Azərbaycan Müdafiə Sənayesi Nazirliyinin (MSN) açıqlamasına görə, Azərbaycanın Milli Qəhrəmanı Mübariz İbrahimovun şərəfinə “Mübariz” adlandırılan yeni istehsal edilmiş 12.7 mm çaplı “Mübariz” snayper tüfəngi cari ildən etibarən ordumuzun istifadəsinə verilə bilər.
Qeyd edək ki, 12.7x108 mm çaplı “Mübariz” snayperi “İstiqlal” antimaterial snayper tüfəngi sinfinə daxildir. Tüfəng uzaq məsafədə düşmənin canlı qüvvəsini, hərbi texnikasını, möhkəmləndirilmiş mövqelərini məhv etmək üçün hazırlanıb.
Silahın ən üstün xüsusiyyətlərindən biri odur ki, Azərbaycan istehsalı olan optik nişangahla komplektləşdirilib və düşmən hədəfini 2 km məsafədən məhv etməyə qadirdir.
Bundan əlavə Nazirliyin istehsalat müəssisələrində “İstiqlal” snayperinin yeni modeli üzərində işlər aparılır. Təkmilləşdirmə işində silahın çəkisi də bir qədər azaldılaraq 28 kq-a qədər endirilib.
Xatırladaq ki, 2008-ci ilin noyabr ayında Pakistanın Karaçi şəhərində keçirilən "İDEAS-2008" hərbi sərgisində nümayiş etdirilən "İstiqlal" sərgiyə qatılan bəzi dövlətlərin, o cümlədən Pakistan Silahlı Qüvvələrinin nümayəndələrinin marağına səbəb olmuşdu.
"İstiqlal" snayper tüfəngi Azərbaycan Müdafiə Sənayesi Nazirliyinin (MSN) İstanbulda keçirilən IX Beynəlxalq Müdafiə Sərgisində (İDEF) də nümayiş etdirilib. Məlumatlara görə, Azərbaycanın stendində diqqəti daha çox İST-14,5 Anti-Material Rifle (İstiqlal) adlı snayper tüfəngi çəkib.
Türkiyənin bu snayper tüfənginə marağı böyükdür. Türkiyə Milli Müdafiə Nazirliyinin növbəti illərdən «İstiqlal»ın Türkiyə Silahlı Qüvvələrinin inventarına daxil ediləcəyini planlaşdırıb.
Yerli mütəxəssislər tərəfindən hazırlanan "İstiqlal" snayperi MDB və NATO ölkələrində istehsal olunan analoqlarını öz göstəricilərinə görə geridə qoyur.
Bu silahın optik nişangahı özəlliyi ilə analoqlarından fərqlənir. Hədəfi məhv etmə məsafəsi 3 min metr olan "İstiqlal" -50 və + 50 dərəcə temperaturlarda belə rahat istifadə oluna bilir. Darağın tutumu 5 patron. 2 min metr məsafədə dəqiq vuruş və beton hasarı dəlib keçmə qabiliyyətinə malikdir. Həmçinin zireh deşən və yandıran patronları da bu tüfəng üçün nəzərdə tutulmuşdur. Kalibri 14.5 mm dir. Yağmur, palçıq, qar və toz təsirinə davamlı snayper tüfəngini iki hissəyə ayırmaqla çantada daşımaq mümkündür.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.