunda bir araya gələn Zülfiyyə Xanbabayeva, Röya və Miri Yusif "İlin mahnısı" seçilən “Dostum”dan da danışıb. 

Röya radio tərəfindən keçirilən müsabiqədə həmkarLarının duetinin qalib olmasına sevindiyini bildirib: 

“Ötən il bu müsabiqədə mənim “Gizli sevgi” mahnım birinci oldu. Bu il isə "Dostum" qalib gəldi. Xoşbəxtəm ki, “Milli dalğa” mükafatını milyonların sevgisini qazanan, birinci seçilən “Dostum” duetinin sahiblərinə, iki doğma insana - dostlarıma mən təqdim edirəm”.

Röya: “Mən anayam, belə şeyləri fikirləşməliyəm"

Müğənni Röya Ayxan solo konsertinin ilk günü üçün bilet satışını ləğv edib. 

Sənətçi bu haqda “Onlar” verilişinə açıqlamasında deyib. O, yanvarın 29-da baş tutacaq konsertinin biletlərini pulsuz paylayacağını deyib: 

“Konsert yanvarın 29-30-31-də baş tutacaq. İlk gün bilet satışlarını ləğv etmişəm. Oraya Azərbaycan uğrunda çalışan dövlət orqanlarının işçilərini dəvət edəcəyəm. Burada gəmiçilər də olacaq. Həmin gün qeyrətli qızlarımız, oğullarımız üçün çıxış edəcəyəm. Mən anayam, ona görə də bu cür şeyləri fikirləşməliyəm. Bəzən sual verirlər ki, konsertdə nələr olacaq? Əslində, gözəl musiqi duyumu olan gəlib orada ancaq qulaq asmağa üstünlük verməlidir. Xarici ulduzlar gəlib quru mahnı oxuya bilər, bu, qəbul edilir. Amma məndən şou tələb olunur. Bunu da verməliyəm”. 

Röya mayda daha bir konsert verəcəyini bildirib: 

“Hazırda evimdə konsert məşqlərini edirəm. İki maraqlı şou fikirləşmişəm. Onlardan birini bu konsertdə göstərəcəyəm. İkincini isə mayda verəcəyim konsertə saxlayıram”.