Məlum olduğu kimi, mayın 10-da Azərbaycanda artıq neçə illərdir Gül bayramı kimi qeyd edilir. Qeyd edək ki, bu gün Heydər Əliyevin doğum günü ilə üst-üstə düşdüyü üçün bayram dövlət səviyyəsində keçirilir. Bakı Şəhər İcra Hakimiyyəti bu işdə təşkilatçı mövqeyində çıxış edir. Şəhər meri Hacıbala Abutalıbovun açıqlamasına görə, bu il Bakıya 250 ton gül gətirilib ki, bu dəfə ötən ilkin 2 dəfə çoxdur.
ötən ilkindən fərqli olaraq bu il Heydər Əliyev Sarayının qarşısındakı parkda xüsusi dekorasiyalar hazırlanıb. Bu dekorasiyalara Azərbaycanın tarixi abidələri – Mömünəxatun türbəsi, Qız Qalası, Şuşa Qalasının giriş qapısı və sairlər daxildir.

Qeyd edək ki, dekorasiyaların bəzədilməsində xaricdən də mütəxəssislər cəlb olunub. Hazırda xarici mütəxəssislərlə birgə Gül bayramının keçiriləcəyi parkda 200-dən çox işçi çalışır. Günün isti saatlarına baxmayaraq, işlər fasiləsiz olaraq davam etdirilir. Ərazidə polislər və təcili yardım xidməti keşik çəkir.