Lazım olan ərzaqlar:
Əla növ un - 600 q.
Əridilmiş yağ -150 q.
Qaymaqlı süd - 200 q.
Yumurta - 3 əd.
Duz - 5 q.
Maya - 20 q.
İç üçün:
Qoz ləpəsi və ya fındıq ləpəsi, yaxud badam ləpəsi - 500 q.
Şəkər - 500 q.
Vanilin - 0.05 q.
Zəfəran - 1 q.
Hazırlanma qaydası
Xəmir mayasını 25-30-yə qədər qızdırılmış qaymaqlı süddə əridirlər, azacıq duz vururlar. Bir qaba un tökürlər, ona maya vurulmuş süd, çiy yumurta, əridilmiş yağ qatıb, bərk xəmir yoğururlar və üstünü örtüb 1-1.5 saatlığa isti bir yerə (30-35 C) qoyurlar. Xəmirdən kündələr düzəldib, 0,5 mm qalınlıqda yayırlar. 2 mm qalınlıqdakı yuxaların birindən başqa bütün yuxaların bir üzünə azca qızdırılmış kərə və ya ərinmiş yağla yağlayırlar. 2 mm qalınlıqda olan yuxanı yağlı üzü yuxarü olaraq siniyə salırlar. Xəmirin üstünə 3-4 mm qalınlıqda iç səpirlər.
İçin hazırlanması: Şirin badamın ləpəsini qaynar suya tökürlər, qabığı asanlıqla çıxana qədər (5-8 dəqiqə) pörtürlər, qabıqdan çıxarıb azacıq qurudaraq xırda gözlü badam 1:1 nisbətində şəkərlə qarışdırırlar.
Badam olmadıqda fındıq, qoz da götürmək olar. Fındıq, qozun içini tavada o vaxta qədər qovurlar ki, onun nazik qabığı asanlıqla çıxsın, lakin yanmasın. Fındıq, qoz ləpəsinin qabığını cod dəsmal arasında sürtməklə çıxarır, sonra badam kimi maşında çəkib, 1:1 nisbətdə şəkərlə qarışdırırlar. Fındıq ləpəsinin keyfiyyəti badamdan aşağı olur. İçin üstündən 0,5 mm naziklikdə yuxa salıb, yenə iç səpirlər. Bu əməliyyatı yayılmış yuxalar qurtarana kimi təkrar edirlər. Axırıncı yuxanı yağlamadan salırlar və əllə yüngülcə basaraq sıxlaşdırırlar. Sonra bu qat-qat xəmiri elə doğrayırlar ki, 10 sm uzunluqda və təxminən 4-4.5 sm enində romb şəkilli paxlavalar alınsın. Paxlavaların üzünə zəfəranla qarışıq yumurta sarısı sürtülür. Sonra hər rombun ortasına yarım dənə fındıq və ya püstə ləpəsi basırlar və paxlavanı sinilərdə istilik buxarına qoyub, qızarıncaya qədər bişirirlər. Sonra üstünə qənd və ya balla yağdan hazırlanmış qatı şirə gəzdirirlər və yenə 5-6 dəqiqəliyə istilik buxarına qoyurlar. Sonra paxlavanı çıxarıb soyudurlar və üsulluca doğrayıb boşqaba yığırlar.
P.S Hər il novruza yaxın bu xəbər yenilənib aktiv olunacaq. Bilməyənlər baxın, öyrənin... =)
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.