Tanınmış modelyer Gülnarə Xəlilova ilə maraqlı söhbət...
Artıq yay mövsümü başladı. Yəqin ki, xanımları “Bu yay hansı rənglər dəbdə olacaq?”, “Görəsən ziyafətə nə cür libas geyinim?”, “Böyük, yoxsa kiçik ölçülü çanta alım?” kimi suallar çox düşündürür. Elə isə tanınmış modelyer Gülnarə Xəlilovanın məsləhətlərini oxuyun.
- Yay mövsümündə hansı rənglər aktual olacaq?
- Ümumiyyətlə, ilin başlanğıcında bir çox rənglər aktual oldu. Məsələn: göy, mavi, lavanda ilə yasəmən çiçəyi rənginin qarışığı, badımcan rəngi hələ də dəbdədir. Sakit tonlara gəldikdə isə, açıq yaşıl və boz, al qırmızı, portağal, qum rəngi seçsəniz dəblə ayaqlaşacaqsınız. Qeyd etmək istəyirəm ki, qum rəngini bütün geyimlərdə - ətək, şalvar, köynək və s.-də istifadə edə bilərsiniz.
- Xanımlar hansı ölçüdə olan çantalara üstünlük versinlər?
- Çantalar da rəngbərəng olacaq. Böyük ölçülü çantalar artıq neçə illərdir ki, dəbdən düşmür. Son vaxtlar belə tendensiya formalaşıb: istehsalçılar insanların daha çox tələbatı olan geyimlərə, çantalara, ayaqqabılara və s. üstünlük verirlər. Yəni, “böyük ölçülü çantalar dəbdədirsə, kiçik ölçülü çantalar sıradan çıxacaq”, - deyə fikir yoxdur. Məsələn, gündəlik 8-9 saatlıq iş rejimi olan xanımlar böyük ölçülü çantalara üstünlük verirlər. Yəni, kimə necə rahatdırsa, bu da onun üçün dəbdir.
- Ayaqqabı seçimi necə olmalıdır?
- Yay mövsümündə burnuuzun, həm dikdaban, həm də yastıdaban ayaqqabılar dəbdə olacaq.
- Gündəlik və gecə geyimlərində uzun, yoxsa qısa libaslar üstünlük təşkil edəcək?
- Gündəlik və ziyafət geyimlərində uzun ətəklər və donlar dəbdə olacaq. Xanımlar gecə geyimlərində parıltılı, çoxqatlı, ikili formalı, güpür və krujevalı (şəbəkə) parçalardan istifadə etsinlər. Gecə libasında ikili forma - astar və üzərindən güpür parça hələ də öz aktuallığını qoruyub saxlayır.
Həmişə gözəllikdə, əziz xanımlar!
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.
- Yayda dəbdə olacaq donlar – FOTOLAR
- Yayda dəbdə olan ağ-qara donlar - FOTO
- Hər zaman dəbdə olan rəng ~ qırmızı..
- Mövsümün dəbdə olacaq günəş gözlükləri - FOTOLAR
- Ağır çanta xəstəlik yaradır
Forumda son mövzu | Baxış | Cavab | Müəllif | Sonuncu |