16
aprel
“Mini yubka”lı şagirdlərə sərt xəbərdarlıq
Dərs ilinin başa çatmasına az qalıb. Paytaxt məktəblərində tətbiq edilən vahid məktəbli forması ilə bağlı Bakı şəhər üzrə Təhsil İdarəsi dərs ilinin əvvəlində bir neçə məktəbdə monitorinq keçirərək məktəblilərin geyimlərində rast gəlinən bəzi problemləri qeyd etmişdi. Monitorinqlər davam edibmi?
Bakı şəhər üzrə Təhsil İdarəsinin ictimaiyyətlə əlaqələr sektorunun müdiri Zəminə Əliqızı bildirdi ki, monitorinqlər ardıcıl şəkildə aparılmayıb, lakin məsələ nəzarətdədir: “Artıq məktəbli geyimləri ilə bağlı vahid mövqe var, uşaqlar vahid formadadırlar və buna hər məktəb rəhbərliyi nəzarət edir. Tətbiq edilən vaxtdan I-IX siniflər demək olar, 100 faiz bu formaya keçmişdilər, lakin yuxarı siniflərdə cüzi problemlər var idi, bu ildən o da öz həllini tapıb”.
Dərs ilinin əvvəlində keçirilən monitorinq zamanı yuxarı siniflərdə oxuyan bəzi qızlar arasında ətəklərin qısa olması problemi üzə çıxmışdı. Həmçinin rus bölməsinin yuxarı sinif şagirdlərinə vahid formanın bu ildən tətbiqi bir qədər çətinlik törətmişdi.
Z.Əliqızı dedi ki, gələn ildən bu məsələyə daha ciddi önəm veriləcək: “Hesab etdik ki, bu prosesi tədrici həyata keçirmək lazımdır. Çünki xarici görünüşündə birdən-birə dəyişiklik edən şagirdlər bunu normal qarşılamalıdır. Ona görə də ilin əvvəlində şagirdlərin vahid məktəbli geyiminə psixoloji cəhətdən uyğunlaşmasını daha önəmli hesab etdiyimiz üçün bəzi problemlərin həllinə daha ciddi şəkildə gələn ildən diqqət etməyi nəzərdə tutmuşuq. Nəinki qızların ətəkləri ilə bağlı məsələlərdən, ümumiyyətlə, məktəblinin xarici görkəminə yaraşan vahid geyimdən söhbət gedir.
Şagirdlərin saç düzümü, aksesuarlardan istifadə, düzgün ayaqqabı formasının seçilməsi məsələlərinə növbəti tədris ilinin əvvəlindən ciddi şəkildə riayət olunacaq. Oğlanların normal saç düzümü, yuxarı sinif şagirdləri olan oğlanların üzü taraş olunmuş şəkildə və səliqəli olmalıdır. Bütün bunları məktəb direktorları nəzarətdə saxlamalıdır. Eyni zamanda buna valideyn də nəzarət etməlidir, çünki uşaq məktəbə evdən gəlir”.
Qeyd edək ki, Türkiyədə vahid məktəbli geyiminə sərbəstlik verilməsi məsələsi aktualdır. Lakin valideynlərin böyük əksəriyyəti sərbəstlik verilməsini narazılıqla qarşıladılar. Z.Əliqızı dedi ki, qonşu ölkədə bu məsələ valideynlərin ixtiyarına buraxılsa da, Azərbaycanda vahid məktəbli geyimi icbaridir: “Bu geyim “Təhsil haqqında” qanunla tənzimlənir. Uşaqlar məktəbə məktəbli geyimində gəlməlidirlər, başqa söhbət ola bilməz!” \\Teleqraf.az
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.
Oxşar Xəbərlər:
- Valideynlərin nəzərinə: “Pulla kitab almayın!“
- Təhsil Nazirliyindən yeni dərs ili ilə bağlı hicab açıqlaması
- Təhsil sistemində köklü dəyişiklik olacaq - SİYAHI
- Bakıda son zəng (FOTO)
- Azərbaycanın təhsil sistemində yeniliklər gözlənilir
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
| Forumda son mövzu | Baxış | Cavab | Müəllif | Sonuncu |
Naviqator
Populyar Xəbərlər
Online
| İzləyicilər | (1): |
 |
|
| Ziyarətçilər | (33): |
|
|
| Botlar | (2): |
  |
|
| Hal-hazırda saytda: 36 | |
Xoş Gəlmisiz...(Son Qeydiyyat)
Facebookda biz
Reklam
Son Rəylər
Reklam
Sorğu
Azad olunmamış Azərbaycan
Xəbər Müəllifləri
Şərh Müəllifləri
|
Sayğac