Yaxın 2 gün ərzində Azərbaycanın yüksək dağlıq ərazilərində qar yağacağı gözlənilir
Ekologiya və Təbii Sərvətlər Nazirliyindən Trend-ə verilən məlumata görə, Bakıda və Abşeron yarımadasında oktyabrın 6-da buludlu hava şəraitinin üstünlük təşkil edəcəyi, fasilələrlə yağış yağacağı gözlənilir. Şimal-şərq küləyinin sürəti saniyədə 9-14 metr olacaq, küləyin sürəti gündüz arabir 16-18 metrədək güclənəcək.
Bakı və Abşeron yarımadasında havanın temperaturunun gecə 10-12, gündüz 12-16 dərəcə isti olacağı gözlənilir.
Oktyabrn 7-də paytaxtda havanın buludlu olacağı, bəzi yerlərdə yağış yağacağı gözlənilir. Şimal küləyinin sürəti saniyədə 9-14 metr olacaq, küləyin sürəti arabir 16-20 m/s-dək güclənəcək.
Bakı və Abşeron yarımadasında havanın temperaturunun gecə 10-12, gündüz 12-16 dərəcə isti olacağı gözlənilir.
Azərbaycanın rayonlarında oktyabrın 6-7-də arabir yağış yağacağı, ayrı-ayrı yerlərdə intensiv və güclü olacağı gözlənilir. Yüksək dağlıq ərazilərdə yağışın sulu qara, qara keçəcəyi ehtimalı var. Qərb küləyinin sürəti saniyədə 5-10 metr olacaq, küləyin sürəti arabir 15-20 m/s-dək güclənəcək. Havanın temperaturu gecə 8-13, gündüz 13-18 isti, dağlarda gecə və gündüz 3-8 isti olacağı, yüksək dağlıq ərazilərdə 0 dərəcəyə yaxın olacağı gözlənilir.
Qeyd edək ki, ölkə ərazisində qeyri-sabit hava şəraitinin oktyabın 8-i gündüzədək davam edəcəyi, fasilələrlə yağış yağacağı, bəzi yerlərdə intensiv və güclü olacağı gözlənilir.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.