Bəxtiyar Vahabzadə adına parkda Şəki Şəhər Gənclər və İdman İdarəsi, Şəki Regional Debat Mərkəzinin dəstəyi, Şəki Kreativ Gənclər Klubunun təşkilatçılığı ilə “Milli Flashmob” layihəsi çərçivəsində 30 iyun Sevgililər gününə həsr olunan "Vətənimiz əbədi sevgilimizdir" adlı fleşmob keçirilib. Şəki Kreativ Gənclər Klubunun mətbuat mərkəzindən ANS PRESS-ə daxil olan məlumata görə, fleşmobun keçirilməsində məqsəd Azərbaycanda 30 iyun Sevgililər gününü və vətənə, torpağa, bayrağa olan sevgini gənclərə təbliğ etməkdir.
Fleşmobda iştirakçılar əllərində Azərbaycanın bütün şəhər və rayonlarının adları yazılan plakatlər tutmaqla, həmçinin Azərbaycanın dövlət atributu olan dövlət bayrağını meydana gətirməklə, ətrafdakı insanların diqqətini cəlb edə bilib. Sosial şəbəkələrdə də fleşmob virtual olaraq davam etdirilib və sevgililər gününə həsr olunan “Vətənimizəbədisevgilimizdir” hastaqıyla bir sıra məlumatlar paylaşılıb.
Həmçinin Şəki Şəhər Gənclər və İdman İdarəsi, Şəki Regional Debat Mərkəzinin dəstəyi, Şəki Tibb Kolleci Debat Klubunun təşkilatçılığı ilə 30 iyun Sevgililər Gününə həsr olunan gənclər arasında ictimai debat keçirilib. Debatda gənclər əsasən cəmiyyətdə qadın və kişi münasibətləri mövzusunda maraqlı müzakirələr aparıblar. Sonda 30 iyun sevgililər gününün milli dəyərlərin təbliği, milliliyin qorunmasındakı töhfələri qeyd olunub.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.