Sosial şəbəkələrdə Azərbaycana aid ən böyük səhifələrdən biri - “Azərbaycan-Azərbaycan” səhifəsinin fəaliyyəti dünən axşam saatlarında dayandırılıb. Səhifə 265 min bəyənmə, 105 min aktiv izləyici ilə ilk sıralarda idi.
Səhifənin yaradıcısı Emil Məmmədov Publika.Az-a açıqlamasında səhifənin silinməsinin səbəblərinə və nə vaxt bərpa ediləcəyinə aydınlıq gətirdi:
“Dünən 22:00 radələrində səhifə birdən-birə silindi. Dəqiq olan odur ki, səhifə oğurlanmayıb, silinib. Bu cür silinmənin isə iki səbəbi ola bilər, ya borcdan, ya da şikayət nəticəsində. Borclarımızın hamısını ödəmişik. Bizdən əvvəl anoloji hadisə “Ramil Səfərov” səhifəsində baş vermişdi.
Həmin səhifə silinməmişdən əvvəl xəbərdarlıq gəlmişdi. Amma bizim səhifə heç bir xəbərdarlıq edilmədən silindi. Düşünürük ki, bizim səhifə ilə əlaqədar “Nidaçılar” tərəfindən şikayət olunub. Onlar səhifənin şikayət olunması ilə bağlı kompaniya aparırdılar. Ona görə əminik ki, səhifənin silinməsinə səbəb bu şikayətlərdir. Artıq səhifənin bərpa olunması ilə bağlı “Facebook”un əsas Kaliforniyadakı ofisinə müraciət etmişik. Yaxın üç günə, yaxud bir həftəyə səhifə bərpa olunacaq”.
[code][/code]
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.
İnformasiya
