Ötən əsrin əvvəllərində normal ana və atadan doğulan Bill Durk görənləri şoka salırdı. Onun damağı yarıq idi və üzü sanki iki yerə bölünmüşdü. Bill üçün həmin dövrdə həkimlər heç nə edə bilmirdilər. Dəhşətli göründüyü üçün Bill məktəbə belə getmir. O özünə qapanır.

Bir gün festival üçün Billin yaşadığı şəhərə gedən sirk ona pul qarşılığında şou göstərməyi təklif edir. Bill qəbul edir. Sirkin rejissoru onsuz da dəhşətli görünən Billin üzünə, burnunun üstünə üçüncü göz yerləşdirir və heyvan kimi şəhərbəşəhər gəzdirərək insanlara nümayiş etdirir. Lakin bir tərəfdən bu Billin işinə yarayır. Bill məşhurlaşır və hətta özündən on yaş böyük qadınla da evlənir.

Onun bu nigahdan çox sağlam və gözəl qızı olur. Xoşbəxt olsa da üzünə görə daim insanlardan təcrid olan Bill ömrünün sonlarını gizlənərək keçirib və 1975-ci ildə ölüb.