İnsanların eşq uğrunda ailələrini, evliliklərini, karyeralarını belə riskə atmalarının nədən qaynaqlandığı məlum olub

London Universitetinin mütəxəssisləri eşqin ən həyəcanlı günlərində insan beyninin ön qabığının "mühakimə qabiliyyəti" ilə əlaqədar öz fəaliyyətini dayandırdığını müəyyən ediblər. Belə ki, mütəxəssislər skan etmə metodu ilə beyindəki kimyəvi dəyişikliklərin xəritəsini çıxarıblar. Üzərində təcrübə aparılan şəxslərə sevdiklərinin fotoşəklini göstərdikdə onların ön beyin qabığında tənqidə və ya şübhəyə yol açan mexanizmlərin öz işini dayandırdığı meydana çıxıb.

Bununla da, ingilis alimlərin bu kəşfi ilə xalq arasında geniş yayılmış "eşq ağlını başından alıb" deyimi öz elmi sübutunu tapıb.

Ən sürətli super kompüterlər

 100 milyon dollarlıq Amerikada hazırlanmış “Titan” dünyanın ən sürətli super kompüteri seçilib.
“Titan Cray XK47″ saniyətə 17.59 petafloq sürətə malikdir. Dünyanın ən sürətli 5 superkomyuteri :

1. “Titan Cray XK47″ (17.59 petaflop/san)
2. “Sequoia BlueGene/Q” (16.33 petaflop/san)
3. “Fujitsu’s K” (10.51 petaflop/san)
  4. “The Mira BlueGene/Q” (8.16 petaflop/san)
5. “The JUQUEEN BlueGene/Q” (4.14 petaflop/san)

Messi 15 milyon tələb etdi

“Barselona”nın ulduz futbolçusu Lionel Messi klub rəhbərliyini təəccübləndirib. Publika.Az-ın Türkiyə mətbuatına istinadən verdiyi xəbərə görə, argentinalı futbol ulduzu rəhbərlikdən illik məvacibinin 15 milyon funta qaldırılmasını tələb edib.
Rəhbərlik onunla müqaviləni 2016-cı ilə qədər uzatmaq və oyunçuya ilinə 10 milyon vermək istəyib. Lakin 25 yaşlı futbolçunun bu qərarı “Barselona” rəhbərliyini şoka salıb.
Hələ ki məsələnin necə həll olunacağı dəqiq məlum deyil və klub rəhbərliyi bu barədə mətbuata açıqlama verməyib.

Məlumat üçün bildirək ki, Messi bu mövsüm İspaniya çempionatında 11 oyunda 15 qol vurub və 5 məhsuldar ötürmə verib. 

Kriştiano Ronaldo kor oldu?

İspaniyanın “Real” (Madrid) klubunun portuqaliyalı hücumçusu Kriştiano Ronaldonun gözləri tutulub. ANS PRESS-in Rusiya mətbuatına istinadən verdiyi məlumata görə, İspaniya çempionatının son turunda Kriştiano Ronaldo “Levante” klubu ilə keçirilən matçda rəqiblə toqquşmada aldıı zərbədən sonra görmə qabiliyyətini itirib.

“Real” klubunun rəsmi internet saytının verdiyi məlumata görə, Madridin “Real” klubunun baş məşqçisi Joze Mourinyo bildirib ki, Ronaldo ötən gün həkim müayinəsindən keçib. Hələlik nəticələr hazır deyil.

Həmin görüşün birinci dəqiqəsində Ronaldo rəqib futbolçu ilə toqquşub və futbolçunun dirsəyi onun üzünə dəyib. Ronaldonun qaşı zədələnib.
Əvvəlcə ciddi nəsə olduğu düşünülməsə də, sonradan Ronaldo özünü narahat hiss etdiyi üçün başqa oyunçu ilə əvəzlənib.
 Lakin sonradan Ronaldonun aldığı zərbə üzündən onun bir gözündə görmə ilə bağlı problem yaranıb. Sonradan onun hər iki gözü görməməyə başlayıb. Hələlik yaranmış xoşagəlməz hal ilə əlaqədar Ronaldonun nə qədər oyun buraxacağı məlum deyil.