AZAD AZƏRBAYCAN
Azad Azərbaycan.

Azadlığını sevənlərin azad saytı



Sənin Azad Musiqi Dünyan...

Music.Azad.Az. Bölmə Azad Azerbaycan.

Röya Ayxan - Sənə Ehtiyacım Var [FuLL Albom]

[Albom yüklə]. Bölmə Azəri Mp3.

Aygün Kazımova - Səni belə sevmədilər //2015

[Mp3 Yüklə] . Bölmə Azəri Mp3.

Burak Özçivit ~ Vogue Men

[Fotosessiya] . Bölmə Şəkillər.

Adriana Lima walks for Desigual at

New York Fashion Week. Bölmə Fashion .

Dillərə düşəcək bir Sevdam var...☜♡

Sevgi Sözləri. Bölmə Sevgi.

Əlhəmdülillah, səni Sevdirəni sevirəm....

Yolumuz İslam.... Bölmə İslam.

Həftənin ən yaxşı qolları - VİDEO

Video izlə. Bölmə Idman.

  • Music Azad.Az
  •  Röya-Göndər
  • Mətanət İsgəndərli - Gəl xoşbəxt olaq
  •  Günel - Divanə
  •  Evli, Mutlu, Çocuklu ツ
  • Dəb\Fashion | Qadın dünyası
  • Yolumuz İslam...
  • Sevgi - Romantika
16 sentyabr
Röya: "Hər şeyi Röya adına, özüm üçün edirəm"

 

Müğənni Röya Ayxanın “Qafqazinfo”ya müsahibəsi:

- Türkiyə şou-biznesinə qoşulan müğənnilərimizin əksəriyyəti müvəffəqiyyət qazanmadı. Röyanı orada sevdirən nə oldu?

- Mən də sizə belə bir sual verirəm. Hansı müğənni Türkiyə şou-biznesinə normal şəkildə qoşuldu və sevilmədi? Gəlin? kişi kimi danışaq. Belə də yazın. Mən gedib gələnə kimi kim gedib yaxşı pul buraxıb mahnı yazdırdı? Musiqinin dili yoxdur, biz ingilis dilində başa düşmürdük, amma sevə-sevə Maykl Ceksona qulaq asırdıq. Mənə dostlarım həmişə deyirdi səs tembrin türklərə yaxındır, başqalarını qəbul etməmələrinə baxmayaraq səni sevəcəklər. Fikirləşdim ki, bu işə başlayacam, müğənni, jurnalist tayfasının mənə olan münasibətinə baxacam, əgər məni bəyənib sevsələr, işimi davam etdirəcəm. Ona görə “Göndər” mahnısını və klipini hazırladım. Yerimdə addımlamaqdansa, yeni işə imza atmağı üstün tutdum. Özümü çox üstün və ağıllı qadın sayıram. Mən hər qızın etmədiyi və edə bilmədiyi işləri görürəm, arzuları həyata keçirirəm. Mahnı efirə gedəndən sonra türklər məni sevdi, mənə gözəl sözlər dedi, o zaman başa düşdüm ki, mən doğru addım atıram. Münasibətimin necə olmasından asılı olmayaraq buradan gedən müğənniləri dəstəkləyirəm, onlar da bizimkidir, onların dırnağını başqa millətə dəyişmərəm. Əvvəl bizim haqqımızda türklər pis fikirləşə bilərdilər, çünki formalaşmamışdıq, inkişaf etməmişdik. İndi haqqımızda çox gözəl fikirdədirlər, bizi çox sevirlər. Türkiyədə bu sənətə pul buraxanlar fikirləşməsin ki, orada bizi sevmirlər, işləri alınmayacaq. Artıq biz onların sənətçilərini qəbul edirik, onlar bizi qəbul edirlər. Mən kiməsə acıq vermək, kimsə edib ondan sonra edim, kimsə etməyib ondan öncə edim deyə türk şou-biznesinə qatılmamışam. Hər şeyi Röya adına, özüm üçün edirəm, Azərbaycan adına işləyirəm, məni başqa heç kim maraqlandırmır. Orada deyirlər “Bu nasıl ses?”, “Bu nasıl kadın?” , qürur hissi keçirirəm və düşünmürəm ki, orada məni pul baxımdan da aldatmayıblar.


-Bəzi müğənnilər gedib ziyana düşür. Türkiyə şou-biznesinə sərf etdiyiniz pulu qazana bildinizmi? Röya ziyana düşmədi?

- Mənim sənətimə buraxdığım pul Azərbaycanda dövr edir. Yaxşı oğul istəyirəm ki, birinci öz vətənində qalxsın. Öz vətənimdə hər şeyi etdim, bir çalışqan qadın, övlad, ana kimi başqa yerlərdə də tanınmağa haqqım var. On gün sonra bütün işlərə start veririk. Bir il mahnılar hazırladıq, hal-hazırda G&¨lşəndən mahnı hazırlanır, Əflatundan aldığım mahnı artıq startdadır, Gökhan Təpədən, İsgəndər Paytaşdan mahnı olacaq. Artıq oradakı sevgini gördükdən sonra dayanmayacam.

- Orada sizi “Azərbaycanın Rihannası” adlandırdılar, ona bənzətdilər.

- Bu adı normal qarşıladım. Məni Rihannaya bənzədən jurnalistlərlə görüşdüm və onlara dedim ki, bilirsiniz Rihannanın yaşı mənim yaşımın yarısı qədərdi. Hər müğənninin öz ifa tərzi, öz stili var. Sadəcə onlar Azərbaycandan mənim kimi müğənni, qadın gözləmirdilər, şoka düşmüşdülər. “Göndər” klipim çəkiləndə dedilər qorxmursan bunu efirə verməyə, söz-söhbətlər artacaq. Rejissorla danışanda dedim ki, sənə imkan yaradıram elə bir klip çək ki, tam gözəlliyi göstər, incəsənət qurban tələb edir, nə qədər açıq çəksən də insanlarla təmasımı yaxınlaşdırma, məni ucuz bilməsinlər, bahalı bilsinlər, yaxından görsələr də, əlləri çatmasın və biz bunu bacardıq. Rejissor dedi ki, sizdə silikon deyilən bir şey yoxdur, ayaqdan tutmuş sinənə qədər çəkib göstərməliyəm. Kim nə deyir desin şou-biznesdə açıq-saçıq geyinmək məndən başqa heç kimə yaraşmır.


- Bəlkə, xalq artıq sizi belə qəbul edib.

- Düşünmürəm ki, məni açıq-saçıq geyimlə qəbul edirlər. Sadəcə mən paltarı təqdim edə, üzərimdə daşıya bilirəm. Əsəbiləşib söyüşlə dava edirəm. Başqası mənim kimi edəndə düşünürəm ki, vay bunda nə pis çıxdı? Çox sevinirəm ki, Vaqif Gərayzadə kimi sənətdə atam olub, ona görə mən çox ağıllıyam. Həyatda səhvlərim çox olub, Allaha qurban olum, səhvlərimə görə özüm cavab verəcəm, nə sən, nə internetdə oturub məndən yalan yazanlar, təhqir edənlər, adlarını, özlərini gizlədənlər mənim əvəzimə cavab verməyəcək. Mən görün necə işlər görürəm ki, onlar ata-analarının qoyduğu adlardan keçirlər.

-Sizin ailə həyatınız tamaşaçılara maraqlıdır. Sosial şəbəkədə həyat yoldaşınızın “Boşandıq” zarafatı da söz-söhbətə səbəb oldu.

- Yeni ailə quranda belə söz-söhbətlərə görə dava düşürdü. İndi ikimizdə oxuyub gülürük. Əvvəllər boşanmaq sözündən qorxurduq, artıq qorxmuruq, ailə üçün bu faciədir. Hər hansı dava düşsə, bezsəm, gedib boşana bilərəm. Bu vəziyyəti camaat yaratdı, artıq boşanma söhbəti adiləşib bizim üçün. Bu ailə üçün yaxşı şey deyil. Ailəm haqqında çox danışmaq istəmirəm, sonra müzakirə obyektinə çevrilirik.

- Müsahibələrinizin birində bildirmisiniz ki, yoldaşım dedi “Göndər” klipi efirə getsə, səni boşayacam.

- Anar klipin kadrlarını görmüşdü və dedi efirə getsə, səni boşayacam. Hamı mənə xəbərdarlıq etdi. Dedim gözləyin, mən hər şeyi necə dəlisov və fərqli edirəmsə, bu işim də alınacaq. Mən bütün sənətçilərə uğurlar arzulayıram, əziyyət çəkirik. Bu sənətdə acığa iş görənlərə də sözüm var. Allah acığı sevmir. Mənə acığa iş görmək düşmür, bunu yanımda çalışanlar da, yanımdan gedənlər də bilir. On beş gün oxumasam, bu millət məni unudacaq. Ona görə yaxşı işlər görüb, yadda qalmalıyıq.

 

 


- Röya ana olandan sonra dəyişdi.

- Sən anasan?

- Xeyr

- İnşallah ana olarsan bilərsən. Mən böyümüşəm, kim ana olursa, mənim kimi olur, amma dəyişməmişəm. Yenə əvvəlki kimi çılğın və şıltağam, deyib-gülməyimdən, zarafatımdan qalmaram, mırtlarım öz yerindədir (Gülür).


- Övladınıza yetərincə vaxt ayıra bilirsinizmi?

- Övladıma normal vaxt ayıra bilirəm. Burada dərsə gedir, ona görə onu Türkiyəyə apara bilmirəm. Amma çalışdığım qədər övladımla birlikdə vaxt keçirirəm.

- Sentyabrın 27-si konsert verəcəksiniz. Tamaşaçıları konsertdə nələr gözləyir?

-Tanınmış otellərin birində 1 saatlıq çıxış edəcəm, daha sonra DJ səhnəyə çıxacaq. Orada beş nəfər musiqiçi ilə performans göstərəcəyik. Heydər Əliyev adına sarayda verəcəyim konsertin məşqi sayılacaq. O konserti dekabrda verməyi düşünürəm. İstəyirəm o konsertdə xarici ölkələrdən də dostlarım olsun, başqa musiqiləri də təqdim edim, buna hazırlaşıram. O qədər işlərim olur, deyirəm bunu edim konsert verim, sonra fikirləşirəm o biri işimi edim konsertdə təqdim edərəm. Disk üzərində işləyirəm, altı aydı mahnılarımı radiolara vermirəm, hamısını disk üçün saxlamışam.


- Türkiyədən sonra hansı ölkənin şou aləminə qatılmağı düşünürsünüz?

- Vaqif Gərayzadə düşünür ki, mən ruslar üçün tembr baxımdan çox maraqlı olaram. Yaltada “Söylə” mahnısını ifa etmişdim, çox maraqla qarşılamışdılar. Orada işə Valeri Miladze ilə başlamaq istəyirəm.

- Ötən həftə yeni “Çarəsiz xəstəlik” mahnınızın sözləri üstə dava düşdü. Bu haqda məlumatınız var?

- “Çarəsiz xəstəlik” mahnısının sözləri Leylinin, musiqisi Pərviz Mahmudovundur. Söz yazarlarının arasında internetdə söz-söhbət olur. Mən qarışmıram. Bu yaxınlarda Abbas Bağırovdan “Dastanlar yazalım” adlı mahnı götürmüşəm. Sözləri Abbasa və Nurullah Çaçana, musiqisi Abbasa məxsusdur. Sonra bildim ki, Ramal İsrafilov da oxuyub, amma albomuma salacam.

- Bir müddət əvvəl Hüseyn Abdullayevin mahnısını ifa edəcəyinizi bildirdiniz. Amma sonra mahnıdan xəbər çıxmadı?

- Mən vasitəçiyəm, necə ki, sən mənimlə xalq arasındakı vasitəçimsən. Kim yaxşı mahnı yazarsa, o mahnını oxumasam ölərəm. “Sənə görə” mahnısından sonra yaxşı mahnı təqdim etməyib, etsə oxuyacam.


- Gənc müğənnilərdən Röya kimləri bəyənir?

- Mən ad çəkməkdən çəkinmirəm. Təzə-təzə oğlanlardan qardaşım xoşuma gəlir. Qardaşım olduğu üçün demirəm, bu qədər insanın əlindən tutdum, bilmirdim qardaşımın o cür səsi var, bu yaxınlarda İsmayılı təqdim edəcəm, şou-biznes hazır olsun. Günay İbrahimli ilə yaxın dostdurlar, gəncdirlər, bir-birilərinə kömək edirlər. İsmayılın “Şarm” qrupu ilə fotosessiyası olub, eşidəndə ki, Günay ona kömək edib çox sevindim. Gənc ifaçıları çox bəyənirəm, amma çox ucuz, bir aylıq mahnı oxuyurlar. Halbuki, çox gözəl səs tembrlərı var. Əvvəl biz çabalayırdıq, mənə qızıl hədiyyə verirdilər, lombarda qoyurdum, gəlib Faiq Sücəddinovdan mahnı alıb oxuyurdum ki, repertuarımda olsun. Bir dəfə Eldar Mansurovdan mahnı istədim. Elə qiymət dedi ki, düşündüm bu pulu heç vaxt qazana bilmərəm. Mənəm, İradədir, Tünzalədir birlikdə səhnəyə çıxan insanlarıq. İndikilər bir aylıq mahnı oxuyurlar. Ona görə adlarını çəkmək tezdir. Mənim adımı çəkən olmayıb, hətta indi də risk edib çəkmirlər, düzünü deməyə qorxurlar.

- Röya hər zaman ürəyində olanı dilə gətirib. Bəlkə, Röyanı xalqa sevdirən mahnılarından əlavə bu səmimiyyətidir?

- Məni sevirlər, səbəbini bilmirəm. Məni sevsinlər, əziyyət çəkən, bütün normal və anormal çətinliklərə dözən qızam, həm kişiyəm, həm qadınam, işçilərim var, maaş, çörək verirəm, elə belə insan sayıla bilmərəm.

 
- Prodüserlər mərkəzi açmaq istəyirdiniz. Bəs necə oldu?


- Prodüserim Kənana dedim xəbər yay, kim prodüser olmaq istəyir müraciət etsin. Səksən nəfər gəldi, yetmiş doqquzu dedi nə qədər qazanırsınız, onları maraqlandıran pul idi. Bir nəfər isə artıq bizlə çalışır, adı Timadır, saytlarımı o açır, onu hazırlayırıq. İstəyirəm ətrafımızda yaxşı qızlar, oğlanlar olsun. Şou-biznesdəki bütün yaxşı işçilərə mən dərs keçmişəm. Onlar orada-burada başlarını girləyir, deyirlər mən filankəsə görə adam olmuşam. Onlar qınından çıxıb, qınını bəyənmirlər. Kiminin adını, kiminin stilini dəyişdirmişəm, bütün yolları öyrətmişəm. Bunları dansalar Allah onlara qənim olar, elə danan vaxtlarda da qənim olur.

 


- Geyimlərinizi seçərkən nələrə diqqət edirsiniz?

- Geyimləri özüm alıram. Bir balaca fanatım vardı, indi böyüyüb stilimi bilir. Ona zəng vururam, deyirəm dükana nə gəlib göndər. O da fəsilə uyğun ala biləcəyim paltarları göndərir. Ayağımdakı ayaqqabını heç kim düşünməz ki, mən geyinərəm. Ayaq ölçüm 38-dir. Bu ayaqqabı 37-dir, güclə geyinib böyütmüşəm. Hər stili sevirəm, ona görə qarderobumda hər cür paltar var.

- İstər media əhlinə, istər haqqında şayiə yayanlara, yazanlara son sözün nədir?

- Mənim onlara heç vaxt son sözüm olmayacaq. Çünki onların da əvvəli və axırı yoxdur. Nə qədər əlimdə mikrafon var, səsim gəlir, onlar da həmişə olacaqlar. Boş yerə özlərini yorurlar, məni heç nə ilə durdura bilməyəcəklər. Başqa işlə məşğul olsun

Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.
| Müəllif - LM_Roya, Baxılıb - 3594, Rəy sayı - 6 , Tarix: 16-09-2013, 20:48 |
 (səslər: 4)

LM_Roya, Femina, RaylaDaha 1 Nəfər Bunu Bəyənir.

Oxşar Xəbərlər:


17 sentyabr 2013 19:08
Rəyləri: 831
Xəbərləri: 1

Medalı Yox:(
(ړײ) DamLa (ړײ)
hm maraqli xeber idi


| | | 
Sevinc Xanım Bunu Bəyənir.
16 sentyabr 2013 22:51
Rəyləri: 2848
Xəbərləri: 38

Medalı Yox:(
BiTaaaNEM
Roya sen etsende sevilirsende bax onemli olan budu..
men sesine awiqem)) can


| | | 


--------------------
16 sentyabr 2013 22:13
Rəyləri: 1715
Xəbərləri: 2170

Medalı Yox:(
LM_Roya
♥♥♥

Hər şeyi Röya adına, özüm üçün edirəm, Azərbaycan adına işləyirəm, məni başqa heç kim maraqlandırmır. Orada deyirlər “Bu nasıl ses?”, “Bu nasıl kadın?” , qürur hissi keçirirəm və düşünmürəm ki, orada məni pul baxımdan da aldatmayıblar.

Sən hər şeyi bizim üçün edirsən! Bizləri heyran edən səsin olmasa, özün olmasan şou-biznes maraqsız olar! Sən cansan! girl_in_love

Həyatda səhvlərim çox olub, Allaha qurban olum, səhvlərimə görə özüm cavab verəcəm, nə sən, nə internetdə oturub məndən yalan yazanlar, təhqir edənlər, adlarını, özlərini gizlədənlər mənim əvəzimə cavab verməyəcək.

Bəli, nə etmisənsə, hansı həyatı seçmisənsə şəxsi işindi, heç kim heçnə deyə bilməz! Bəzi boşboğazlar varki səni müzakirə etməkdən bezmirlər. Sən qadınlığınla nə qədər əziyyət çəkmisən, nə qədər çətin yollardan keçmisən. Hər şeyi ANAn üçün etmisən. give_heart
Səni özün olduğun üçün, o şirin, sevilən səsin olduğu üçün sevirəm! Sən mənim Röyamsan! Kim nə danışır danışsın, sənə sevgimi bir azda olsa azalda bilməzlər! can


♥ Röyalarımın Röyası ♥


| | | 


--------------------
16 sentyabr 2013 21:10
Rəyləri: 3535
Xəbərləri: 426

Medalı Yox:(
R.A
Makiyajsiz geweng gorsenmir Fikirles

Məni heç nə ilə durdura bilməyəcəklər. Başqa işlə məşğul olsun.


Belkede ozunu cox terifleyir..Ama ozunu yox mahnilarini sevirem... good


| | | 
16 sentyabr 2013 21:04
Rəyləri: 5075
Xəbərləri: 179

Medalı Yox:(
Afrodita
Xebere gore twkler


| | | 
16 sentyabr 2013 20:54
Rəyləri: 831
Xəbərləri: 1

Medalı Yox:(
(ړײ) DamLa (ړײ)
us can gozelim can yenede ugurlar gozelim,


| | | 
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.

Forumda son mövzu Baxış Cavab Müəllif Sonuncu

Populyar Xəbərlər
    Online
    İzləyicilər (0):
    Ziyarətçilər (54):
    Botlar (3):
    Hal-hazırda saytda: 57
    Günlük İzləyicilər
    Facebookda biz
    Reklam




    Son Rəylər
    
    Reklam
    Sorğu
    Azad olunmamış Azərbaycan
    Xəbər Müəllifləri
    Şərh Müəllifləri
    ZaineaBus
           Yoxdur
    Şərhlər: 81
     
    Teddysfew
           Yoxdur
    Şərhlər: 66
     
    MilesSible
           246435266
    Şərhlər: 3
     
    Jessicared
           141338324
    Şərhlər: 1
     
    MariaMub
           341747638
    Şərhlər: 1
     
    Sayğac