Bir gün mənsiz qalsan əgər,
Ürəyini sıxsa kədər,
Səhər-axşam axşam-səhər
Ağlama gülüm ağlama.

Xəzan vurmuş yarpağam mən,
Sısqa axan bulağam mən,
Quşu uçmuş budağam mən,
Ağlama gülüm ağlama.

Yazında ilkin yağışam,
Üzündə odlu baxışam.
Gözlərində donan yaşam,
Ağlama gülüm ağlama.

Yaraşmır sənə ağlamaq,
Başına qara bağlamaq,
Sevən qəlbləri dağlamaq,
Ağlama gülüm ağlama.

Çəməndəki çiçəyə bax 
Eyvandakı dibçəyə bax
Səni sevən ürəyə bax 
Ağlama gülüm ağlama

Bu dünyanın hər üzü var,
Həm qulağı,həm gözü var,
Gecəsi var gündüzü var 
Ağlama gülüm ağlama

Hicran bir il, beş il deyil,
Həvəs deyil,meyil deyil,
Bu dünya son mənzil deyil,
Ağlama gülüm ağlama

Ürəyi pak insanlarıq,
Yox olsaqda yenə varıq,
Biz haqqa qovuşanlarıq,
Ağlama gülüm Ağlama!

                                                                                                              İmza: Amin Kerimov