Sevda Yahyayeva səhnə geyimi ilə tamaşaçıları şoka saldı - Foto
“Yeni Ulduz” mahnı yarışmasının yetirməsi, gənc müğənni Sevda Yahyayeva solo konsert verib.
Heydər Əliyev Sarayında müğənninin “Tut əlimdən” adlı solo konserti olub.
Fərqli səhnə tərtibatı və dekorasiya, işıq effektləri quraşdırmış səhnədə görünən Sevda Yahyayeva nə az, nə çox, dörd geyim dəyişib.
Geyimlərdən birində açıq-saçıq görkəmdə səhnəyə çıxan müğənni hamını şoka salıb. Sanki yarıçılpaq olan Sevdanı səhnədə rəqs qrupu da müşayiət edib.
Repertuarındakı yeni və köhnə mahnıları ilə yanaşı, müğənni muğam da ifa edib.
Qonaqlar arasında xalq artisti Zülfiyyə Xanbabayeva, müğənni Safura Əlizadə və xalq artisti Aygün Kazımovanın qızı İlqarə də olub. Safura və İlqarə səhnəyə çıxaraq, S.Yahyayevaya gül buketi veriblər.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.