Videoda BDU-nin professoru Hacı Əsədulla və məhrum Sevinc Babayeva ilə ABU-nun rektoru Elşad Abdullayevin söhbətləri əksini tapıb

Azərbaycan Beynəlxalq Universitetinin rektoru Elşad Abdullayev məhrum Sevinc Babayeva ilə bağlı iki yeni video yayıb. Həmin videolar Mahir Abdullayevin Hüquqlarının Müdafiə Komitəsindən “Azadlıq.TV”-yə təqdim edilib. Təqdim edilən videolarda Bakı Dövlət Universitetinin professoru Hacı Əsədulla (soyadını müəyənləşdirə bilmədik-red) və məhrum Sevinc Babayeva ilə ABU-nun rektoru Elşad Abdullayevin söhbətləri əksini tapıb.

Hacı Əsədulla E. Abdullayevə bildirir ki, Milli Təhlükəsizlik Nazirliyi Mahir Abdullayevin tapılması üçün bir neçə qrup yaradıb. Həmin qruplar Rusiyada, Almaniyada, Fransada və başqa ölkələrdə M. Abdullayevin işi ilə bağlı ezam olunublar. Hacı Əsədulla onu da qeyd edir ki, təhqiqatda xeyli uğur əldə edilib və M. Abdullayevin vəziyyəti yaxşıdır. Qeyd edək ki, E. Abdullayevin bildirdiyinə görə, Hacı Əsədullanın oğlu Milli Təhlükəsizlik Nazirliyində çalışır. Və informasiyalar onun vasitəsi ilə E. Abdullayevə çatdırılıb.

Xatırladaq ki, əvvəlki videoda MTN-nin Fikrət adlı əməkdaşı bildirir ki, M. Abdullayev İlqar Səfixanov adlı şəxslə 2 günlük Türkiyəyə gedib qayıdıb.

Sevinc Babayeva ilə E. Abdullayevin arasında gedən danışıqda isə Mahir Abdullayevin geri qaytarılması üçün G. Əhmədova 500 min manat tələb edib. Daha sonra M. Abdullayevi yüksək vəzivəyə gətirmək üçün əlavə 500 min manat tələb edir. E. Abdullayev isə əlavə pulu olmadığını bildirir. Söhbət zamanı S. Babayeva telefonla G. Əhmədova ilə danışaraq E. Abdullayevin əlavə pulu olmadığını bildirir.

Qeyd edək ki, videolentləri komitəyə E. Abdulayev tərəfindən təqdim edilib. E. Abdullayev hər iki videolentin davamını yaxın günlərdə ictimaiyyətə təqdim ediləcəyini bildirib.

Komitə eyni zamanda bəyan edir ki, videolentlər Baş Prokurorluğa da göndəriləcək.