Avstraliyadan olan rəssam Aelita Andre peşəkar incəsənət dünyasını özünə heyran qoyub.
Rusiya mətbuatına istinadən verdiyi xəbərə görə, Aleita 4 yaşı olarkən artıq ABŞ və İtaliya kimi ölkələrdə şəxsi sərgiləri açılmışdı. Hal-hazırda Aeilita dünyanın ən gənc rəssamı sayılır.
Qızcığaz hələ 9 aylıq olarkən istedadını nümayiş etdirib.
Hər şey Melburn rəssamlıq qalareyasının direktorunun hansısa naməlum rəssamın əsərini sərgi ekspozisiyasına əlavə etməsindən sonra başladı. Direktor öyrənəndə ki, bu əsərin müəllifinin cəmi 2 yaşı var, o, şoka düşdü, amma proqramını dəyişmədi.
Gənc rəssamın işləri abstraksionizmə və sürrealizmə yaxındır. Aleita ən bahalı əsərini 30 min dollara satıb. Ümumiyyətlə isə onun satılan əsərlərinin ümumi miqdarı 1 milyon dollara yaxındır. Qızcığaz nəyi çəkəcəyinə özü qərar verir. Şəkli çəkərkən Aleita qəfildən oyun oynamağa başlaya bilər, amma sonradan o mütləq təkrar şəkli çəkməyə başlayır və mütləq öz işini yekunlaşdırır.
Aelita Avstraliya Milli Vizual İncəsənət Assosiasiyasının üzvüdür. Onun işləri o qədər yaxşıdır ki, bəzi tənqidçilər iddia edir ki, bu şəkilləri o çəkə bilməz, onlar kiminsə köməyinə işarə edirlər. Amma valideynlər – rus fotoqraf Nina Kalaşnikova və avstraliyalı rəssam Maykl Andre – deyir ki, qızcığaz şəkil çəkmək “dəlisidir”.
Aleitanın sevdiyi digər məşğuliyyətlər pianino çalmaq, oxumaq, şokolad yemək və rusca danışmaqdır.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.