"Xalq ulduzu" mahnı müsabiqəsinin favorit iştirakçılarından biri kimi tanınan Gülay Zeynalova (Qədirova) Azərbaycan şou ulduzlarının əksəriyyətinin idman məşqçisi kimi tanınan Kamil Zeynalovla olan nikahı barədə danışdı.

"Həyat yoldaşım bu günədək mənə heç bir qadağa qoymayıb. Çünki buna heç bir ehtiyac yoxdur. Mən öz həddimi bilirəm. Bu günədək Kamil mənə heç nə deməyib. Özüm bilirəm, nə mənə olar, nə - olmaz.

Çalışıram, elə şərait yaratmayım ki, həyat yoldaşım mənə nəyisə icazə vermədiyini desin. Düzdür, hər bir ailədə olduğu kimi, bizdə də müəyyən şeylərə sərhəd var. Əgər mənim həyat yoldaşım mənə nəyisə qadağa edirsə, mən, təbii ki, onun sözündən çıxmayacam.

Gərək ailədə hörmət olsun. Biz bir-birimizə hörmət edirik. Bu səbəbdən də heç bir problemimiz olmur", - Gülay Zeynalova dedi.