11
noyabr
Bu günə olan son xəbərlər [maraqlı]
![Bu günə olan son xəbərlər [maraqlı]](/uploads/posts/1351862598_flima-son-xeberler.jpg "Bu günə olan son xəbərlər [maraqlı]")
Azərbaycanın böyük şəhəri susuz qalıb
Milli.Az-a Sumqayıt şəhərində yaşayan bir neçə sakin məlumat verib. Sakinlərin məlumatına əsasən, bu gün səhərdən etibarən şəhərin bir neçə mikrorayonunda və mərkəzi məhəllələrində su təchizatı dayanıb.
Məsələ ilə bağlı "Azərsu" ASC-nin mətbuat katibi Anar Cəbrayıllı ilə əlaqə saxlamağa çalışdıq, lakin onun nömrəsinə zəng çatmadı. Sumqayıt Su-kanal İdarəsi və "Azərsu" ASC-nin "qaynar xətti"i ilə (955 nömrəsi) əlaqə saxlamaq cəhdlərimiz də uğursuz alındı. Nə "qaynar xət"də, nə də Sumqayıt Su-kanal İdarəsində zənglərə cavab verən tapılmadı.
Nəhayət Sumqayıt Şəhər İcra Hakimiyyətində axtardığımız sualın cavabını tapa bildik. İcra hakimiyyətində növbətçi olan Mehman Vəliyev şəhərin bir sıra yerlərində su təchizatı ilə bağlı problemlərin yarandığını təsdiqlədi. Bildirdi ki, bu, təmir işləri ilə əlaqədardır. Onun sözlərinə görə, problem qısa bir zamanda həllini tapacaq.
Ana və oğlu boğuldular
Bu barədə APA-ya Şirvan Şəhər Polis Şöbəsinin verdiyi məlumata görə, ötən gecə saat 4.30 radələrində Şirvan şəhəri H.Əliyev küçəsi, 2a, mənzil 41 ünvanında yaşayan, 1965-ci il təvəllüdlü Caniyeva Zülfiyyə Viktor qızı və onun oğlu, 1995-ci il təvəllüdlü Salmanov Həsən Ramiz oğlu qaz sızmasından boğularaq ölüblər.
Faktla bağlı Şirvan Şəhər Prokurorluğunda araşdırma aparılır.
Leyla Əliyeva: "Azərbaycanda dindarlar qorxmadan dinlərinə sitayiş edirlər"
"Dini və mədəni dözümlülük bizim üçün nailiyyət deyildir. Bu, bizim gündəlik həyat tərzimizdir. Bu, həm də bizim bildiyimiz yeganə həyat tərzidir". ANS PRESS-in məlumatına görə, bunu İslam Konfransı Gənclər Forumunun mədəniyyətlərarası dialoq üzrə baş əlaqələndiricisi, Heydər Əliyev Fondunun vitse-prezidenti Leyla Əliyeva Londonda "Avropa multikulturalizminin perspektivləri: Dinlərarası dialoq və dini tolerantlığın Azərbaycan modeli" mövzusunda konfransda deyib. Leyla Əliyeva müasir Avropada multikulturalizm problemi prizmasında tədbirin əhəmiyyətini qeyd edib. Heydər Əliyev Fondunun vitse-prezidenti dini tolerantlıq və dinlərarası dialoq probleminin nəzəri əsaslarına geniş toxunub, bu sahədə mövcud olan elmi yanaşmalar barədə ətraflı danışıb. Leyla Əliyeva bu məsələnin ümumbəşəri problemə çevrildiyini və onun öyrənilməsi və həlli yollarının tapılmasında Azərbaycan təcrübəsinin uğurlu model olduğunu vurğulayıb.
"Zərdüştlük Azərbaycanda yaranıb. Böyük yəhudi icmaları eramızdan əvvəl VII-V əsrlərdə torpaqlarımızda məskunlaşıblar. IV əsrdə xristianlıq dövlət dini olub. Bundan sonra isə VIII əsrdən başlayaraq Azərbaycanda İslam dini yayılıb. Bu gün Azərbaycan əhalisinin əksəriyyəti müsəlmanlardır. Bununla yanaşı, ölkəmizdə xristian və yəhudi icmaları, eyni zamanda, demək olar ki, bütün etiqadları təmsil edən daha kiçik icmalar da mövcuddur. Siz Azərbaycanda məscidləri, kilsələri, sinaqoqları və digər dini ibadətgahları yanaşı görə bilərsiniz. Buradakı dindarlar heç bir təqibdən qorxmayaraq öz dinlərinə sitayiş edirlər", - Leyla Əliyeva deyib.
Hava proqnozu
Milli.Az AzərTAc-a istinadən xəbər verir ki, Bakıda və Abşeron yarımadasında havanın dəyişkən buludlu olacağı, arabir tutulacağı gözlənilir. Gecə və axşam bəzi yerlərdə yağış yağacağı ehtimalı var.
Temperatur gecə 10-12, gündüz 12-15 dərəcə isti olacaq.
Bakıda gecə 10-12, gündüz 12-14 dərəcə isti olacaq.
Atmosfer təzyiqi 760 millimetr civə sütunundan 769 millimetr civə sütununa yüksələcək, nisbi rütubət 80-90 faiz təşkil edəcək.
Naxçıvan Muxtar Respublikasında arabir yağış yağacağı gözlənilir. Ayrı-ayrı yerlərdə intensivləşəcəyi ehtimalı var.
Temperaturun gecə 4-9, gündüz 14-19 dərəcə isti olacağı gözlənilir.
Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, Daşkəsən, Gədəbəy rayonlarında arabir yağış yağacağı gözlənilir. Ayrı-ayrı yerlərdə intensivləşəcəyi ehtimalı var.
Temperaturun gecə 2-6, gündüz 6-11 dərəcə isti olacağı gözlənilir.
Qazax-Gəncə, Goranboy, Tərtər-Ağdam-Ağcabədi-Füzuli-Cəbrayıl rayonlarında arabir yağış yağacağı gözlənilir. Ayrı-ayrı yerlərdə intensivləşəcəyi ehtimalı var.
Temperaturun gecə 7-11, gündüz 11-16 dərəcə isti olacağı gözlənilir.
Balakən-Zaqatala-Qax-Şəki-Oğuz-Qəbələ, İsmayıllı-Şamaxı-Ağsu-Xızı, Siyəzən-Şabran, Quba-Qusar-Xaçmaz rayonlarında arabir yağış yağacağı gözlənilir. Ayrı-ayrı yerlərdə intensivləşəcəyi ehtimalı var.
Temperaturun gecə 5-8, gündüz 8-13 isti, dağlarda 2-5, gündüz 5-8 dərəcə isti olacağı gözlənilir.
Mərkəzi-Aran: Ağdaş, Mingəçevir, Yevlax, Kürdəmir, İmişli, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında arabir yağış yağacağı gözlənilir. Ayrı-ayrı yerlərdə intensivləşəcəyi ehtimalı var.
Temperaturun gecə 9-13, gündüz 13-17 dərəcə isti olacağı gözlənilir.
Masallı-Lənkəran-Astara-Lerik və Yardımlı rayonlarında arabir yağış yağacağı gözlənilir. Ayrı-ayrı yerlərdə intensivləşəcəyi ehtimalı var.
Temperaturun gecə 9-13, gündüz 13-17, dağlarda gecə 4-8, gündüz 8-13 dərəcə isti olacağı gözlənilir.
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.
| Müəllif - VseleNNaya, Baxılıb - 4326, Rəy sayı - 13 , Tarix: 11-11-2012, 12:10 |
Oxşar Xəbərlər:
- Bu gün qar yağacağı gözlənilir
- Azərbaycana qar yağacaq
- Bu günə olan Son xəbərlər
- Sabah Bakıda güclü külək əsəcək, yağış yağacaq
- Bu günə olan son xəbərlər
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
| Forumda son mövzu | Baxış | Cavab | Müəllif | Sonuncu |
Naviqator
Populyar Xəbərlər
Online
| İzləyicilər | (0): |
| Ziyarətçilər | (46): |
 |
|
| Botlar | (0): |
| Hal-hazırda saytda: 46 | |
Xoş Gəlmisiz...(Son Qeydiyyat)
Facebookda biz
Reklam
Son Rəylər
Reklam
Sorğu
Azad olunmamış Azərbaycan
Xəbər Müəllifləri
Şərh Müəllifləri
|
Sayğac