Bakı Dövlət Universitetində aksiya keçirilib. Aksiya iştirakçılarının Qaynar.info saytına verdikləri məlumata görə, 500 yaxın tələbə iştirak edib.
Polis aksiyanı dağıdıb. Aksiya keçirilən yerə, polis tərəfindən xüsusi öyrədilmiş itlər cəlb edilib.
Aksiyada 4-ə yaxın tələbə saxlanılıb. Onlardan biri Türkiyə vətəndaşıdır.
Qeyd edək ki, aksiyaya səbəb kəsri olan tələbələrin kredit üçün əlavə pulun tələb olunmasıdır.
***
Artıq bir nəfər hüquq mühafizə orqanları tərəfindən həbs olunub.
Həbs olunan şəxsin adının Tamerlan Baxşıyev olduğu deyilir. Artıq universitetin həyətindən qonaqlar gəlir bəhanəsiylə hər kəs uzaqlaşdırılır. Müxbirimiz mediaya qarşı xüsusiylə kobud davranıldığını və universitetin həyətindən mühafizəçilərin vasitəsiylə çıxarılmağa başlanıldığını söyləyib.
Daha sonra media nümayəndələrinin qarşısına çıxan universitetin rektoru Abel Məhərrəmov aksiya iştirakçıları tərəfindən fitə basılıb.
***
Hafta.az-ın əməkdaşı universitetdə aksiya öncəsi vəziyyəti, etirazların nədən ibarət olduğunu öyrənmək üçün BDU-da olub.
Maraqlısı budur ki, universitet tələbələri heç bir aksiya gözlənilmədiyini deyirlər. Sosial elmlər və psixologiya fakültəsində oxuyanlar bu barədə ümumiyyətlə nə facebook, nə də hansısa sayt vasitəsilə xəbər tutmadıqlarını deyirlər: “Bunu sizdən eşidirik, 13:30 dərs vaxtıdır. İnanmıram nəsə aksiya ola...”
Mitinqin virtual təşkilatçısı hesab olunan fəlsəfə fakültəsinin birinci kurs tələbəsi Ofeliya Abdullayeva isə bu gün ümumiyyətlə dərsə gəlməyib. Universitetin Tələbə Həmkarlar Təşkilatının sədri Daşqın Qənbərov isə Hafta.az-a açıqlamasında adıçəkilən tələbənin bu gün onun qəbulunda olduğunu və ondan izahat alındığını deyib.
Amma fəlsəfə fakültəsinin tələbələri əməkdaşımızla söhbətlərində kredit qiymətlərinin artmasına görə həqiqətən narahat olduqlarını, bu qərardan narazı qaldıqlarını bildiriblər: “Narazıdır e, hamı narazıdır... Amma heç kim ayağa durub heç nə demir. Hələ ortada heç nə yoxdur, dünən artıq jurnalistika fakültəsinin tələbələrinə ilk xəbərdarlıq edilib ki, etiraz olsa qoşulmayın, valideyninizi çağıracağıq”.
Məsələ ilə bağlı jurnalistika fakültəsinin dekan müavini Əli Hacıyevlə də görüşdük. Onun sözlərinə görə, bununla bağlı fakültənin tələbələrinə dekanlıq tərəfindən heç bir təzyiq göstərilməyib:
“Ola bilər ki, hansısa müəllim öz tələbəsinə nəsə məsləhət verib, nəsə deyib. Bəzən heç bizim tələbələr söhbətin nədən getdiyini, nəyə görə etiraz edildiyini bilmirlər. Görürlər hamı yığışır, onlar da küyə düşüb gedirlər. Hə, aksiya haqqında məlumat var idi, mən də oxudum. Əslində etirazı edən başqa fakültələrdir, bizim fakültənin isə adı çıxıb...”
BDU tələbələri Nazirlər Kabinetinin alt qrupda təhsil alan tələbələrin dərs saatlarına görə əlavə pul ödəmələri haqqında qanununa etiraz edirlər. Onlar sosial şəbəkələr vasitəsilə yaydıqları məlumatlarda aksiyanın “Girməyin cibimizə, tamah güc gəlib sizə!”, “Kəsr üçün pul verməyək!”, "Qanunları pozmayın, saxta qanun yazmayın" şüarları ilə keçəcəyini qeyd ediblər. Çağırışçılar bu şüarlarla hətta “haş taq” da yaradıblar.
Twitter-də yayılan məlumatlara görə isə artıq universitetin aksiya keçiriləcək korpusu mühafizə xidməti tərəfindən mühasirəyə alınıb.
***
Azadlıq Radiosu xəbər verir ki, tələbələr “qanunları pozmayın, saxta qanun yazmayaın” şüarını səsləndirə-səsləndirə BDU-nun qarşısından metronun “Elmlər Akademiyası” stansiyasına doğru yürüş ediblər.
Polis və mülki geyimlilər aksiyanın qarşısını almağa çalışıblar. Bu zaman bir neçə mülki geyimli 4 nəfər aksiyaçını saxlayıb. Onlardan biri qısa zamandan sonra sərbəs burxılsa da, jurnalistika fakültəsinin tələbəsi Tural Qurbanlı və daha iki nəfər polis maşınına mindirilib.
Bundan əvvəl BDU qarşısındakı oturaq aksiyada da bir neçə nəfərin saxlandığı bildirilir.
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.
- Bakıda «Əsgər ölümünə son» aksiyası keçirildi (FOTOLAR)(Video)
- 'Tarqovı'dan son xəbər - jurnalist döyüldü, aksiyaçılar saxlanıldı-Yenilə ...
- Metroda şalvarını çıxaran döyüləcək
- "Alov qüllələri"-ndə işləyən fəhlələr etiraz aksiyası keçirir
- Taksim meydanında etiraz aksiyası - [12 yaralı+Fotolar]
Forumda son mövzu | Baxış | Cavab | Müəllif | Sonuncu |
İzləyicilər | (0): |
Ziyarətçilər | (44): |
Botlar | (2): |
Hal-hazırda saytda: 46 |
|